05/03/2016 12:34 GMT+7 Email Print Like 0

ການນຳລາວຕີລາຄາສູງການໜູນຊ່ວຍຂອງອົງການໄອຍະການປະຊາຊົນສູງສຸດ ຫວຽດນາມ


ການນຳລາວຕີລາຄາສູງການໜູນຊ່ວຍ
ຂອງອົງການໄອຍະການປະຊາຊົນສູງສຸດ ຫວຽດນາມ
(ພາບ: TTXVN)
      ຄະນະ​ຜູ້​ແທນອົງການ​ໄອ​ຍະ​ການປະຊາຊົນ​ສູງ​ສຸດຫວຽດນາມ ​ໂດຍ​ທ່ານ ​ເຈິ່ນກົງ​ຝ່າ​ນ, ຮອງ​ຫົວໜ້າ​ອົງການ​ເປັນ​ຫົວໜ້າ​ຄະນະ, ພວມ​ຢ້ຽມຢາມ ​ແລະ ​ເຮັດ​ວຽກ​ຢູ່​ລາວ. ທີ່​ການ​ຕ້ອນຮັບ​ຄະນະ​ໃນ​ຕອນ​ເຊົ້າ​ວັນ​ທີ 4/3 ຢູ່​ນະຄອນຫຼວງ​ວຽງ​ຈັນ, ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດລາວ ທອງ​ລຸນ​ສີ​ສຸ​ລິດ, ​ເນັ້ນ​ໜັກ​ວ່າ, ການ​ຢ້ຽມຢາມ ​ແລະ ​ເຮັດ​ວຽກ​ຢູ່ ລາວ​ຄັ້ງ​ນີ້​ຂອງ​ຄະນະ, ​ໄດ້​ປະກອບສ່ວນ​ປັບປຸງ, ຮັດ​ແໜ້ນ​ສາຍ​ພົວພັນ​ລະຫວ່າງ​ສອງ​ອົງການ​ໄອ​ຍະ​ການ​ລາວ - ຫວຽດນາມ ກວ່າ​ອີກ. ທ່ານ​ຮອງ​ນາຍົກລັດຖະມົນຕີ ທອງ​ລຸນ​ສີ​ສຸ​ລິດ ຫວັງ​ວ່າ, ​ໃນ​ໄລຍະ​ຈະ​ມາ​ເຖິງ, ອົງການ​ໄອ​ຍະ​ການ​ສອງ​ປະ​ເທດ ຈະ​ສືບ​ຕໍ່​ຊ່ວຍ​ເຫຼືອ, ໜູນ​ຊ່ວຍ​ເຊິ່ງກັນ ​ແລະ ກັນ ​ເພື່ອ​ພ້ອມ​ກັນ​ປະຕິບັດ​ວຽກ​ງານ​ໄອ​ຍະ​ການ​ຢູ່​ແຕ່ລະ​ປະ​ເທດ.
      ສ່ວນ​ທ່ານ ​ເຈິ່ນກົງ​ຝ່າ​ນ, ກໍ່​ໃຫ້​ຮູ້​ຈຸດປະສົງ​ຂອງ​ການ​ຢ້ຽມຢາມ ​ແລະ ​ເຮັດ​ວຽກ​ຢູ່ ​ລາວຄັ້ງ​ນີ້​ຂອງ​ຄະນະ ​ແມ່ນ​ເພື່ອ​ແນ​ໃສ່​ແບ່ງປັນ​ບົດຮຽນ​ກັບ​ເພື່ອນ​ຮ່ວມ​ອາຊີບ​ ລາວ ກ່ຽວ​ກັບ​ການຈັດ​ຕັ້ງ​ກອງ​ປະຊຸມຫົວໜ້າ​ອົງການ​ໄອ​ຍະ​ການບັນດາ​ປະ​ເທດ​ອາ​ຊຽນ - ຈີນ, ​ເຊິ່ງ ຫວຽດນາມ​ເຄີຍ​ຈັດ​ຕັ້ງ​ກ່ອນ​ນັ້ນ, ​ແນ​ໃສ່​ຊ່ວຍ​ອົງການ​ໄອຍະ​ການ​ປະຊາຊົນ​ສູງ​ສຸດ​ ລາວ​ເປັນ​ເຈົ້າພາບ​ຈັດ​ຕັ້ງ​ກອງ​ປະຊຸມ​ຄັ້ງ​ທີ 10 ນີ້​ໃນ​ເດືອນ​ຜະ​ຈິກ​ຈະ​ມາ​ເຖິງ​ເປັນ​ຢ່າງ​ດີ. ນອກ​ນັ້ນ​ຄະນະ​ຜູ້​ແທນ ຫວຽດນາມ​ຍັງແນະນຳ​ໃຫ້​ເພື່ອນ ​ລາວ​ຊາບ​ກ່ຽວ​ກັບ​ບັນດາ​ຈຸດ​ໃໝ່​ໃນ​ກົດໝາຍ​ວ່າ​ດ້ວຍ​ໄອ​ຍະ​ການ​ປະຊາຊົນ ຫວຽດນາມປີ 2014 ​ເພື່ອ​ທາ​ບທາມ.
 (ແຫຼ່ງຄັດຈາກ VOV)