ពិធីបញ្ចុះបឋមសិលាសាងសង់រោងចក្រថាមពលពន្លឺព្រះអាទិត្យ BCG Bang Duong បានប្រព្រឹត្តទៅនៅឃុំ Thanh An ស្រុក Thanh Hoa ខេត្ត Long An នាព្រឹកថ្ងៃទី១៦ ខែកញ្ញា ឆ្នាំ២០១៨។ នេះជាគម្រោងការរោងចក្រថាម ពលពន្លឺព្រះអាទិត្យដើមដំបូងនៅខេត្ត Long Anនិងជាការគូសសញ្ញាសំខាន់សម្រាប់កម្មវិធីអភិវឌ្ឍន៍ថាមពលថ្មីនៃតំបន់នេះផងដែរ។
អញ្ជើញចូលរួមក្នុងពិធីនេះមានវត្តមាន ឧបនាយករដ្ឋមន្រ្តីលោក Truong Hoa Binh រួមទាំងថ្នាក់ដឹកនាំជាច្រើនរូបមកពីក្រសួង ស្ថាប័នមួយចំនួនទៀតផង។ គម្រោងនេះត្រូវបានអនុម័តដោយក្រសួងឧស្សាហកម្មនិងពាណិជ្ជកម្មវៀតណាមដែលមានសមត្ថភាពផលិតបាន ៤០,៦ មេហ្កាវ៉ាត់ ហើយគ្រោងនឹងសម្រេចនិង ដាក់ឲ្យដំណើរការមុនខែមិថុនាឆ្នាំ២០១៩។
មុននោះ នារសៀលថ្ងៃទី ១៥ខែកញ្ញា ឧបនាយករដ្ឋមន្រ្តីលោក Truong Hoa Binh និងសមាជិកសភានីតិកាលទី ១៤ មណ្ឌល Long An បានចូលរួមសន្និសីទ ជួប ប្រាស្រ័យជាមួយអ្នកបោះឆ្នោតដែលជាថ្នាក់ដឹកនាំខេត្តនិងថ្នាក់ដឹកនាំមន្ទីរនានា សំដៅផ្ទៀងស្តាប់យោបល់មុនសម័យប្រជុំលើកទី ៦ រដ្ឋសភាវៀតណាម នីតិកាល ទី ១៤ ដែលនឹងប្រារព្ធនាពេលខាងមុខ៕
តាម VOV5 - វិទ្យុសំឡេងវៀតណាម