07/01/2019 09:24 GMT+7 Email Print Like 0

ກອງປະຊຸມຄັ້ງທີ 41 ຄະນະກຳມະການລະຫວ່າງລັດຖະບານ ຫວຽດນາມ - ລາວ

      ໂດຍໄດ້ຮັບຄຳເຊີນຂອງທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ທ່ານນາຍົກລັດຖະມົນຕີ ສປປ ລາວ ທອງລຸນ ສີສຸລິດ ນຳຫນ້າຄະນະຜູ້ແທນຂັ້ນສູງ ລັດຖະບານ ລາວ ມາຫວຽດນາມ ເຂົ້າຮ່ວມ ແລະ ເປັນປະທານຮ່ວມກອງປະຊຸມຄັ້ງທີ 41 ຄະນະກຳມະການລະຫວ່າງລັດຖະບານ ຫວຽດນາມ - ລາວ ແຕ່ວັນທີ 5-6 ມັງກອນປີ 2019.
            ຕອນເຊົ້າວັນທີ 6 ມັງກອນ ຢູ່ຮ່າໂນ້ຍ, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ທ່ານນາຍົກລັດຖະມົນຕີ  ລາວ ທອງລຸນ ສີສຸລິດ ໄດ້ເປັນປະທານຮ່ວມກອງປະຊຸມຄັ້ງທີ 41 ຄະນະກຳມະການລະຫວ່າງລັດຖະບານ ຫວຽດນາມ - ລາວ. ເມື່ອຕີລາຄາໝາກຜົນການຮ່ວມມືປີ 2018,  ນາຍົກລັດຖະມົນຕີທັງສອງທ່ານໄດ້ເປັນເອກະພາບໂດຍຖືວ່າ: ການຮ່ວມມືດ້ານເສດຖະກິດ ມີຄວາມຄືບຫນ້າຫລາຍຢ່າງ. ກວ່າ 400 ໂຄງການຂອງວິສາຫະກິດຫວຽດນາມ ດ້ວຍຍອດຈຳນວນທຶນຈົດທະບຽນກວ່າ 4 ຕື້ USD ສືບຕໍ່ປະກອບສ່ວນໃຫ້ງົບປະມານ ແລະ ພັດທະນາເສດຖະກິດສັງຄົມຂອງລາວ, ວົງເງິນການຄ້າສອງສົ້ນປີ 2018 ບັນລຸກວ່າ 1 ຕື້ USD, ເພີ່ມຂຶ້ນ 14%ເມື່ອທຽບໃສ່ປີ 2017.

ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ  ທ່ານນາຍົກລັດຖະມົນຕີ ສປປ ລາວ
ທອງລຸນ ສີສຸລິດ (ພາບ:congthuong.vn)
      ກ່ຽວກັບທິດທາງການຮ່ວມມືໃນປີ 2019, ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ທ່ານນາຍົກລັດຖະມົນຕີ ສປປ ລາວ ທອງລຸນ ສີສຸລິດ ເຫັນດີເປັນເອກະສັນກັນວ່າ ຈະສຸມໃສ່ຊຸກຍູ້ການເຕີບໂຕວົງເງິນການຄ້າສອງຝ່າຍ, ສູ້ຊົນບັນລຸລະດັບເຕີບໂຕຈາກ 10% ຂຶ້ນໄປເມື່ອທຽບໃສ່ປີ 2018. ພ້ອມກັນນັ້ນ ເພີ່ມທະວີ ການຮ່ວມມືດ້ານປ້ອງກັນຊາດ ປ້ອງກັນຄວາມສະຫງົບ, ການຕ່າງປະເທດ, ການແລກປ່ຽນບົດຮຽນກ່ຽວກັບການສ້າງນະໂຍບາຍ, ຮັກສາສະຖຽນລະພາບເສດຖະກິດມະຫາພາກ, ພັດທະນາແບບຍືນຍົງ.
            ທ່ານນາຍົກລັດຖະມົນຕີຫວຽດນາມ ຫງວຽນຊວນຟຸກ, ທ່ານນາຍົກລັດຖະມົນຕີ ສປປ ລາວ ທອງລຸນ ສີສຸລິດ ກໍ່ໄດ້ມອບໃຫ້ບັນດາອົງການສອງຝ່າຍສົມທົບກັນກວດກາຄືນ, ປັບປຸງສະພາບແວດລ້ອມການລົງທຶນດຳເນີນທຸລະກິດພື້ນຖານໂຄງລ່າງເຊື່ອມຕໍ່ຄົມມະນາຄົມ, ສ້າງເງື່ອນໄຂກວ່າອີກໃຫ້ແກ່ບັນດາວິສາຫະກິດລົງທຶນຢູ່ຕະຫລາດຂອງກັນ ຈາກນັ້ນ ຍົກສູງລັກສະນະຊ່ວຍຫນູນລະຫວ່າງສອງພື້ນຖານເສດຖະກິດ.  ພິເສດ ສອງລັດຖະບານ ຈະທົດລອງນຳເອົາບັນດາເນື້ອໃນກິດຈະການປະຫວັດແຫ່ງການພົວພັນແບບພິເສດຫວຽດນາມ - ລາວ ເຂົ້າມາສິດສອນໃນບັນດາໂຮງຮຽນຂອງສອງປະເທດ.
 (ແຫຼ່ງຄັດຈາກ VOV)