ជាសាក្សីឲ្យសម័យកាលដំបូងនៃប្រទេសជាតិ ទទួលប្រភពទុនវិនិយោគ (FDI) សាស្រ្តាចារ្យ បណ្ឌិតវិទ្យាសាស្រ្ត ង្វៀនម៉ាយ (Nguyen Mai) ប្រធានសហគមសហគ្រាស FDI នៅវៀតណាម (VAFIE) ឲ្យដឹងថា បន្ទាប់ពីរដ្ឋសភា បានចេញសេចក្តីប្រកាសជាធរមាន ច្បាប់វិនិយោគបរទេសនៅវៀតណាមនាចុងឆ្នាំ១៩៨៧ ដើម្បីទាន់ពេលទទួលប្រភពទុនអន្តរជាតិ នៅដើមឆ្នាំ១៩៨៨ រដ្ឋាភិបាលបានប្រគល់ឲ្យក្រសួងសេដ្ឋកិច្ចបរទេសនូវភារកិច្ចពិនិត្យសង្កេតនិងផ្តល់លិខិតអនុញ្ញាតគម្រោម FDI។
“ច្បាប់វិនិយោគបរទេសនៅវៀតណាម បានបង្កើតឡើងពឹងផ្អែកលើការសិក្សាបទពិសោធន៍និតីវិនិយោគបរទេសផ្សេង ទាំង១៨ប្រទេស។ សិក្សាត្រឹមអ្វីដែលល្អ ដូចនេះច្បាប់វៀតណាមមានភាពទាក់ទាញ” លោកង្វៀនម៉ាយ (Nguyen Mai) ឲ្យដឹង។
យ៉ាងណាក៏ដោយ អំឡុងប៉ុន្មានឆ្នាំដំបូង ពេលច្បាប់វិនិយោគបរទេសទើបបានចេញសេចក្តីប្រកាសជាធរមាន ប្រភពទុនវិនិយោគនៃសហគ្រាស FDI ចូលមកវៀតណាមនៅមានកម្រិតទាប។ អំឡុងជាងពីរឆ្នាំ គិតចាប់ពីឆ្នាំ ១៩៨៨ រហូតដល់ខែឧសភា ឆ្នាំ ១៩៩០ លិខិតអនុញ្ញាតវិនិយោគបានផ្តល់ជូនបានត្រឹមតែ២១៣ច្បាប់ ជាមួយនឹងសរុបដើមទុនវិនិយោគចុះបញ្ជីជិត១,៨ពាន់លានដូល្លាអាមេរិក។
ពេលនោះ ចរន្តដើមទុន FDI ចូលមកវៀតណាមនៅមានភាពរអាក់រអួរ ដោយបុព្វហេតុផ្លាស់ប្តូរថ្មីរបស់វៀតណាមទើបតែរៀនបោះជំហានដើរដំបូង។
 តំបន់ឧស្សាហកម្មភូងៀ (Phu Nghia) បានវិនិយោគហេដ្ឋរចនាសម្ពន្ធទំនើប។ រូបថត៖ កាសែតរូបភាពវៀតណាម  ដោយសារការផ្ទេរបច្ចេកវិទ្យាទំនើប ម៉ាស៊ីន កំពុងជំនួសកម្លាំងមនុស្ស នៅតំបន់ឧស្សាហកម្មបច្ចេកវិទ្យាខ្ពស់នៅវៀតណាម។ រូបថត៖ កាសែតរូបភាពវៀតណាម  ខ្សែសង្វាក់ផលិតទំនើបកំពុងផ្លាស់ប្តូរ សាងមុខមាត់ថ្មីនៅតំបន់ឧស្សាហកម្មភូងៀ (Phu Nghia) (ស្រុកចឿងមី - Chuong My ក្រុងហាណូយ)។ រូបថត៖ កាសែតរូបភាពវៀតណាម  ខេត្តប៊ិញយឿង (Binh Duong) កំពុងជាកន្លែងទាក់ទាញសម្រាប់សហគ្រាសខាងវិស័យឧស្សាហកម្មបច្ចេកវិទ្យា ខ្ពស់។ រូបថត៖ ទីភ្នាក់ងារសារព័ត៌មានវៀតណាម  ស្រាវជ្រាវអភិវឌ្ឍន៍ផលិតផល នៅតំបន់ឧស្សាហកម្មបច្ចេកវិទ្យាទីក្រុងហូជីមិញ។ រូបថត៖ កាសែតរូបភាពវៀតណាម  សង្វាក់ផលិតទោចក្រយានយន្ត នៅខេត្តវិញភុក។ រូបថត៖ កាសែតរូបភាពវៀតណាម  ខ្សែសង្វាក់ផលិតឡាន Hyundai ជោគជ័យ នៅខេត្តនិញប៊ិញ (Ninh Binh)។ រូបថត៖ កាសែតរូបភាពវៀតណាម  ដោយសារមានដើមទុនវិនិយោគ FDI ខាងវិស័យល្បែងជើងវៀតណាម ទើបបានបំពាក់សម្ភារម៉ាស៊ីន ទំនើប កម្លាំងផលិតធំ។ រូបថត៖ កាសែតរូបភាពវៀតណាម  ខ្សែសង្វាក់ច្នៃជលផល នៅវាលទំនាបទន្លេគឺវឡុង។ រូបថត៖ កាសែតរូបភាពវៀតណាម |
