04/08/2018 12:56 GMT+7 Email Print Like 0

ກະຊວງປ້ອງກັນປະເທດຫວຽດນາມໜູນຊ່ວຍລັດຖະບານແລະປະຊາຊົນລາວແກ້ໄຂຜົນຮ້າຍຢ້ອນຫຼັງຈາກອຸບັດຕິເຫດເຂື່ອນໄຟຟ້າແຕກ

ຕອນເຊົ້າວັນທີ 03 ສິງຫາ, ຢູ່ຮ່າໂນ້ຍ, ທ່ານພົນໂທ ເຈີ່ນເດີນ, ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມອບເງິນຈໍານວນ 50.000 USD ຂອງກະຊວງປ້ອງກັນປະເທດ ຫວຽດນາມ ໃຫ້ແກ່ ທ່ານ ວຽງໄຊ ດາລາແສນ, ອັກຄະລັດຖະທູດແຫ່ງ ສປປ.ລາວ ປະຈໍາ ຫວຽດນາມ


ທ່ານພົນໂທ ເຈີ່ນເດີນ, ຮອງລັດຖະມົນຕີກະຊວງປ້ອງກັນປະເທດຫວຽດນາມ ໄດ້ມອບເງິນຈໍານວນ

50.000 USD ໜູນຊ່ວຍລັດຖະບານ ແລະ ປະຊາຊົນ ລາວ ແກ້ໄຂຜົນຮ້າຍຢ້ອນຫຼັງຈາກອຸປະຕິເຫດ

(ພາບ: qdnd.vn)

ເພື່ອໜູນຊ່ວຍລັດຖະບານ ແລະ ປະຊາຊົນ ລາວ ແກ້ໄຂຜົນຮ້າຍຢ້ອນຫຼັງຈາກອຸປະຕິເຫດເຂື່ອນໄຟຟ້າ ເຊ ປຽນ- ເຊນໍ້ານ້ອຍ ແຕກ ຢູ່ ແຂວງອັດຕະປືໃນເວລາຜ່ານມາ.

        ທ່ານ ພົນໂທ ເຈີ່ນເດີນ ເນັ້ນໜັກວ່າ ພັກ, ລັດຖະບານ, ປະຊາຊົນ ແລະ ກອງທັບປະຊາຊົນຫວຽດນາມ ແບ່ງເປົາຄວາມເສຍຫາຍກັບ ພັກ, ລັດ ແລະ ປະຊາຊົນ ລາວ, ພິເສດແມ່ນພໍ່ແມ່ພີ່ນ້ອງແຂວງ ອັດຕະປື ພາຍຫຼັງ ອຸປະຕິເຫດເຂື່ອນໄຟຟ້າແຕກ. ປັດຈຸບັນ, ກະຊວງ ປ້ອງກັນປະເທດ ຫວຽດນາມ ຊີ້ນໍາໃຫ້ກອງບັນຊາການ ທະຫານເຂດ 5 ແລະ ບັນດາກົມກອງໃນບໍລິເວນສືບຕໍ່ຜັນຂະຫຍາຍກໍາລັງ, ພາຫະນະຊ່ວຍເຫຼືອປະຊາຊົນ ແຂວງ ອັດຕະປື ໃນການກູ້ໄພກູ້ຊີບ ແລະ ແກ້ໄຂຜົນຮ້າຍຢ້ອນຫຼັງຈາກອຸປະຕິເຫດດັ່ງກ່າວ.

(ແຫຼ່ງຄັດຈາກ VOV)