ឥណ្ឌានិងប៉ាគីស្ថានបានសង្កត់ធ្ងន់លើសារៈសំខាន់នៃសន្តិភាពក្នុងតំបន់
បន្ទាប់ពីជ័យជម្នះដ៏លើសលប់របស់គណ បក្សប្រជាជនឥណ្ឌា (BJP) នៅក្នុងការបោះឆ្នោតសភាជាន់ទាប នីតិកាលទី១៧មក នៅថ្ងៃទី២៣ ខែឧសភា ឆ្នាំ២០១៩ នាយករដ្ឋមន្ត្រីឥណ្ឌាលោក Narendra Modi និងសមភាគីប៉ាគីស្ថានលោក Imran Khan បានបង្ហោះសារមួយតាមរយៈបណ្តាញសង្គម Twitter ដែលសង្កត់ធ្ងន់ទៅលើភាពចាំបាច់ នៃ “សន្តិភាព”។
នៅក្នុងសារបង្ហោះនៅលើគេហទំព័រ Twitter នាយករដ្ឋមន្ត្រីប៉ាគីស្ថានបានអបអរសាទរសមភាគីឥណ្ឌា នៅពេលដែលគណបក្ស BJP និងសម្ព័ន្ធភាពបានឈ្នះលើសលប់ ព្រមទាំងបានសម្តែងនូវបំណងប្រាថ្នា ចង់សហការជាមួយលោកនាយករដ្ឋមន្ត្រី Modi ដើម្បីសន្តិភាពនិងវិបុលភាពក្នុងតំបន់អាស៊ីខាងត្បូង។ ជាការឆ្លើយតប លោកនាយករដ្ឋ មន្រ្តី Modi ក៏បានថ្លែងអំណរគុណចំពោះសមភាគី លោក Imran Khan និងអះអាង ពីអាទិភាពរបស់ខ្លួនសម្រាប់សន្តិភាពនិងការអភិវឌ្ឍក្នុងតំបន់។
កាយវិការពោលខាងលើបានធ្វើឡើង បន្ទាប់ពីភាពតានតឹងរវាងប្រទេសទាំងពីរ ត្រូវ អូសបន្លាយជាច្រើនខែមក ដោយពាក់ព័ន្ធនឹងតំបន់ជម្លោះកាស្មៀរ ដែលភាគីទាំងពីរសុទ្ធតែទាមទារអធិបតេយ្យភាពរបស់ខ្លួន បន្ទាប់ពីទទួលបានឯករាជ្យពីចក្រភពអង់គ្លេស កាលពីឆ្នាំ ១៩៤៧ មក៕
តាម VOV5 - វិទ្យុសំឡេងវៀតណាម
