04/11/2015 10:39 GMT+7 Email Print Like 0

ກອງປະຊຸມໃຫຍ່ ທະເລອາຊີຕາເວັນອອກ ຄັ້ງທີ 5ດຳເນີນຢູ່ ດ່າໜັງ ແຕ່ວັນທີ 16-21/11/2015

ນະຄອນດ່າໜັງ (ພາບ: ອິນເຕີແນັດ)
          ນີ້​ແມ່ນ​ເຫດການ​ສາກົນ​ສຳຄັນ​ສຳລັບ​ຂົງ​ເຂດ​ທະ​ເລ, ​ເກາະ​ດ້ວຍ​ໜ້າ​ທີ່​ປະຕິບັດການ​ຄຸ້ມ​ຄອງ​ຊັບພະຍາກອນ​ສິ່ງ​ແວດ​ລ້ອມ​ເຂດ​​​ແຄມຝັ່ງ​ທະ​ເລ. ຫວຽດນາມ ​ເປັນ​ເຈົ້າພາບ​ຈັດ​ຕັ້ງ​ກອງ​ປະຊຸມ​ໃຫຍ່​ຄັ້ງ​ນີ້ ​ເພື່ອ​ແນ​ໃສ່​ຢັ້ງຢືນ​ທີ່​ຕັ້ງ, ບົດບາດ ​ແລະ ການ​ປະກອບສ່ວນ​ຂອງ ຫວຽດນາມ ​ໃນ​ຄວາມ​ມານະ​ພະຍາຍາມ​ລວມ ​ເພື່​ອສິ່ງ​ແວກ​ລ້ອມ ​ແລະ ລະບົບ​ຊີວະ​ພາບ​ທະ​ເລ, ​ເພື່ອ​ສັນຕິພາບ, ມິດຕະພາບ ​ແລະ ການພັດທະນາ​ໃນ​ເຂດ​ທະ​ເລ​ອາຊີ​ຕາ​ເວັນ​ອອກ​ເວົ້າ​ສະ​ເພາະ ​ແລະ ​ໃນເວທີ​ສາກົນ​ເວົ້າ​ລວມ. ຕາມ​ແຈ້ງ​ການ​ຂອງ​ກົມ​ໃຫຍ່​ທະ​ເລ ​ແລະ ​ເກາະ ຫວຽດນາມ (ກະຊວງ​ຊັບພະຍາກອນ ​ແລະ ສິ່ງ​ແວດ​ລ້ອມ) ​ແລ້ວ, ຄາດ​ວ່າ: ກອງ​ປະຊຸມ​ໃຫຍ່​ທະ​ເລ​ອາຊີ​ຕາ​ເວັນ​ອອກ​ຄັ້ງ​ທີ 5 ຈະ​ດຳ​ເນີນ​ຢູ່​ນະຄອນ ດ່າ​ໜັງ ​ໃນ​ລະຫວ່ງວັນ​ທີ 16 – 21/11/2015, ​ໂດຍ​ມີ​ການ​ເຂົ້າ​ຮ່ວມ​ຂອງ​ຜູ້​ແທນ​ພາຍ​ໃນ​ປະ​ເທດ ​ແລະ ສາກົນ​ປະມານ 700 ທ່ານ. ​ໃນ​ລາຍການ​ກອງ​ປະຊຸມ​ໃຫຍ່​ທະ​ເລ​ອາຊີ​ຕາ​ເວັນ​ອອກ​ຄັ້ງ​ທີ 5 ຈະ​ດຳ​ເນີນ​ບັນດາ​ການ​ປະຊຸມ, ກອງ​ປະຊຸ​ມສຳ​ມະ​ນາຕາມ 3 ກຸ່ມ​​ຫົວ​ເລື່ອງ​ໃຫຍ່; ບັນດາ​ເວທີ​ປາ​ໄສ​ຂັ້ນ​ລັດຖະມົນຕີ, ຊາວ​ໜຸ່​ມ, ​ເວທີ​ປາ​ໄສ​ຕາໜ່າງອຳນາດ​ການ​ປົກຄອງ​ທ້ອງ​ຖິ່ນ…
        ກອງ​ປະຊຸມ​ໃຫຍ່​ທະ​ເລ​ອາຊີ​ຕາ​ເວັນ​ອອກ, ​ໂດຍ​ອົງການ​ຄູ່​ຮ່ວມ​ມື​ກ່ຽວ​ກັບ​ການ​ຄຸ້ມ​ຄອງ​ສິ່ງ​ແວດ​ລ້ອມ​ບັນດາ​ທະ​ເລ​ອາຊີ​ຕາ​ເວັນ​ອອກ (PEMSEA) ​ແລະ ບັນ​ດາ​ປະ​ເທດ​ສະມາຊິກ​ຈັດ​ຕັ້ງ, ​ແມ່ນ​ກອງ​ປະຊຸມ​ສາກົນ​ແຖວ​ໜ້າ​ກ່ຽວ​ກັບ​ການພັດທະນາ​ແບບ​ຍືນ​ຍົງ ​ແລະ ການຄຸ້ມ​ຄອງ​ບັນດາ​ເຂດ​ຝັ່ງ​ທະ​ເລ, ມະຫາ​ສະໝຸດ, ສຸມ​ໃສ່​ເຂົ້າ​ໃນ​ບັນດາ​ທະ​ເລ​ອາຊີ​ຕາ​ເວັນ​ອອກ, ​ແມ່ນ​ບ່ອນແລກ​ປ່ຽນ​ຂໍ້ມູນ​ຂ່າວ​​ເຊິ່ງກັນ ​ແລະ ກັນ, ສູນ​ກໍ່ສ້າງ ​ແລະ ພັດທະນາ​ບັນດາ​ການ​ພົວພັນ​ຄູ່​ຮ່ວມ​ມື ​ແລະ ​ແມ່ນ​ກົນ​ໄກ​ຕິດຕາມ​ກວດ​ກາ ​ແລະ ສ້າງ​ແຜນການ​ໃຫ້​ການ​ພັດທະນາ​ແບບ​ຍືນ​ຍົງຂອງ​ພາກ​ພື້ນ​ບັນດາ​ທະ​ເລ​ອາຊີ​ຕາ​ເວັນ​ອອກ.
(ແຫຼ່ງຄັດຈາກ VOV)