15/08/2020 13:05 GMT+7 Email Print Like 0

ກະ​ຊວງ​ສາ​ທາ​ລະ​ນະ​ສຸກ ຫວຽດ​ນາມ​ຈັດສົ່ງ​ບັນ​ດາ​ສາດ​ສະ​ດາ​ຈານ​ແຖວ​ໜ້າ​ໄປ​ຍັງ​ພາກ​ກາງ​ເພື່ອ​ຕ້ານ​ໂລກ​ລະ​ບາດ Covid – 19

ວັນທີ 13 ສິງຫາ, ກະຊວງສາທາລະນະສຸກ ຫວຽດນາມ ໄດ້ຈັດສົ່ງນັກຊ່ຽວຊານແຖວໜ້າ 3 ທ່ານໄປຍັງເຂດພາກກາງເພື່ອສົມທົບກັບ “ກອງບັນຊາການແນວໜ້າ” ຂອງກະຊວງນີ້ຢູ່ດ່ານັ້ງ, ເຊິ່ງພ້ອມກັບບັນດານັກຊ່ຽວຊານທີ່ມີໜ້າຢູ່ດ່ານັ້ງ ສືບຕໍ່ຍົກສູງກຳລັງຄວາມສາມາດໃນການປິ່ນປົວໃຫ້ແກ່ຜູ້ຕິດເຊື້ອພະຍາດ Covid – 19, ພິເສດແມ່ນຜູ້ທີ່ມີອາການເຈັບໜັກ.

ກະຊວງສາທາລະນະສຸກ ຫວຽດນາມ ໄດ້ຈັດສົ່ງນັກຊ່ຽວຊານແຖວໜ້າ 3 ທ່ານໄປຍັງເຂດພາກກາງເພື່ອສົມທົບກັບ “ກອງບັນຊາການແນວໜ້າ” ຂອງກະຊວງນີ້ຢູ່ດ່ານັ້ງ (ພາບ: vov.vn)

ນັກຊ່ຽວຊານຖວໜ້າ 3 ທ່ານລວມມີ: ທ່ານສາດສະດາຈານ, ປ.ອ ຫງວຽນຢາບິ່ງ, ຫົວໜ້າໜ່ວຍບົ່ງມາຕິພະຍາດ, ປິ່ນປົວໃຫ້ແກ່ຜູ້ຕິດເຊື້ອພະຍາດ Covid – 19 ທີ່ມີອາການເຈັບໜັກ, ທ່ານ ສາດສະດາຈານ, ປ.ອ ຫງວຽນວັນກິ໊ງ, ປະທານສະພາວິຊາສະເພາະ, ອະດີດຜູ້ອຳນວຍການໂຮງໝໍ ພະຍາດເຂດຮ້ອນສູນກາງ, ທ່ານຮອງສາດສະດາຈານ, ປ.ອ ຫງວຽນເລິນຮ໊ຽວ, ຜູ້ອຳນວຍການໂຮງໝໍມະຫາວິທະຍາໄລການແພດສາດ ຮ່າໂນ້ຍ.

        ແລະກໍ່ໃນວັນທີ 13 ສິງຫາ, ກະຊວງສາທາລະນະສຸກໄດ້ປະກາດໃຊ້ຂໍ້ຕົກລົງ ວ່າດ້ວຍການເຕົ້າໂຮມນັກຊ່ຽວຊານໃຫ້ຄຳປຶກສາແກ່ທ່ານລັດຖະມົນຕີກະຊວງສາທາລະນະສຸກ ກ່ຽວກັບການປ້ອງກັນ, ສະກັດກັ້ນໂລກລະບາດ Covid – 19. ສາດສະດາຈານ 3 ທ່ານຈະໃຫ້ຄຳປຶກສາແກ່ການລັດຖະມົນຕີກະຊວງສາທາລະນະສຸກກ່ຽວກັບການປ້ອງກັນ, ສະກັດກັ້ນໂລກລະບາດ Covid  -19.

(ແຫຼ່ງຄັດຈາກ VOV)