24/12/2015 12:00 GMT+7 Email Print Like 0

ການຖ່າຍຖອດຄວາມມັກວິຊາຄະນິດສາດ

ທີ່ເວທີປາໄສ “ວິທີການສຶກສາ: ເຮັດແນວໃດຈະຖ່າຍຖອດຄວາມມັກ ວິຊາຄະນິດສາດ” ຫາກໍໄດ້ຈັດຕັ້ງຂຶ້ນທີ່ສູນວັດທະນະທຳຝຣັ່ງ ຢູ່ນະ ຄອນຫຼວງຮ່າໂນ້ຍ, ນັກຄະນິດສາດຜູ້ມີຊື່ສຽງໂລກສອງທ່ານຄື: ທ່ານ ສາດສະດາຈານ ໂງບ້າວເຈົາ (ຫວຽດນາມ) ແລະ ທ່ານ ສາດສະ ດາຈານ Cédric Villani (ຝຣັ່ງ) ໄດ້ພ້ອມກັນແລກປ່ຽນ ແລະ ມີຄວາມແບ່ງປັນບົດຮຽນທີ່ໜ້າປະທັບໃຈຕໍ່ຊາວໜຸ່ມຫວຽດນາມ ກ່ຽວກັບຄວາມຫລົງໄຫລກັບວິຊາຄະນິດສາດ. 
ສາດສະດາຈານ ໂງບ້າວເຈົາເປັນຜູ້ໃຫ້ຄຳເຊື້ອເຊີນສາດສະດາຈານ Vallian ມາຫວຽດນາມເນື່ອງຈາກວ່າ ທ່ານ Cédric Villani ເປັນຜູ້ມີຄວາມສາມາດຊຸກຍູ້ສົ່ງເສີມນັກສຶກສາຮຽນວິຊາຄະນິດສາດ. ສາດສະດາຈານທັງສອງທ່ານນີ້ໄດ້ຮັບລາງວັນ Fiels ໃນເມື່ອປີ 2010 ແລະ ຕ່າງກໍມີການປະກອບສ່ວນຢ່າງຕັ້ງໜ້າ ໃນຂົງເຂດການສຶກສາ ຢູ່ຝຣ່ັງ ແລະ ຫວຽດນາມ.

ສາດສະດາຈານ Cédric Villani ໄດ້ກະກຽມໄວ້ແຕ່ປີ 2013 ເພື່ອມາ ຫວຽດນາມພົບປະກັບບັນດາເພື່ອນຊາວໜຸ່ມໃນປີ 2015. ສິ່ງດັ່ງກ່າວ ສະແດງໃຫ້ເຫັນຄວາມໝົດຈິດໝົດໃຈຂອງທ່ານ ທີ່ມີຕໍ່ຫວຽດນາມ, ໂດຍສະເພາະແມ່ນກ່ຽວກັບການຖ່າຍຖອດໃຫ້ແກ່ວົງຄະນະຍາດ ຫວຽດນາມ ມີຄວາມເຂົ້າໃຈແຈ້ງຕື່ມກ່ຽວກັບວິຊາຄະນິດສາດ.

ທີ່ເວທີປາໄສດັ່ງກ່າວ, ສາດສະດາຈານ Cédric Villani ໄດ້ແບ່ງປັນ ຄວາມເຫັນວ່າ, ຄະນິດສາດບໍ່ພຽງແຕ່ເປັນຕົວເລກ, ຫຼັກເກນທີ່ ແຂງ ກະດ້າງເທົ່ານັ້ນ ຫາກຍັງເປັນວິຊາ, ເປັນຂະແໜງການທີ່ໜ້າຈັບໃຈ ແລະ ຢືນຢູ່ອັນດັບທີ່ໜຶ່ງໃນບັນຊີລາຍຊື່ 200 ຂະແໜງວິຊາຮຽນທີ່ ໄດ້ຮັບຄວາມນິຍົມ ຫຼາຍທີສຸດໂລກປີ 2009 ແລະ ປີ 2014. ທ່ານ ສາດສະດາຈານ Cédric Villani ເປັນຄົນມີຄວາມຫລົງໄຫລກັບວິຊາຄະນິດສາດທີ່ສຸດ ແຕ່ການຮຽນຂອງທ່ານກໍ່ຮຽນແບບຕາມໃຈມັກ. ທ່ານສາມາດສະຫງວນເວລາ 20 ຊົ່ວໂມງ/ມື້ ຕໍ່ການຄົ້ນຄວ້າຄະນິດ ສາດ ແຕ່ບາງຄັ້ງໝົດມື້ກໍບໍ່ໄດ້ແຕະເຖິງຕົວເລກ ຫລື ບໍ່ໄດ້ແກ້ເລກແຕ່ ຢ່າງໃດເລີຍ.

