04/11/2015 10:44 GMT+7 Email Print Like 0

ການທາບທາມຄວາມເຫັນດ້ານການເມືອງ ຄັ້ງທີ2 ຂັ້ນລັດຖະມົນຕີການຕ່າງປະເທດຫວຽດນາມ-ລາວ

(ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​
ກະຊວງ​ການ​ຕ່າງປະ​ເທດ​ຫວຽດນາມ ຟ​້າມ​ບິ່ງ​ມິ​ງ)
      ວັນ​ທີ 03/11, ຢູ່​ຮ່າ​ໂນ້ຍ, ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ຫວຽດນາມ ຟ​້າມ​ບິ່ງ​ມິ​ງ ​ແລະ ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ລາວ ທອງ​ລຸນ ສີ​ສຸ​ລິດ ​ໄດ້​ເປັນ​ປະທານ​ກອງ​ປະຊຸມ​ທາ​ບທາມ​ຄວາມ​ເຫັນ​ດ້ານ​ການ​ເມືອງ​ປະຈຳ​ປີ​ຄັ້ງ​ທີ 2 ຂັ້ນ​ລັດຖະມົນຕີ​ການ​ຕ່າງປະ​ເທດລະ​ຫວ່າງ​ກະຊວງ​ການ​ຕ່າງປະ​ເທດ 2 ປະ​ເທດ.
      ກ່າວ​ຄຳ​ເຫັນ​​ໄຂ​ກອງ​ປະຊຸມ, ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ຫວຽດນາມ ຟ​້າມ​ບິ່ງ​ມິ​ງ ຢືນຢັນ​ວ່າ, ຫວຽດນາມ ຖື​ເປັນ​ສຳຄັນ ​ແລະ ຍາມ​ໃດ​ກໍ​ໃຫ້​ບຸລິມະ​ສິດ​ສູງ​ສຸດ​​ແກ່​ເລື່ອງ​ປັບ​ປຸງ ​ແລະ ພັດທະນາ​ສາຍພົວພັນ​ສາມັກຄີ​ແບບ​ພິ​ເສດ, ການ​ຮ່ວມ​ມື​ຮອບດ້ານ​ລະຫວ່າງ​ຫວຽດນາມ - ລາວ​ຢ່າງ​ບໍ່​ຢຸດ​ຢັ້ງ. ທ່ານ​ຮອງ​ນາຍົກລັດຖະມົນຕີ ຟ​້າມບິ່ງມິ​ງ ສະ​ເໜີ​ໃຫ້​ກະຊວງ​ການ​ຕ່າງປະ​ເທດ 2 ປະ​ເທດ, ສືບ​ຕໍ່​ສົມທົບ​ກັນຢ່າງ​ແໜ້ນ​​ແຟ້ນ ​ບົນ​ເວທີ​ປາ​ໄສ​ພາກ​ພື້ນ ​ແລະ ສາກົນ​ໃນ​ສະພາບ​ການ​ໃໝ່​.
      ສ່ວນ​ທ່ານ​ຮອງ​ນາຍົກລັດຖະມົນຕີ, ລັດຖະມົນຕີ​ວ່າການ​ກະຊວງ​ການ​ຕ່າງປະ​ເທດ​ລາວ ທອງ​ລຸນ ສີ​ສຸ​ລິດ ປາດ​ຖະໜາ​ວ່າ, ກະຊວງ​ການ​ຕ່າງປະ​ເທດ​ຫວຽດນາມ ຮັດ​ແໜ້ນ​ການ​ຮ່ວມ​ມື, ສົມທົບ​ກັບ​ກະຊວງ​ການ​ຕ່າງປະ​ເທດ​ລາວ ກ່ວາ​ອີກ, ປະກອບປັບປຸງ ​ແລະ ພັດທະນາ​ການ​ພົວພັນ​ອັນ​ດີ​ງາມ​ທີ່​ມີ​ຢູ່​​ແລ້ວ​ລະຫວ່າງ 2 ພັກ, 2 ລັດ.
 (ແຫຼ່ງຄັດຈາກ VOV)