27/11/2018 07:40 GMT+7 Email Print Like 0

ການນຳພັກ, ລັດພົບປະກັບຜູ້ມີສິດເລືອກພາຍຫຼັງກອງປະຊຸມສະໄໝສາມັນຂອງສະພາແຫ່ງຊາດຊຸດທີ 14

      ວັນທີ 26 ພະຈິກ, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກິມເງິນ ແລະ ຄະນະສະມາຊິກສະພາແຫ່ງຊາດນະຄອນ ເກີນເທີ ໄດ້ພົບປະກັບຜູ້ມີສິດເລືອກຕັ້ງ ເມືອງ ນິນກ່ຽວ, ເມືອງ ຟອງດ່ຽນ, ນະຄອນ ເກີນເທີ.
 
ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ແຈ້ງກັບຜູ້ມີສິດເລືອກຕັ້ງກ່ຽວກັບໝາກຜົນຂອງກອງປະຊຸມສະໄໝສາມັນເທື່ອທີ 6, ສະພາແຫ່ງຊາດຊຸດທີ 14, ພ້ອມທັງໄດ້ສະຫງວນເວລາສ່ວນຫຼາຍເພື່ອເວົ້າເຖິງກົດໝາຍວ່າດ້ວຍການປ້ອງກັນ, ຕ້ານການສໍ້ລາດບັງຫຼວງ (ສະບັບປັບປຸງ) ເຊິ່ງສະພາແຫ່ງຊາດໄດ້ຮັບຮອງເອົາ.

ທ່ານ ເຈິ່ນກວັກເວື້ອງ, ຜູ້ປະຈຳການຄະນະເລຂາ ພົບປະກັບຜູ້ມີສິດເລືອກຕັ້ງ
(ພາບ: nhandan.com.vn)
      ວັນທີ 26 ພະຈິກ, ທ່ານ ເຈິ່ນກວັກເວື້ອງ, ຜູ້ປະຈຳການຄະນະເລຂາ ແລະ ບັນດາສະມາຊິກສະພາແຫ່ງຊາດ (ສສຊ) ແຂວງ ອຽນບ໊າຍ ໄດ້ພົບປະກັບຜູ້ມີສິດເລືອກຕັ້ງເມືອງ ວັນເຈິ໊ນ, ອຽນບ໊າຍ.
        ແລະ ກໍ່ໃນວັນທີ 26 ພະຈິກ, ທ່ານ ຫວໍວັນເຖືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ພ້ອມກັບບັນດາ ສສຊ ແຂວງ ດົ່ງນາຍ ພົບປະກັບຜູ້ມີສິດເລືອກຕັ້ງເມືອງ ຫວີງກືວ. ທ່ານ ຫວໍວັນເຖືອງ ໄດ້ຢັ້ງຢືນອີກຄັ້ງໜຶ່ງກ່ຽວກັບວຽກງານຕ້ານໄພຫຍໍ້ທໍ້, ສໍ້ລາດບັງຫຼວງ ໃນໄລຍະຜ່ານມາໄດ້ຮັບການຊີ້ນຳຢ່າງຂ້ຽວຂາດຈາກພັກ ແລະ ລັດ, ບໍ່ມີຂອບເຂດຈຳກັດ:
        “ນັບແຕ່ຕົ້ນອາຍຸການຮອດປະຈຸບັນໄດ້ແກ້ໄຂຢ່າງເຂັ້ມງວດ. ຈາກກຳມະການກົມການເມືອງ, ກຳມະການສູນກາງພັກ ຕະຫຼອດຮອດເລຂາຄະນະພັກແຂວງ, ລັດຖະມົນຕີ, ຮອງລັດຖະມົນຕີ… ຖ້າມີການລະເມີດກໍ່ລ້ວນແຕ່ຖືກປັບໄໝລົງໂທດໝົດ. ຜູ້ພວມດຳລົງຕຳແໜ່ງລະເມີດ ກໍ່ຖືກປັບໄໝລົງໂທດ, ຜູ້ພັກກິນເບ້ຍບຳນານລະເມີດກໍ່ຖືກປັບໄໝລົງໂທດຄືກັນ.”
 (ແຫຼ່ງຄັດຈາກ VOV)