ឯកអគ្គរដ្ឋទូតវៀតណាមលោក Ngo Huong Nam ឧទ្ទេសនាមអំពីសៀវភៅសការពារជាតិវៀតណាមទៅកាន់លោកឧត្តមសេនីយ៍ Agus Campell (រូបថត៖ VOV)
នាថ្ងៃទី១៣ ខែធ្នូ ឆ្នាំ២០១៩ នៅរដ្ឋធានី Canberra របស់អូស្ត្រាលី ការិយាល័យ អនុពន្ធការពារជាតិ វៀតណាមប្រចាំអូស្ត្រាលី បានរៀបចំពិធីរំលឹកខួបអនុស្សាវរីយ៍លើកទី៧៥ឆ្នាំទិវាកំណើតកងទ័ពប្រជាជនវៀតណាម ហើយឧទ្ទេសនាមសៀវភៅសការពារជាតិឆ្នាំ២០១៩ទៅកាន់មិត្តភក្តិអន្តរ ជាតិ។
ថ្លែងនៅពិធីនេះ ឯកអគ្គរដ្ឋទូតវៀតណាមប្រចាំអូស្ត្រាលីលោក Ngo Huong Nam បានសង្កត់ធ្ងន់ថា ទំនាក់ទំនងសហប្រតិបតិ្តការការពារជាតិ រវាងវៀតណាមនិងអូស្ត្រាលីមានការរីកចម្រើនយ៉ាងខ្លាំងក្លាចាប់ពីពេល ដែលប្រទេសទាំងពីរចុះហត្ថលេខាលើអនុស្សរណៈយោគយល់គ្នាស្ដីពីកិច្ច សហប្រតិបតិ្តការការពារជាតិកាលពីខែវិច្ឆិកាឆ្នាំ២០១០។ ចាប់តាំងពីពេល នោះមក ប្រទេសទាំងពីរបានជំរុញដំណើរទស្សនកិច្ចទៅវិញទៅមករបស់ ថ្នាក់ដឹកនាំជាន់ខ្ពស់សំដៅបង្កើនសមត្ថភាពការពារជាតិ។
នៅពិធីនេះដែរ លោកវរសេនីយ៍ឯក Tran Truong Son អនុពន្ធការពារ ជាតិវៀតណាមប្រចាំអូស្ត្រាលីបានឧទ្ទេសនាមស្ដីពីខ្លឹមសារលេចធ្លោនិងទិសដៅយុទ្ធសាស្ត្រនានាក្នុងគោលនយោបាយការពារជាតិវៀតណាម ដែលត្រូវបានបង្ហាញក្នុងសៀវភៅសការពារជាតិឆ្នាំ២០១៩ សំដៅឆ្លើយតបនឹងការ ទាមទារថ្មីៗរបស់ប្រទេសជាតិ ក៏ដូចជាស្ថានភាពថ្មីក្នុងតំបន់និងលើពិភព លោក រួមចំណែករក្សាសន្តិភាព ស្ថិរភាព និងការអភិវឌ្ឍរបស់មនុស្សលោកទាំងមូល៕
តាម VOV5 - វិទ្យុសំឡេងវៀតណាម
