យើងខ្ញុំជួបជាមួយលោកស្រីសាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) នៅការិយាល័យ សព្វថ្ងៃនេះជាទីស្តីការកណ្តាល នៃសមាគមបញ្ញាវតីវៀតណាម (លេខ៣៩ ហាងជូយ (Hang Chuoi) ហាណូយ)។ ចំណាប់អារម្មណ៍ ដំបូងចំពោះលោកស្រីជាស្រ្តីម្នាក់ចរិយាស្រទន់ និងទាក់ទាញអារម្មណ៍ដោយសូរសំឡេងកក់ក្ដៅរណ្តំ នៃភូមិភាគកណ្ដាល។លោកស្រីវិទ្យាសាស្រ្តមានអាយុជាង៧០ឆ្នាំហើយ តែនៅរំលេចបានភាពឆើតឆាយនៃអតីតបញ្ញាវតីម្នាក់ ប៉ុន្តែមិនខ្វះភាពអំណត់ក្នុងទ្រឹស្ដីនិងភាពស្រទន់ នៃកិច្ចទទួលបដិសណ្ឋារកិច្ចចំពោះអ្នកដទៃ។
សាស្រ្តាចារ្យ ផាមធីត្រឹនចូវ (Pham Thi Tran Chau) បានសំណេះសំណាលថា ខ្លួនជាបញ្ញាវតីម្នាក់ ជាអ្នកគ្រូធ្វើការក្នុងសាលាមហាវិទ្យាល័យធំនៅវៀតណាម (មុខវិជ្ជាជីវវិទ្យា នៅមហាវិទ្យាល័យទូទៅហាណូយ) ជាកន្លែងមានឱកាសធ្វើការនិងជួបប្រាស្រ័យយ៉ាងច្រើនជាមួយកងជួរបញ្ញាវតី ដូច្នេះខ្លួនលោកស្រីផ្ទាល់បានយល់ច្បាស់នូវបញ្ហាជាច្រើនពីកងជួរបញ្ញាវតី ដែលត្រូវប្រឈមមុខ។ តាមលោកស្រី បញ្ញាវតីទាំងឡាយមិនត្រឹមតែបានស្ដាប់ យល់ច្បាស់ នៅថែមទាំងមានបំណងមានប្រភពជម្រុញលើកទឹកចិត្ត បន្ថែមកម្លាំង ពលភាព ដើម្បីបន្តឈានឡើង បូជាដើម្បីបុព្វហេតុដែលគេកំពុងតាម។
ដូច្នោះ លើតួនាទីជាប្រធានសមាគមបញ្ញាវតីវៀតណាម សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) បានកសាងសមាគម ក្លាយជាកន្លែងតភ្ជាប់ ប្រមូលផ្តុំកម្លាំងនៃបញ្ញាវតីវៀតណាម នៅក្នុងនិងក្រៅប្រទេស ពង្រីកសមត្ថភាពបញ្ញា របស់បញ្ញាវតីវៀតណាម រួមចំណែកកសាងនិងអភិវឌ្ឍន៍ប្រទេសជាតិក្នុងដំណើរឈានឡើងសមាហរ័ណកម្ម។
 សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau)។  លោកស្រី អតីតអនុប្រធានរដ្ឋ ង្វៀនធីយ៉ន (Nguyen Thi Doan) បានប្រគល់បាច់ផ្កាជូនពរ លោកស្រីប្រធានសមាគម បញ្ញាវតីវៀតណាម ផាមធីត្រឹនចូវ (Pham Thi Tran Chau)។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau)ថ្លែងសុន្ទរកថាទទួលដំណែង ក្នុងមហាសន្និបាត តំណាងសមាគមបញ្ញាវតីវៀតណាមលើកទី២។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) (ទី៣ពីស្ដាំទៅឆ្វេង) តាងនាមគណៈប្រធានឆ្លើយតប នូវបញ្ហាងឿងឆ្ងល់ របស់តំណាងគណៈប្រតិភូ ដែលអញ្ជើញមកចូលរួមមហាសន្និបាត។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) ថតរូបអនុស្សាវរីយ៍ជាមួយ បញ្ញាវតីវៀតណាម ទាំងឡាយ នៅមហាសន្និបាតតំណាងសមាគមបញ្ញាវតីវៀតណាមលើកទី២។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) (អង្គុយជួរទី៤ពីឆ្វេងទៅស្តាំ) ថតរូបអនុស្សាវរីយ៍ក្នុង ពិធីជំនួបរួមប្រាស្រ័យចែករំលែកបទពិសោធន៍ រវាងសមាគមបញ្ញាវតីវៀតណាម