ចាប់ផ្តើមដល់ឆ្នាំ១៩៩១ ជំនោលវិនិយោគបរទេសមួយ ដ៏សន្ធឹកចូលមកវៀតណាម។ តាមនោះ គ្រាន់តែអំឡុងពេល៧ឆ្នាំ មានគម្រោងចុះបញ្ជីវិនិយោគជាង ២.២០០ គម្រោង ចូលមកវៀតណាម ដោយមានដើមទុនវិនិយោគបានចុះបញ្ជីជាង ១៦ ពាន់លានដូល្លាអាមេរិក នឹងដើមទុនអនុវត្តជាង១២ពាន់លានដូល្លាអាមេរិក។
ក្នុងនោះ ដោយឡែកនៅឆ្នាំ១៩៩៧ ដើមទុនអនុវត្តសម្រេចជាង ៣ ពាន់លានដូល្លាអាមរិក កើន ៩,៥ ដងនៅឆ្នាំ១៩៩១។
សព្វថ្ងៃ ៥៨%ដើមទុន FDI ប្រមូលផ្តុំលើខាងវិស័យឧស្សាហកម្មច្នៃ ផលិតកម្ម បង្កើតបាន៥០%តម្លៃផលិតឧស្សាហកម្ម រួមចំណែកកកើតរូបសណ្ឋាននៃវិស័យឧស្សាហកម្មស្នូលមួយចំនួន នៃខឿនសេដ្ឋកិច្ចដូចជា ប្រេងឥន្ធនៈ អេឡិចត្រូនិក ទូរគមនាគមន។ល។
|
ចាប់ពីឆ្នាំ១៩៨៨ រហូតដល់ខែសីហា ឆ្នាំ២០១៨ ៦៣ខេត្តក្រុងទូទាំងប្រទេសវៀតណាមទាក់ទាញគម្រោង FDI ជាង ២.៦០០ គម្រោងនៃប្រទេស និងតំបន់ដីគោកចំនួន១២៩ នៅមានសុពលភាព ដោយមានសរុបដើមទុនចុះបញ្ជីជាង ៣៣៣ ពាន់លានដូល្លាអាមេរិក ដើមទុនអនុវត្តសម្រេចប្រហែលជាង ១៨៣ ពាន់លានដូល្លាអាមេរិក ស្មើ ៥៥% នៃសរុបដើមទុនចុះបញ្ជីនៅមានសុពលភាព។ |
រួមជាមួយការបន្ថែមដើមទុនជូនខឿនសេដ្ឋកិច្ច សហគ្រាស FDI នៅទាំងរួមចំណែកផ្ទេរបច្ចេកទេសគ្រប់គ្រងជូនប្រជាជនវៀតណាម ផ្លាស់ប្តូរថ្មីបច្ចេកវិទ្យាចំពោះសហគ្រាសនៅក្នុងប្រទេស។
ចំពោះមូលដ្ឋានទាក់ទាញគម្រោង FDI ជាច្រើនដូចជា៖ ហាណូយ បាក់និញ (Bac Ninh) ថៃង្វៀន (Thai Nguyen) វិញភុក (Vinh phuc) ហាយផុង (Hai Phong) ទីក្រុងហូជីមិញ ប៊ិញយ៉ឿង (Binh Duong) ដុងណាយ (Dong Nai) ការរួមចំណែកនៃតំបន់នេះ នៅមានច្រើនជាងនេះទៀត ធ្វើបំលាស់ប្តូរមូលដ្ឋាននៃរចនាសម្ពន្ធសេដ្ឋកិច្ចខេត្តទីក្រុងនីមួយៗ បង្កើតលក្ខណៈសម្រាប់សហគ្រាសក្នុងប្រទេសរីកចម្រើននិងអាជីវកម្មមានប្រសិទ្ធភាពខ្ពស់។
