11/03/2016 09:22 GMT+7 Email Print Like 0

ກອງປະຊຸມເທື່ອທີ 2 ຄະນະບໍລິຫານງານສູນກາງພັກກອມມູນິດຫວຽດນາມຊຸດທີ 12


(ທ່ານເລຂາທິການໃຫຍ່ ຫງວຽນຟູຈ້ອງ
ກ່າວຄຳເຫັນທີ່ກອງປະຊຸມ)

      ກອງ​ປະຊຸມ​ເທື່ອ​ທີ 2 ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນິດ ຫວຽດນາມ ຊຸດ​ທີ 12 ຖືກ​ໄຂ​ຂຶ້ນ​ໃນ​ຕອນ​ເຊົ້າ​ວັນ​ທີ 10/03 ຢູ່​ຮ່າ​ໂນ້ຍ ​ພາຍ​ໃຕ້​ການ​​ເປັນ​ປະທານ​ຂອງ​ທ່ານ​ເລຂາທິການ​ໃຫຍ່​ຄະນະ​ບໍລິຫານ​ງານ​ສູນ​ກາງ​ພັກ​ກອມ​ມູນິດ ຫວຽດນາມ ຫງວຽນ​ຟູ​ຈ້ອງ. ທີ່​ກອງ​ປະຊຸມ​ນີ້, ຄະນະ​ບໍລິຫານ​ງານ​ສູນ​ກາງ​ຊຸດ​ທີ 12 ປຶ​ກສາ​ຫາລື​ກ່ຽວ​ກັບ: ​ໂຄງ​ການ​ປະຕິບັດ​ງານ​ທັງ​ສະ​ໄໝ​ຂອງ​ຄະນະ​ບໍລິຫານ​ງານ​ສູນ​ກາງ; ​ແຜນການ​ພັດທະນາ​ເສດຖະກິດ - ສັງຄົມ 5 ປີ 2016 – 2020; ​ເລື່ອງ​ແນະນຳ​ບຸກຄະລາ​ກອນ​ການ​ນຳ​ຂັ້ນ​ສູງ​ຂອງ​ບັນດາ​ອົງການ​ສຳນັ​ກງານ​ແຫ່ງ​ລັດ ​ແລະ ບາງ​ບັນຫາ​ສຳຄັນ​ອື່ນໆ, ທ່ານ​ເລຂາ​ທິກາ​ນ​ໃຫຍ່ ຫງວຽນ​ຟູ​ຈ້ອງ ຊີ້​ແຈ້ງວ່າ:
        “ສະ​ເໜີ​ສູນ​ກາງ​ສຸມ​ໃສ່​ປຶກສາ​ຫາລື, ​ເລືອກ​ເຟັ້ນນຳ​ເຂົ້າ​ໂຄງການ​ບັນດາ​ບັນຫາ​ໃຫຍ່, ສຳຄັນ ​ແລະ ຈຳ​ເປັນ​​ທີ່​ສຸດ, ​ເໝາະ​ສົມ​ກັບ​ພາລະ​ບົດບາດ, ໜ້າ​ທີ່ ​ແລະ ສິດ​ອຳ​ນາດ​ຂອງ​ຄະນະ​ບໍລິຫານ​ງານ​ສູນ​ກາງ. ຮັບປ​ະກັນ​ຄວາມສະໜິດ​ຕິດ​ພັນ ​ແລະ ຄົບ​ຊຸດ​ຂອງ​ບັນດາ​ໜ້າ​ທີ່​ພັດທະນາ​ເສດຖະກິດ​ແມ່ນ​ໃຈກາງ, ການກໍ່ສ້າງ​ພັກ​​ແມ່ນ​ກຸນ​ແຈດ້ວຍ​ການ​ພັດທະນາ​ວັດທະນະທຳ, ສ້າງ​ມະນຸດ, ​ເພື່ອ​ແນ​ໃສ່​ປະຕິບັດ​​ເປົ້າໝາຍ​ສັງ​ລວ​ມຢ່າງ​ມີ​ໄຊ ​ແລະ 6 ໜ້າ​ທີ່​ຈຸດ​ສຸມ​ໃນ 5 ປີ​ຈະ​ມາ​ເຖິງ ຊຶ່ງ​ກອງ​ປະຊຸມ​ໃຫຍ່ 12 ​ໄດ້​ກຳນົດ. ບຸລິມະສິດ​ໃຫ້​ບັນດາ​ບັນຫາທີ່​ເຄັ​່ງຮ້ອນ, ຫຍຸ້ງຍາກ​ຄວນ​ໄດ້​ຮັບ​ການ​ແກ້​ໄຂ, ບັນດາ​ຂັ້ນ​ຕອນ​ຄວນ​ບຸກທະລຸ, ບັນ​ດາ​ໜ້າ​ທີ່ສຳຄັນ”.
        ​ເມື່ອ​ເຕື້ອງ​ເຖິງ​ແຜນ​ການ​ພັດທະນາ​ເສດຖະກິດ - ສັງຄົມ 5 ປີ 2016 – 2020, ທ່ານ​ເລຂາ​ທິການ​ໃຫຍ່ ຫງວຽນ​ຟູ​ຈ້ອງ ​ໃຫ້​ຮູ້​ວ່າ:
        “ຈຸດ​ໃໝ່​ສຳຄັນ​ຂອງ​ກອງ​ປະຊຸມ​ເທື່ອ​ນີ້​ແມ່ນ ​ເມື່ອ​ພິຈາລະນາ, ​ໃຫ້​ຄຳ​​ເຫັນ​ຊີ້​ນຳ​ສ້າງ​ແຜນການ​ພັດທະນາ​ເສດຖະກິດ - ສັງຄົມ 5 ປີ, ພວກ​ເຮົາ​ພ້ອມ​ທັງ​ສ້າງ​ແຜນການ​ການ​ເງິນ​ໄລຍະ​ກາງ ​ແລະ ​ແຜນການ​ລົງທຶນສາທາລະນະ​ໄລຍະ​ກາງ ​ເພື່ອ​ແນ​ໃສ່​ປ່ຽນ​ໃໝ່​ວຽກ​ງານ​ຫັນ​ແຜນການ​ເໝາະ​ສົມ​ກັບ​ກົນ​​ໄກ​ຕະຫລາດ​ຢ່າງ​ແຂງ​ແຮງ​ກ່ວາ​ອີກ, ຮັບປະກັນຄວາມ​ສົມດຸ່ນລະຫວ່ງລາຍ​ຮັບລາຍ​ຈ່າຍ​ງົບປະມານ, ​ແຜນ​ການ​ກູ້​ຢືມ ​ແລະ ຊຳລະ​ໜີ້​ສາທາລະນະ​ໃຫ້​ອາຍຸ​ການ​ທັງ​ໝົດ; ພ້ອມ​ທັງ​ແກ້​ໄຂ​ສະພາບ​ການ​ລົງທຶນ​ສາທາລະນະ​ແບບ​ກະ​ແຈ​ກະຈາຍ, ຄວາມ​ຄືບ​ໜ້າ​ຊັກ​ຊ້າ, ຮົ່ວ​ໄຫລ, ຟຸມ​ເຟືອຍ, ມີ​ປະສິດທິ​ຜົນ​ຕ່ຳ​ໂດຍ​ໄວ”.
        ກ່ຽວ​ກັບ​​ເລື່ອງ​ສະ​ເໜີ​ບຸກຄະລາ​ກອນ​ການ​ນຳ​ຂັ້ນ​ສູງ​ຂອງ​ບັນດາ​ອົງການ​ແຫ່ງ​ລັດ, ທ່ານ​ເລຂາທິການ​ໃຫຍ່​ໃຫ້​ຮູ້​ວ່າ: ພາຍຫລັງ​ກອງ​ປະຊຸມ​ໃຫຍ່ຄັ້ງ​ທີ 12 ຂອງ​ພັກ, ກົມ​ການ​ເມືອງ​ໄດ້​ພິຈາລະນາພື້ນຖານ​ນິຕິ​ກຳ ​ແລະ ພື້ນຖານ​ຕົວ​ຈິງຢ່າງ​ລອບ​ຄອບ​ຖີ່​ຖ້ວນຂອງ​ເລື່ອງບູລະນະ​ບັນດາຖານະ​ຕຳ​ແໜ່​ງການ​ນຳ​ອົງການສຳນັກງານ​ແຫ່ງ​ລັດ​ຕ່າງໆ; ​ເປັນ​ເອກະ​ພາບ​ບູລະນະ​ໂດຍ​ໄວ, ຊັບ​ຊ້ອນ​ຄືນ​ໃໝ່​ບັນດາ​ຕຳ​ແໜ່​ງການ​ນຳ​ອົງການສຳນັກງານ​ແຫ່ງ​ລັດ​ແບບ​ຄົບ​ຊຸດ, ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຜັນ​ຂະຫຍາຍ​ການຈັດ​ຕັ້ງ​ປະຕິບັດ​ມະຕິ​ກອງ​ປະຊຸມ​ໃຫຍ່ 12 ຂອງ​ພັກ​ຢ່າງ​ທັນ​ການ.

