21/04/2016 10:14 GMT+7 Email Print Like 0

ການນຳຫວຽດນາມສົ່ງໂທລະເລກອວຍພອນເຖິງບັນດາການນຳຄົນໃໝ່ຂອງລາວ

ກອງ​ປະ​ຊຸມ​ຄັ້ງ​ປະ​ຖົມ​ມະ​ເລິກ​ສະ​ພາ​ແຫ່ງ​ຊາດ​ຫວຽດ​ນາມ​ຊຸດ​ທີ 8
      ວັນ​ທີ 20/4, ທີ່ກອງ​ປະ​ຊຸມ​ຄັ້ງ​ປະ​ຖົມ​ມະ​ເລິກ​ສະ​ພາ​ແຫ່ງ​ຊາດ​ຫວຽດ​ນາມ​ຊຸດ​ທີ 8, ບັນ​ດາ​ສະ​ມາ​ຊິກ​ສະ​ພາ​ແຫ່ງ​ຊາດ​ລາວໄດ້ເລືອກຕັ້ງ ທ່ານ ບຸນຍັງ ວໍລະຈິດ ເປັນປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ທອງລຸນ ສີສຸລິດ ເປັນນາຍົກລັດຖະມົນຕີແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ, ທ່ານ ພັນຄຳ ວິພາວັນ ເປັນຮອງປະທານປະເທດແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ.
    ເນື່ອງ​ໃນ​ໂອ​ກາດນີ້, ທ່ານ​ປະ​ທານ​ປະ​ເທດ​ຫວຽດ​ນາມ ເຈີນ​ດ້າຍກວາງ, ທ່ານ​ນາ​ຍົກ​ລັດ​ຖະ​ມົນ​ຕີຫວຽດ​ນາມ ຫງວຽນ​ຊວນ​ຟຸກ, ທ່ານ​ນາງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຫງວຽນ​ທິ​ກິມ​ເງີນ, ທ່ານ​ນາງ​ຮອງ​ປະ​ທານ​ປະ​ເທດ​ຫວຽດ​ນາມ ດັ້ງ​ທິ​ຫງອກ​ທິ້ງ ໄດ້​ສົ່ງ​ໂທ​ລະ​ເລກອວຍ​ພອນ​ເຖິງ​ບັນ​ດາ​ການ​ນຳ​ຄົນ​ໃໝ່ຂອງ​ລາວ.
    ໃນ​ໂທ​ລະ​ເລກອວຍ​ພອນ, ບັນ​ດາ​ຜູ້​ນຳ​ຫວຽດ​ນາມ​ໄດ້​ອວຍ​ພອນ​ບັນ​ດາ​ການ​ນຳ​ຄົນ​ໃໝ່​ຂອງ​ລາວ​ຊຶ່ງ​ໄດ້​ຮັບ​ຄວາມ​ໄວ້​ວາງ​ໃຈ​ເລືອກ​ຕັ້ງຈາກສະ​ພາ​ແຫ່ງ​ຊາດ​ລາວ. ບັນ​ດາ​ການ​ນຳ​ຫວຽດ​ນາມ​ສະ​ແດງ​ຄວາມ​ເຊື່ອ​ໝັ້ນ​ວ່າ ໂດຍ​ພາຍ​ໃຕ້​ການ​ຊີ້​ນຳ​ນຳ​ພາ​ຂອງ​ຄະ​ນະ​ນຳ​ຊຸດ​ໃໝ່, ປະ​ຊາ​ຊົນ​ລາວ​ບັນ​ດາ​ເຜົ່າ​ຈະ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່​ຄັ້ງ​ທີ 10 ຂອງ​ພັກ​ປະ​ຊາ​ຊົນ​ປະ​ຕິ​ວັດ​ລາວ ແລະ ແຜນ​ພັດ​ທະ​ນາ​ເສດ​ຖະ​ກິດ​ສັງ​ຄົມ​ຂອງ​ລາວ​ໄລ​ຍະ 5 ປີ ຄັ້ງ​ທີ 8 ຢ່າງ​ມີ​ໄຊ. ບັນ​ດາ​ຜູ້​ນຳ​ຫວຽດ​ນາມຢືນ​ຢັນ​ຈະ​ສືບ​ຕໍ່​ຮ່ວມ​ມື​ຢ່າງ​ແໜ້ນ​ແຟ້ນ​ກັບບັນ​ດາ​ການ​ນຳ​ລາວ​ເພື່ອ​ຂະ​ຫຍາຍ​ສາຍ​ພົວ​ພັນ​ມິດ​ຕະ​ພາບ​ແບບ​ພິ​ເສດ​ລະ​ຫວ່າງ 2 ປະ​ເທດ​ຢ່າງບໍ່​ຢຸດຢັ້ງ.
    ໃນ​ວັນ​ດຽວ​ກັນ, ທ່ານ​ຮອ​ງ​ນາ​ຍົກ​ລັດ​ຖະ​ມົນ​ຕີ, ລັດ​ຖະ​ມົນ​ຕີ​ການ​ຕ່າງ​ປະ​ເທດ​ຫວຽດ​ນາມ ຝ້າມ​ບິງ​ມິນ ໄດ້​ສົ່ງ​ຈົດ​ໝາຍອວຍ​ພອນ​ເຖິງ​ທ່ານສະ​ເຫຼີມ​ໄຊ ກົມ​ມະ​ສິດ ເນື່ອງ​ໃນ​ໂອ​ກາດ​ໄດ້​ຮັບ​ແຕ່ງ​ຕັ້ງ​ເປັນ​ລັດ​ຖະ​ມົນ​ຕີ​ວ່າ​ການ​ກະ​ຊວງ​ການ​ຕ່າງ​ປະ​ເທດ​ລາວ.
(ແຫຼ່ງຄັດຈາກ VOV)