ຄະນິດສາດຫວຽດນາມກຳລັງຢູ່ຈຸດໃດໃນແຜນທີ່ຄະນິດສາດໂລກ? ນັ້ນແມ່ນຄຳຖາມທີ່ເພື່ອນຊາວໜຸ່ມຫຼາຍຄົນ ໄດ້ຕັ້ງໄວ້ໃຫ້ແກ່ ສາດສະດາຈານ Cédric Villani.  ແລະ ທ່ານກໍ່ໄດ້ຕອບວ່າ, ຫວຽດນາມເປັນ ປະເທດທີ່ເປັນທີ່ຮູ້ຈັກວ່າມີນັກຮຽນເກັ່ງຫຼາຍຄົນ ທີ່ໄດ້ຮັບລາງວັນຈາກ ການປະກວດນັກຮຽນເກັ່ງສາກົນ. ຫວຽດນາມທັງເປັນສູນໃຫຍ່ຂອງ ບັນດາວິຊາວິທະຍາສາດພື້ນຖານ.


ທ່ານສາດສະດາຈານ ໂງບ່າວເຈົາ (ເບື້ອງຊ້າຍ), ສາດສະດາຈານ Cédric Villani (ຢູ່ກາງ) ທີ່ເວທີພົບປະແລກປ່ຽນ
ກ່ຽວກັບ ຄະນິດສາດ ກັບບັນດາຊາວໜຸ່ມຫວຽດນາມ. 



ນັກຄະນິດສາດທີ່ມີຊື່ສຽງໂລກສອງທ່ານປະຕິບັດກິລິຍາທ່າທາງແລະ ໃກ້ຊິດສະໜິດສະໜົມ
ໃນການພົບປະແລກປ່ຽນກັບເພື່ອນ ຊາວໜຸ່ມທັງຫຼາຍ. 



ທ່ານສາດສະຈາກຈານ Cédric Villani  ຖືເປັນກັນເອງນັ່ງລົງພື້ນ ໃນຂະນະທີ່ເມົາມົວ
ບັນລະຍາຍຄວາມຄິດທີ່ໜ້າຈັບໃຈກ່ຽວກັບຄະ ນິດສາດ. 



ການພົບປະແລກປ່ຽນໄດ້ດຶງດູດການເຂົ້າຮ່ວມ ຂອງຊາວໜຸ່ມ ເປັນ ຈຳນວນຫຼວງຫຼາຍ. 


ມີຊາວໜຸ່ມຫຼາຍຄົນໄດ້ຍ່າງຂຶ້ນເທິງເວທີ  ແລະ ອ້ອມຮອບ ນັກຄະ ນິດສາດສອງທ່ານ ທີ່ເປັນເທບພະບຸດຂອງຕົນ
ເພື່ອຮັບຟັງ ເຂົາເຈົ້າ ບັນລະຍາຍ ກ່ຽວກັບຄວາມຫຼົງໄຫຼເມົາມົວກັບວິຊາຄະນິດສາດ. 



ສາດສະດາຈານ ໂງບ່າວເຈົາເລົ່າເລື່ອງມ່ວນຕ່າງໆ ກ່ຽວກັບວິຊາຄະ ນິດສາດ ແນໃສ່ແບ່ງປັນຄວາມເມົາມົວກັບຊາວໜຸ່ມທັງຫຼາຍ. 


ມີແຂກຊາວຕ່າງປະເທດຫຼາຍຄົນກໍມາເຂົ້າຮ່ວມການພົບປະແລກປ່ຽນ ຂອງສາດສະດາຈານຜູ້ມີຊື່ສຽງສອງທ່ານດັ່ງກ່າວ. 


ເພື່ອຈະໄດ້ມີການພົບປະກັບບັນດາເພື່ອນຊາວໜຸ່ມຫວຽດນາມໃນວັນນີ້,  ທ່ານສາດສະດາຈານ Cédric Villani ຕ້ອງໄດ້ມີການກະກຽມ
ມາແຕ່ປີ 2013, ສິ່ງດັ່ງກ່າວສະແດງໃຫ້ເຫັນ ຄວາມໝົດຈິດໝົດໃຈ ຂອງທ່ານ ກັບການພັດທະນາຂອງວິຊາຄະນິດສາດຫວຽດນາມ. 