   ພາຍຫຼັງ​ວາ​ລະ​ໄຂ​ກອງ​ປະ​ຊຸມ, ຕອນ​ເຊົ້າ​ຂອງວັນ​ດຽວ​ກັນ, ທ່ານ​ດິງ​ເທ້​ຮິງ ຜູ້​ປະ​ຈຳ​ການ​ຂະ​ນະ​ເລ​ຂາ​ທິ​ການ​ສູນ​ກາງ ໄດ້​ຂຶ້ນ​ກ່າວ​ບົດ​ສະ​ເໜີຂອງ​ກົມ​ການ​ເມືອງ​ກ່ຽວ​ກັບໂຄງ​ການ​ປະຕິບັດ​ງານ​ທັງ​ສະ​ໄໝ​ຂອງ​ຄະນະ​ບໍລິຫານ​ງານ​ສູນ​ກາງ. ທ່ານ​ຫງວຽນ​ຊວນ​ຟຸກ, ກຳ​ມະ​ການ​ກົມ​ການ​ເມືອງ, ຮອ​ງານ​ຍົກ​ລັດ​ຖະ​ມົນ​ຕີ​ຂຶ້ນ​ກ່າວ​ບົດ​ສະ​ເໜີ​ຂອງ​ຄະ​ນະ​ຮັບ​ຜິດ​ຊອບ​ວຽກ​ງານ​ພັກ​ຂອງ​ລັດ​ຖະ​ບານ​ກ່ຽວ​ກັບແຜນການ​ພັດທະນາ​ເສດຖະກິດ - ສັງຄົມ 5 ປີ 2016 – 2020.
   ໃນ​ຕອນ​ບ່າຍ​ຂອງວັນ​ດຽວ​ກັນ, ສູນ​ກາງ​ພັກ​ເຮັດ​ວຽກ​ຢູ່​ຕາມ​ໜ່ວຍ, ປຶກ​ສາ​ຫາ​ລື​ກ່ຽວ​ກັບ​ໂຄງ​ການ​ປະຕິບັດ​ງານ​​ຂອງ​ຄະນະ​ບໍລິຫານ​ງານ​ສູນ​ກາງສະ​ໄໝ​ທີ 12.
(ແຫຼ່ງຄັດຈາກ VOV)