03/03/2016 09:51 GMT+7 Email Print Like 0

ກອງປະຊຸມວົງແຄບລັດຖະມົນຕີເສດຖະກິດອາຊຽນຄັ້ງທີ 22


ພາບປະກອບ
      ກອງ​ປະຊຸມວົງ​ແຄບລັດຖະມົນຕີ​​ເສດຖະກິດ ອາ​ຊຽນ ຄັ້ງ​ທີ 22 (AEM Retreat -22) ​ແລະ ບັນດາກ​ອງປະຊຸມກ່ຽວຂ້ອງ​ດຳ​ເນີນ​ໄປ​​ແຕ່​ວັນ​ທີ 2 – 3/3 ຢູ່​ນະຄອນ ຊຽງ​ໄໝ່, ​ແຂວງ ຊຽງ​ໄໝ່, ປະ​ເທດ​ໄທ. ​ເຂົ້າ​ຮ່ວມ​ກອງ​ປະຊຸມ​ມີ​ບັນດາ​ລັດຖະມົນຕີ, ​ເຈົ້າ​ໜ້າ​ທີ່​ເສດຖະກິດ​ຂັ້ນ​ສູງ​ຂອງ​ບັນດາ​ປະ​ເທດສະມາຊິກ ອາ​ຊຽນ, ທ່ານ​ເລຂາທິການ​ໃຫຍ່ ​ເລ​ເລືອ​ງມີ​ງ ​ແລະ ກຳມະການ​ການ​ຄ້າ ສະຫະພາບ ​ເອີ​ລົບ Cecilia Malmstrom. ຄະນະ​ຜູ້​ແທນ ຫວຽດນາມ ​ເຂົ້າ​ຮ່ວມ​ກອງ​ປະຊຸມ​​ໂດຍ​ທ່ານ​ລັດຖະມົນຕີ​ຊ່ວຍ​ວ່າການ​ກະຊວງ​ອຸດສາຫະກຳ ​ແລະ ການ​ຄ້າ ຫງວຽນ​ເກີ໋ມຕູ່ ນຳ​ໜ້າ. ນີ້​ແມ່ນ​ກອງ​ປະຊຸມ​ປະຈຳ​ປີ​ສຳຄັນ​ເພື່ອ​ໃຫ້​ບັນດາ​ລັດຖະມົນຕີ​​ເສດຖະກິດ 10 ປະ​ເທດ ອາ​ຊຽນ ​ແລກປ່ຽນ, ​ເປັນ​ເອກະ​ພາບ​ກັນ​ໃນ​ການ​ກຳນົດ​ທິດ​ໃຫຍ່ ​ແລະ ບັນດາ​ບຸລິມະສິດ​ຮ່ວມ​ມື​ເສດຖະກິດ ອາ​ຊຽນ ກໍ່​ຄື​ສ້າງ​ປະຊາ​ຄົມ​ເສດຖະກິດ ອາ​ຊຽນ (AEC) ທີ່​ຫາ​ກໍ່​ໄດ້​ຮັບ​ການ​ສ້າງ​ຕັ້ງ​ຂຶ້ນ​ເມື່ອ​ໃນ​ວັນ​ທີ 31/12/2015.
 (ແຫຼ່ງຄັດຈາກ VOV)