ສາດສະດາຈານ ໂງບ່າວເຈົາ ແລະ ສາດສະດາຈານ Cédric Villani ຍາດໄດ້ລາງວັນ Fields ໃນເມື່ອປີ 2010. 
 
ຜ່ານການຊອກຮູ້, ສາດສະດາຈານ Cédric Villani ໃຫ້ຮູ້ວ່າ, ຫວຽດ ນາມ, ນຳໃຊ້ຄະນິດສາດເຂົ້າໃນຂະແຫນງຂໍ້ມູນຂ່າວສານຄອມພິວເຕີ, ໂຄງການເຕັກໂນໂລຊີຕ່າງໆ. ເພື່ອໃຫ້ນັກສຶກສາຮຽນໄດ້ຮັບຜົນປະໂຫຍດຕົວຈິງ, ຫວຽດນາມຕ້ອງ ພັດທະນາບັນດາຂະແໜງການອຸດສາ ຫະກຳປາຍແຫຼມ ແລະ ອຸດສາຫະກຳຊ່ວຍຫນູນ. ເພາະມັນຈະເປັນ ບ່ອນສ້າງວຽກເຮັດງານທຳ ໃຫ້ແກ່ນັກສຶກສາ. ຄຽງຄູ່ກັນນັ້ນເປັນການພັດທະນາຄວບຄູ່ກັນ ລະຫວ່າງທິດສະດີ ແລະ ການໝູນໃຊ້ຕົວຈິງ. ຢູ່ປະເທດຝຣັ່ງ, ຄະນິດສາດທິດສະດີ ແລະ ຄະນິດສາດໝູນໃຊ້ຕົວ ຈິງແມ່ນສອງຄຳນິຍາມທີ່ເປັນສີ້ນເປັນອັນຄັກແນ່ ແລະ ສ້າງຄວາມ ເຊື່ອມຕໍ່ລະຫວ່າງທິດສະດີ ແລະ ພຶດຕິກຳຕົວຈິງ.

ສາດສະດາຈານCédric Villani ໄດ້ອ້າງເຫດຜົນວ່າ, ທິດສະດີ ຄະນິດສາດ ແລະ ພາກປະຕິບັດຕົວຈິງ ຕ້ອງມີຄວາມກ່ຽວພັນກັນ. ປະຈຸບັນ ມີຫຼາຍໂຄງການເຕັກໂນໂລຊີຂ່າວສານ ຕ້ອງການເຖິງ ຄະນິດສາດ. ບັນດາໂຄງການເຕັກໂນໂລຊີຂ່າວສານເຄີຍເຕົ້າໂຮມ ນັກຊ່ຽວຊານຈາກຫຼາຍຂະແໜງການ ດັ່ງນັ້ນຈຶ່ງມີການຮັບຜົນປະໂຫຍດຮ່ວມໃຫຍ່ຫຼວງ, ນັ້ນຄືໃນເວລາທີ່ການໝູນໃຊ້ຄະນິດສາດໄດ້ຮັບການແຜ່ຂະຫຍາຍທີ່ສຸດ. ຄະນິດສາດໄດ້ໝູນໃຊ້ເຂົ້າໃນ ຂົງເຂດຕ່າງໆເຊັ່ນ: ດ້ານພະລັງງານ, ການຄຸ້ມຄອງສິ່ງແວດລ້ອມ, ວິທະຍາສາດຄົ້ນຄວ້າກ່ຽວກັບຂໍ້ມູນຂ່າວ ໃນຄອມພິວເຕີ ແລະ ສາທາລະນະສຸກ.

