29/01/2015 09:52 GMT+7 Email Print Like 0

ກອງປະຊຸມສຳມະນາ “ຍົກສູງທີຕັ້ງ, ບົດບາດແລະຄວາມຮັບຜິດຊອບ ກຳອຳນາດຂອງພັກກອມມູນິດຫວຽດນາມ”


ກອງ​ປະຊຸມ​ສຳ​ມະ​ນາ “ຍົກ​ສູງ​ທີ​ຕັ້ງ, ບົດ​ບາດ
ແລະ ຄວາມ​ຮັບຜິດຊອບ​ໜ້າ​ທີ່ກຳ​ອຳນາດ
​ຂອງ​ພັກ​ກອມ​ມູນິດ​ຫວຽດນາມ”
. (ພາບ: qdnd.vn)

ກອງ​ປະຊຸມ​ສຳ​ມະ​ນາ “ຍົກ​ສູງ​ທີ​ຕັ້ງ, ບົດ​ບາດ ແລະ ຄວາມ​ຮັບຜິດຊອບ​ໜ້າ​ທີ່ກຳ​ອຳນາດ​ຂອງ​ພັກ​ກອມ​ມູນິດ​ຫວຽດນາມ“ ດຳ​ເນີນ​ໃນ​ຕອນ​ເຊົ້າ​ວັນ​ທີ 28/1, ຢູ່​ນະຄອນ​ຫ້າ​ລອງ, ໂດຍ​ວາລະສານ​ກອມ​ມູນິດ ສົມທົບ​ກັບ​ຄະນະ​ພັກ​ກວາງ​ນິງ ຈັດ​ຕັ້ງ. ດ້ວຍ​ບົດ​ປະກອບ​ຄວາມເຫັນ 120 ກວ່າ​ບົດ, ບັນດາ​ຜູ້​ແທນ​ສຸມ​ໃສ່​ເຮັດ​ແຈ້ງ​ຫຼາຍ​ບັນຫາ​ໃນ​ວຽກ​ງານ​ຍົກ​ສູງ​ທີ່​ຕັ້ງ, ບົດບາດ ແລະ ຄວາມ​ຮັບຜິດຊອບ​​ໜ້າ​ທີ່ກຳ​ອຳນາດ​ຂອງ​ພັກ​ໃນ​ປະຈຸ​ບັນ​. ບັນດາ​ບົດ​ປະກອບ​ຄວາມ​ເຫັນ​ເນັ້ນ​ໜັກ​ວ່າ, ພັກ​ກຳ​ອຳນາດ​ຢູ່​ຫວຽດນາມ​ ແມ່ນ​ການ​ສືບ​ຕໍ່​ຊີ້​ນຳ​ນຳພາ​ພາລະກິດ​ປະຕິວັດ​ໃນ​ເງື່ອນ​ໄຂ​ມີ​ສິດ​ອຳນາດ​ແຫ່ງ​ລັດ ແລະ ພັກ​ຊີ້​ນຳ​ນຳພາ​ລັດ​ຂອງ​ປະຊາຊົນ, ໂດຍ​ປະຊາຊົນ ແລະ ເພື່ອ​ປະຊາຊົນ; ນຳພາ​ທົ່ວ​ລະບົບ​ການ​ເມືອງ​ຫວຽດນາມ​ປະຕິບັດ​ຈຸດໝາຍ​ເອກະລາດ​ແຫ່ງ​ຊາດ ແລະ ລັດທິ​ສັງຄົມ​ນິຍົມ. ພັກ​ນຳພາ​ລັດ ແລະ ຮັບຜິດຊອບ​ຕໍ່​ປະຊາຊົນ​ໃນ​ການ​ເຄື່ອນ​ໄຫວ​ທຸກ​ດ້ານ​ຂອງ​ລັດ. ພັກ​ນຳພາ​ລັດກ່ຽວ​ກັບ​ແຜນ​ນະ​ໂຍບາຍ ແລະ ແນວທາງ​ຜ່ານ​ກົດໝາຍ ແລະ ພັກ​ບໍ່​ອາດ​ຢືນ​ຢູ່​ນອກ​ກົດໝາຍ​ໄດ້. ນີ້​ແມ່ນ​ການ​ທ້າ​ທາຍ​ຈາກ​ພຶດຕິ​ກຳ​ທີ່​ວາງ​ອອກ​ສຳລັບ​ພັກ​ກຳ​ອຳນາດ, ນີ້​ກໍ່​ແມ່ນ​ຄວາມ​ຮຽກຮ້ອງ​ຕ້ອງການ​ປ່ຽນ​ໃໝ່ ກ່ອນ​ອື່ນ​ໝົດ​ແມ່ນ​ໃນ​ຄວາມ​ຮັບຮູ້ກ່ຽວ​ກັບ​ການ​ປ່ຽນ​ໃໝ່ ແລະ ການປັບປຸງກົນ​ໄກ​ກຳ​ອຳນາດ​ຂອງ​ພັກ​ກອມ​ມູນິດ​ຫວຽດນາມ​ ໃນ​ປະຈຸ​ບັນ.

 (​ແຫຼ່ງຄັດ​ຈາກ VOV)