28/08/2018 10:58 GMT+7 Email Print Like 0

ການຮ່ວມມືລະຫວ່າງລະບົບ ສານຫວຽດນາມ - ລາວ ນັບມື້ນັບມີປະສິດທິຜົນ, ແທດຈິງ

ໃນຂອບເຂດການຢ້ຽມຢາມ ແລະ ເຮັດວຽກຢູ່ ສປປ. ລາວ, ຕອນເຊົ້າວັນທີ 27 ສິງຫາ ຢູ່ນະຄອນຫຼວງວຽງຈັນ, ຄະນະຜູ້ແທນສານປະຊາຊົນສູງສຸດຫວຽດນາມ ໂດຍທ່ານ ຫງວຽນຮວ່າບິງ, ປະທານສານປະຊາຊົນສູງສຸດ ຫວຽດນາມ ເປັນຫົວໜ້າຄະນະ, ມີການເຈລະຈາກັບ ຄະນະຜູ້ແທນ ສານປະຊາຊົນສູງສຸດ ລາວ ໂດຍທ່ານປະທານສານປະຊາຊົນສູງສຸດລາວ ຄໍາພັນ ສິດທິດໍາພາ, ເປັນຫົວໜ້າຄະນະ. 


ການເຈລະຈາລະຫວ່າງ ສານປະຊາຊົນສູງສຸດຫວຽມນາມ ແລະ ສານປະຊາຊົນສູງສຸດລາວ

(ພາບ:Pham Kien/ Vietnam+)

ນະທີ່ນີ້, ສອງຝ່າຍສືບຕໍ່ຍູ້ແຮງການປະຕິບັດ ສັນຍາລະຫວ່າງສອງລັດຖະບານລາວ - ຫວຽດນາມ ກ່ຽວກັບການປ້ອງກັນ, ຕ້ານຢາເສບຕິດ; ແລກປ່ຽນຂໍ້ມູນຂ່າວສານກ່ຽວກັບສະພາບການອາດຊະຍາກໍາ ແລະ ສະພາບການຕົວຈິງໃນການພິພາກສາບັນດາອາດຊະຍາກໍາຂ້າມຊາດ, ອາດຊະຍາກໍາ ທີ່ກ່ຽວຂ້ອງເຖິງຊາວຫວຽດນາມ ອາໄສຢູ່ລາວ ແລະ ຊາວລາວ ອາໄສຢູ່ຫວຽດນາມ ຢ່າງມີປະສິດທິຜົນ.

        ກ່າວຄໍາເຫັນທີ່ການເຈລະຈາ, ທ່ານ ຫງວຽນຮວ່າບິງ ໃຫ້ຮູ້ວ່າ ຝ່າຍຫວຽດນາມ ບໍ່ພຽງແຕ່ ກຽມພ້ອມທີ່ຈະໜູນຊ່ວຍການບໍາລຸງສ້າງດ້ານວິຊາການໃຫ້ແກ່ບັນດາຜູ້ພິພາກສາທາງຝ່າຍລາວໃນໄລຍະສັ້ນເທົ່ານັ້ນ, ຫາກຍັງພ້ອມແລ້ວທີ່ຈະສົ່ງນັກຊ່ຽວຊານທີ່ມີປະສົບການໄປຍັງປະເທດລາວ ເພື່ອແບ່ງປັນຄວາມຮູ້ ຕາມຄວາມຮຽກຮ້ອງຕ້ອງການຂອງຝ່າຍລາວ ອີກດ້ວຍ.

        ເນື່ອງໃນໂອກາດນີ້, ທ່ານ ຫງວຽນຮວ່າບິງ ກໍໄດ້ມອບເງິນກຸສົນຈາກລັດຖະກອນ, ພະນັກງານ ສານປະຊາຊົນສູງສຸດຫວຽດນາມ ເຊິ່ງລວມມີມູນຄ່່າ 500 ລ້ານດົ່ງ ເພື່ອໜູນຊ່ວຍໃຫ້ແກ່ປະຊາຊົນ ລາວ ທີ່ຖືກຜົນສະທ້ອນຈາກໄພພິບັດ ເຂື່ອນກັ້ນນໍ້າເຊປ່ຽນ - ເຊນໍ້ານ້ອຍແຕກ ແກ້ໄຂສະພາບການຫຍຸ້ງຍາກດັ່ງກ່າວ ແລະ ກັບຄືນສູ່ການດໍາລົງຊີວິດເປັນປົກກະຕິ ໂດຍໄວ. 

(ແຫຼ່ງຄັດຈາກ VOV)