ເມື່ອແລກປ່ຽນກ່ຽວກັບວິທີການສຶກສາຢູ່ຕາມໂຮງຮຽນມັດທະຍົມຕອນຕົ້ນ, ມັດທະຍົມຕອນປາຍ ແລະ ຂັ້ນມະຫາວິທະຍາໄລ ເພື່ອໃຫ້ ນັກຮຽນມີຈິນຕະນາການຄະນິດສາດ ແລະ ຈັບອົກຈັບໃຈໃນການ ສຶກສາຮຳ່ຮຽນ ແລະ ຄົ້ນຄວ້າ, ສອງທ່ານສາດສະດາຈານໄດ້ ມີທັດ ສະນະລວມຄືກັນວ່າ, ບັນດາຫຼັກສູດຮຽນຄະນິດສາດທີ່ຫວຽດນາມ ຕ້ອງໄດ້ມີການປັບປຸງ, ປ່ຽນໃໝ່ກ່ຽວກັບວິທີການສິດສອນ ແລະ ສ້າງໂອກາດໃຫ້ໂຕ້ຖຽງກັນສະເໝີ. ຫວຽດນາມຕ້ອງຊອກຮູ້ແນວຄວາມຄິດປ່ຽນແປງໃໝ່ ເພື່ອເຮັດໃຫ້ການສິດສອນບັນລຸປະສິດທິຜົນກວ່າ, ສ້າງ ແຮງບັນດານໃຈໃນການຮຽນໃຫ້ແກ່ນັກຮຽນ.

ການບັນຍາຍຂອງນັກຄະນິດສາດທີ່ມີຊື່ສຽງໂລກສອງທ່ານໄດ້ດຶງດູດ ການເຂົ້າຮ່ວມຂອງເພື່ອນຊາວໜຸ່ມຫວຽດນາມ ເປັນຈຳນວນຫຼວງ ຫຼາຍ. ສິ່ງດັ່ງກ່າວສະແດງໃຫ້ເຫັນວ່າຄະນິດສາດບໍ່ພຽງແມ່ນບັນດາ ຕົວເລກທີ່ແຂງກະດ້າງ ຄືດັ່ງຄວາມຄິດຂອງຄົນທັງຫຼາຍຫາກເປັນຫົວ ບົດໜຶ່ງທີ່ໜ້າຈັບໃຈ. ນັກສຶກສາ ເຈີ່ນແທງຖຸຍ (ມະຫາວິທະຍາໄລແຫ່ງ ຊາດຮ່າໂນ້ຍ) ໃຫ້ຮູ້ວ່າ: “ເລື່ອງລາວຕ່າງໆ ຜ່ານປະສົບການຕົວຈິງ ຂອງສາດສະດາຈານສອງທ່ານນັ້ນແມ່ນສຸດທີ່ເປັນທຳມະດາສາມັນ ແລະ ງ່າຍດາຍ. ນີ້ຈະແມ່ມແຫຼ່ງແຮງບັນດານໃຈ ແລະ ເປັນຂົວຕໍ່ ຊ່ວຍໃຫ້ພວກຂ້າພະເຈົ້າ ແລະ ຊາວໜຸ່ມທັງຫຼາຍ ມີໂອກາດເພື່ອພັດ ທະນາຄວາມສາມາດຂອງຕົນໃນການຄົ້ນຄວ້າຄະນິດສາດຫລາຍຂຶ້ນ.

- ທ່ານສາດສະດາຈານ Cédric Villani ເກີດປີ 1973, ເປັນຄູສອນມະຫາວິທະຍາໄລ Lyon 1 ທັງເປັນຜູ້ອຳນວຍການ ສະຖາບັນ Henry Poincare’. ທ່ານເຄີຍໄດ້ຮັບລາງວັນໃຫຍ່ ຫຼາຍລາງວັນໃນພາລະກິດຄົ້ນຄວ້າຄະນິດສາດ, ໃນນັ້ນມີລາງວັນ Fiels ໃນເມື່ອປີ 2010.

- ທ່ານສາດສະດາຈານ ໂງບ່າວເຈົາ ເກີດປີ 1972, ເຮັດວຽກ ຢູ່ ສະ ຖາບັນຄົ້ນຄວ້າວິທະຍາສາດແຫ່ງຊາດຝຣັ່ງ CNRS ແລະ ສະຖາ ບັນຄົ້ນຄວ້າຂັ້ນສູງ Princetown. ທ່ານ ເປັນອາຈານສອນ ມະຫາ ວິທະຍາໄລ Chicago ແລະ ເປັນປະທານສະພາວິທະຍາສາດ ທີ່ສະຖາບັນຂັ້ນສູງວ່າດ້ວຍຄະນິດສາດຂອງຫວຽດນາມ. ພ້ອມກັບ ສາດສະດາຈານ Cédric Villani, ທ່ານກໍໄດ້ຮັບລາງວັນ Fiels ໃນເມື່ອປີ 2010. 

ບົດ: ບິກເວີນ - ພາບ: ເຈີ່ນແທງຢາງ


ບັນດາບົດທີ່ຖືກນຳສະເໜີ