01/01/2015 08:56 GMT+7 Email Print Like 0

ກອງປະຊຸມ ສື່ມວນຊົນ ທົ່ວປະເທ ດຜັນຂະຫຍາຍໜ້າທີ່ ປີ 2015

ທ່ານ​ເລ​ຮົ່ງ​ແອ​ງ, ຜູ້​ປະຈຳການ​ຄະນະ​ເລຂາສູນກາງ
(ພາບ: VNA)

ກອງ​ປະຊຸມ​ສື່​ມວນ​ຊົນ​ທົ່ວ​ປະ​ເທດ​ຜັນ​ຂະຫຍາຍ​ໜ້າ​ທີ່​ປີ 2015 ດຳ​ເນີນ​ໄປ​ໃນ​ຕອນ​ເຊົ້າ​ວັນ​ທີ 31/12, ຢູ່​ຮ່າ​ໂນ້ຍ, ໂດຍ​ຄະນະ​ໂຄສະນາ​ສຶກສາ​ສູນ​ກາງ​ພັກ, ກະຊວງ​ຖະ​ແຫຼງຂ່າວ ແລະ ສື່ສານ, ສະມາຄົມ​ນັກ​ຂ່າວ​ຫວຽດນາມ ສົ​ມທົບ​ກັນ​ຈັດ​ຕັ້ງ. ກ່າວ​ຄຳ​ເຫັນ​ທີ່ກອງ​ປະຊຸມ, ທ່ານ​ເລ​ຮົ່ງ​ແອ​ງ, ຜູ້​ປະຈຳການ​ຄະນະ​ເລຂາສູນ​ກາງ​ພັກ ເນັ້ນ​ໜັກ​ວ່າ, ປີ 2015 ວຽກ​ງານ​ສື່​​ມວນ​ຊົນສືບ​ຕໍ່​ໄດ້​ຮັບ​ການ​ໂຄສະນາ​ການ​ປະຕິບັດ​ມະຕິ​ເລກທີ 11 ຂອງ​ພັກ ແລະ ບັນດາມະຕິ, ຄຳ​​ສັ່ງ​ກ່ຽວ​ກັບ​ການ​ພັດທະນາ​ເສດຖະກິດ​ສັງຄົມ; ໂຄສະນາ​ການ​ປະຕິບັດ​ມະຕິສູນ​ກາງ​ທີ 4 ຂອງ​ພັກ​ກອມ​ມູນິດ​ຫວຽດນາມ ຕິດ​ພັນ​ກັບ​ການ​ປະຕິບັດ​ຄຳ​​ສັ່ງ​ເລກທີ 03 ຂອງ​ກົມ​ການ​ເມືອງ ກ່ຽວ​ກັບ​ການ​ສືບ​ຕໍ່​ຍູ້​ແຮງ​ການ​ຮໍ່າຮຽນ ແລະ ປະຕິບັດ​ຕາມ​ແບບຢ່າງ​ຄຸນສົມບັດ​ຂອງ​ປະທານ​​ໂຮ່ຈິ​ມິນ. ທ່ານ ເລ​ຮົ່ງ​ແອ​ງ ກ່າວ​ວ່າ.

        “ຍູ້​ແຮງ​ວຽກ​ງານ​ໂຄສະນາ, ສ້າງ​ບັນຍາ​ກາດ​ຟົດ​ຟື້ນ​ໃນ​ທົ່ວ​ພັກ, ທົ່ວ​ປວງ​ຊົນ, ທົ່ວ​ກອງທັບ ກ້າວ​ເຂົ້າ​ສູ້​ກອງ​ປະຊຸມ​ໃຫຍ່​ຂອງ​ພັກ​ທຸກ​ຂັ້ນ, ກ້າວ​ໄປ​ເຖິງ​ກອງ​ປະຊຸມ​ໃຫຍ່​ທົ່ວ​ປະ​ເທດຂອງ​ພັກ​ຄັ້ງ​ທີ 12. ນີ້​ແມ່ນ​ໜ​້າທີ່​ຈຸດ​ສຸມ, ຕະຫຼອດ​ຂອງ​ສ່ືມວນ​ຊົນ. ໃນ​ນັ້ນ, ເອົາ​ໃຈ​ໃສ່​​​ຮວບ​ຮວມຄຳເຫັນ​ປະກອບ​ຂອງ​ສະມາຊິກ​ພັກ ແລະ ປະຊາຊົນ​ທີ່​ມີ​ຕໍ່​ບັນດາ​ຮ່າງ​ກົດ​ເໝາຍ​ເອກະສານ​ກອງ​ປະຊຸມ​ໃຫຍ່​ຂອງ​ພັກ​ຄັ້ງ​ທີ 12. ໂຄສະນາ​ບັນດາ​ຂະ​ບວນການ​ແຂ່ງ​ຂັນ​ຮັກ​ຊາດ​ຂອງ​ປະຊາຊົນ, ມຸ່ງ​ໄປ​ເຖິງ​ກອງ​ປະຊຸມ​ໃຫຍ່. ພ້ອມ​ທັງ​ເປັນ​ເຈົ້າ​ການຕໍ່ສູ້​​ຕ້ານ​ຖ້ອຍທຳນອງ​ຜິດພາດ, ໂດຍສະ​ເພາະ​ແມ່ນ​ຂໍ້​ມູນ​ຂ່າວ​ສານ​ທາງ​ອິນ​ເຕີ​ແນ​ດ”.

 (​ແຫຼ່ງຄັດ​ຈາກ VOV)