11/05/2015 09:29 GMT+7 Email Print Like 0

ການນຳປະເທດຕ່າງໆ ອວຍພອນລັດເຊຍເນື່ອງໃນໂອກາດວັນໄຊຊະນະຟາດຊິດ


ພິ​ທີ​ສວນ​ສະ​ໜາ​ມ​ໃນ​ວັນ​ທີ 9/5 ຢູ່ ຈັດ​ຕຸ​ລັດ​ແດງ
(ພາບ: Sputnik News)
 
        ວັນ​ທີ 9/5, ການ​ນຳ​ຫຼາຍ​ປະ​ເທດ​ໃນ​ໂລກ​ໄດ້​ຝາກ​ຄຳ​ອວຍ​ພອນ​ວັນ​ໄຊ​ຊະ​ນະ​ໃນ​ສົງ​ຄາມ​ປົກ​ປັກ​ຮັກ​ສາ​ປະ​ເທດ​ຊາດ​ທີ່​ຍິ່ງ​ໃຫຍ່ 1941 – 1945 ຂອງ​ສະ​ຫະ​ພັນ​ລັດ​ເຊຍ. ກ່າວ​ຄຳ​ເຫັນ​ເມື່ອ​ໄປ​ຮອດ​ລັດ​ເຊຍ, ໂປ​ໂລຍ, ຢູ​ແກຼນ ເຂ​ົ້າ​ຮ່ວມ​ພິ​ທີ​ສະ​ເຫຼີມ​ສະຫຼອງ 70 ປີ​ແຫ່ງ​ໄຊ​ຊະ​ນະ ຟາດ​ຊິດ, ສິ້ນ​ສຸດ​ສົງ​ຄາມ​ໂລກ​ຄັ້ງ​ທີ 2, ທ່ານ​ເລ​ຂາ​ທິ​ການ​ໃຫຍ່ ສ​ປ​ຊ Ban Ki moon ຢັ້ງ​ຢືນ​ຄວາມ​ໝາຍ​ອັນ​ໃຫຍ່ຫຼວງ​ຂອງ​ໄຊ​ຊະ​ນະ ຟາດ​ຊິດ, ພ້ອມ​ທັງ ຮຽກ​ຮ້ອງ​ປະ​ຊາ​ຄົ​ມ​ໂລກ​ເພີ່ມ​ທະ​ວີ​ທຸກໆ​ຄວາມ​ມານ​ະ​ພະ​ຍາ​ຍາມ​ເພື່ອ​ສະ​ກັດ​ກັ້ນ ແລະ ແກ້​ໄຂ​ສົງ​ຄາມ, ການ​ປະ​ທະ​ກັນ​ໂດຍ​ສັນ​ຕິ​ວິ​ທີ.
        ຜູ້​ທີ່​ປຶກ​ສາ​​ໃຫ້ປະ​ທານ​າ​ທິ​ບໍ​ດີ ອາ​ເມ​ລິ​ກາ ກ່ຽວ​ກັບ​ບ​ັນ​ຫາປະ​ເທດ ລັດ​ເຊຍ ທ່ານ​ນາງ Wallander ໄດ້​ໄປ​ຢ້ຽມ​ຢາມ​ສະ​ຖານ​ທູດ ລັດ​ເຊຍ ປະ​ຈຳ ອາ​ເມ​ລິ​ກາ ແລະ ຝາກ​ຄຳ​ອວຍ​ພອນ​ພິ​ທີ​ສວ​ນ​ສະ​ໜາມ​ສະ​ເຫຼີມ​ສະຫຼອງ 70 ປີ​ແຫ່ງ​ໄຊ​ຊະ​ນະ ແລະ ສົງ​ຄາມ​ປົກ​ປັກ​ຮັກ​ສາ​ປະ​ເທດ​ຊາດ​ທີ່​ຍິ່ງ​ໃຫຍ່​ຂອງ​ປະ​ຊາ​ຊົນ ໂຊວຽດ.
        ກ່າ​ວ​ຄຳ​ເຫັນ​ທີ່​ພິ​ທີ​ສະ​ເຫຼີມ​ສະຫຼອງ 70 ແຫ່ງວັນ​ໄຊ​ຊະ​ນະ ຟາດ​ຊິດ ດຳ​ເນີນ​ຢູ່​ສຳ​ນັກ​ງານ​ປະ​ທາ​ນາ​ທິ​ບໍ​ດີ, ທ່ານ​ປະ​ທາ​ນາ​ທິ​ບໍ​ດີ ບ​ຣາ​ຊີນ Rousseff ຂໍ​ຂອບ​ອົບ​ຂ​ອບ​ໃຈ​ບັນ​ດ​ທະ​ຫານ​ທີ່​ເຂົ້າ​ຮ່ວມ​ກຳ​ລັງ​ທະ​ຫານ​ສົ່ງ​ນອກ ບ​ຣາ​ຊີນ ຕໍ່​ສູ້​ຕ້ານ ຟາດ​ຊິດ, ພ້ອມ​ທັງ​ສະ​ແດງ​ຄວາມ​ຮູ້​ບຸນ​ຄຸນ​​ຕໍ່​ບັນ​ດາ​ຜູ້​ເສຍ​ສະຫຼະ​ຊີ​ວິດ​ເພື່ອ​ປົກ​ປັກ​ຮັກ​ສາ​ສັນ​ຕິ​ພາບ​ໃນໂລກ.
 (​ແຫຼ່ງຄັດ​ຈາກ VOV)