វាយតម្លៃខ្ពស់បរិស្ថានវិនិយោគរបស់វៀតណាម ក្នុងលើកអញ្ជើញបំពេញទស្សនកិច្ចនិងធ្វើការជាមួយដៃគូវៀតណាមថ្មីៗ នេះ លោក Kuniharu Nakamura សហប្រធានគណៈកម្មាធិការសេដ្ឋកិច្ចជប៉ុន - វៀតណាមនៃសហសម្ពន្ធអង្គការសេដ្ឋកិច្ចជប៉ុន (Keidanren) ឲ្យដឹងថា ចំពោះសហគ្រាសជប៉ុន វៀតណាមជាទីផ្សារទាក់ទាញខ្លាំង ដោយសារមានប្រជាជនច្រើនកុះករ ជាច្រកតភ្ជាប់នឹងអាស៊ាន គោលនយោបាយសង្គមលំនឹង ស្ថេរភាព។
មួយថ្ងៃទៅមួយថ្ងៃកាន់តែមានសហគ្រាសជប៉ុន ចង់ឆ្លងមកវៀតណាមវិនិយោគ និងផលិតអាជីវកម្ម។
និន្នាការនៃចរន្តដើមទុនសកលលោកកំពុងបន្តដំណើរការ។ និន្នាការនេះ ឲ្យដឹងថាចំពោះវៀតណាមក្នុងដំណាក់កាលខាងមុខ ក្រោមការចង្អុលការ ប្រតិបត្តិនៃរដ្ឋាភិបាលស្ថាបនា ស្មោះត្រង់ បម្រើសហគ្រាស និងប្រជាជនវៀតណាមមានប្រៀបខ្លាំងយ៉ាងច្រើនទុកសម្រាប់ទាក់ទាញ FDI ។
តាមលោកដូ ញ៉ឹតហ្វាង (Do Nhat Hoang) អគ្គនាយកនៃអគ្គនាយកដ្ឋានវិនិយោគបរទេស (ក្រសួងផែនការនិងវិនិយោគ) គោលនយោបាយទាក់ទាញ FDI របស់វៀតណាមមានភាពងាយស្រួលបង្គួរ ក្នុងពេលប្រទេសជាច្រើនលើពិភពលោកមានគោលនយោបាយវិនិយោគមិនឯកភាព តភ្ជាប់ “បិទ - បើក” វៀតណាមតែងរក្សាគោលនយោបាយ “បើកចំហ” ទាក់ទាញវិនិយោគ។ នេះជាពន្ទុះមួយក្នុងចំណោម ”ពន្ទុះបូក” សំខាន់ជួយឲ្យវៀតណាម ទទួលបានការយកចិត្តទុកដាក់នៃការវិនិយោគិនលើពិភពលោក។
“វៀតណាមត្រូវប្រមូលផ្តុំអាទិភាពទាក់ទាញគម្រោងបច្ចេកវិទ្យាខ្ពស់នៃសម្ពន្ធក្រុមហ៊ុនអន្តរប្រទេសខាងវិស័យឧស្សាហកម្មច្នៃ កសិកម្មប្រសិទ្ធភាពខ្ពស់ បច្ចេកវិទ្យាព័ត៌មាន និងវិស័យសេវាកម្ម ដែលវៀតណាមមានសក្តានុពលនិងប្រៀបខ្លាំងបើនឹងធៀប” រដ្ឋមន្រ្តីក្រសួងផែនការនិងវិនិយោគ លោកង្វៀន ជីយុង (Nguyen Chi Dung) ឲ្យដឹងថា។
ដោយកម្លាំងខិតខំមិនឈប់ឈរ ក្នុងការកែប្រែនៃរដ្ឋាភិបាល ភាពជិតស្និទ្ធបើកចំហនៃប្រជាជនវៀតណាម លោករដ្ឋមន្រ្តី ង្វៀន ជីយុង (Nguyen Chi Dung) សង្ឃឹមថាគោលនយោបាយបើកចំហរបស់វៀតណាម ក្នុងពេលវេលាខាងមុខ សហគ្រាសបានវិនិយោគនិងបន្តបើកទូលាយវិនិយោគ ពង្រីកមានប្រសិទ្ថភាព មួយថ្ងៃកាន់តែរីកចម្រើន។ វិនិយោគិនមិនទាន់មានគម្រោងវិនិយោគ ឆាប់ស្វែងរកឱកាសវិនិយោគ នាំយកផលប្រយោជន៍ជូនសហគ្រាសខ្លួន ចូលរួមចំណែកអភិវឌ្ឍន៍សេដ្ឋកិច្ច - សង្គមកិច្ចវៀតណាម៕
អត្ថបទ៖ កាសែតរូបភាពវៀតណាម
រូបថត៖ កាសែតរូភាពវៀតណាម - ទីភ្នាក់ងារសារព័ត៌មានវៀតណាម