និងស្រ្តីជាឯកអគ្គរដ្ឋទូតប្រទេសនានា ប្រចាំនៅប្រទេសវៀតណាម។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau)ចែករំលែកសកម្មភាពនៃសមាគមបញ្ញាវតីវៀតណាម ក្នុងសិក្ខាសាលាអំពីសហប្រតិបត្តិការ ចែករំលែកបទពិសោធន៍ រវាងសមាគមបញ្ញាវតីវៀតណាម ជាមួយសមាគមស្រ្តី វិទ្យាសាស្រ្ត និងវិស្វករកូរ៉េខាងត្បូង។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) (ឈរមុខទី៤ពីឆ្វេងទៅស្តាំ) ថតរូបអនុស្សាវរីយ៍ជាមួយ តំណាងគណៈប្រតិភូដែលអញ្ជើញមកចូលរួមសន្និសីទសហប្រតិបត្តិការ ចែករំលែកបទពិសោធន៍ រវាងសមាគមបញ្ញាវតី វៀតណាមជាមួយសមាគមស្រ្តីវិទ្យាសាស្រ្ត និងវិស្វករកូរ៉េខាងត្បូង។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau)ថ្លែងសុន្ទរកថាក្នុងពិធីបើកសម័យប្រជុំតាំងពិព័រណ៍ “កំណាព្យប្រជាប្រិយរដូវប្រាំង” របស់វិចិត្រករ ថាញ់ធុក (Thanh Thuc) សមាជិកនៃសមាគមបញ្ញាវតីវៀតណាម។  សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau)ជាមួយមិត្តរួមការងារ ចូលរួមប្រាស្រ័យតាំងពិព័រណ៌ “កំណាព្យប្រជាប្រិយរដូវប្រាំង” របស់វិចិត្រករថាញ់ធុក (Thanh Thuc) សមាជិកនៃសមាគមបញ្ញាវតីវៀតណាម។ |
សមាគមបញ្ញាវតីវៀតណាម ជាអង្គការសមាជិករបស់សមាគមសហសម្ពន្ធស្រ្តីវៀតណាម បង្កើតនាឆ្នាំ២០១១ ជាមួយសមាជិកមុនដំបូងចំនួន៣៥០នាក់ មិនទាន់មានសមាគមសមាជិក។ ក្រោយពី៥ឆ្នាំសកម្មភាព សមាគមបានបញ្ចូលសមាជិកថ្មី៤ក្រុម សមាគមបញ្ញាវតីហាណូយ ហ្វេ ដាណាង (Da Nang) និងទីក្រុងហូជីមិញ និង១៩សាខាសមាគមនៅក្រោមចំណុះ និងសមាជិកជាង២.៧០០នាក់។
សមាគមចូលរួមការពារសិទ្ធិស្របច្បាប់ អំពីមុខរបរនិងសកម្មភាពកែច្នៃរបស់សមាជិក បង្កើតបានពីរមជ្ឈមណ្ឌលស្រាវជ្រាវវិទ្យាសាស្រ្តនិងបច្ចេកវិទ្យាបង្កលក្ខណៈងាយស្រួល ឲ្យសមាជិកចូលរួមអនុវត្តន៍នូវប្រធានបទ គម្រោងការនិងប្រធានបទធំៗ។ ទន្ទឹមនោះ សមាគមរៀបចំសកម្មភាពប្រឹក្សា និងតស៊ូមតិសង្គម ចូលរួមរួមចំណែកផ្តល់មតិយោបល់ លើឯកសារច្បាប់សម្រាប់សមាគមសហសម្ពន្ធនារីវៀតណាម គោលនយោបាយស្តីពីនារីពលកម្មរបស់បក្សនិងរដ្ឋ។មកដល់សព្វថ្ងៃនេះ មានឯកជន៤០នាក់ និង១៥សមូហភាពនារីវិទ្យាសាស្រ្ត ទទួលបានពានរង្វាន់ Kovalepskaia ឯកជន សមូហភាពនារីជាច្រើន ទទួលបានពានរង្វាន់កែច្នៃផ្ដួចផ្ដើមបច្ចេកវិទ្យាវៀតណាម (VIFOTEC) រង្វាន់នារីវៀតណាម។
ជាប់ឆ្នោតឡើងវិញជាប្រធានសមាគមបញ្ញាវតីវៀតណាមនីតិកាលទី២(ឆ្នាំ២០១៦ដល់២០២១) សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) បញ្ជាក់ភារកិច្ចសំខាន់និងមុខស្រួចទាំងបួន ដែលសមាគមបញ្ញាវតីវៀតណាម នឹងអនុវត្តន៍ក្នុងរយៈពេលខាងមុខនេះ នោះគឺការចូលរួមម្ចាស់ការនូវបញ្ហានៃប្រទេសជាតិ សម័យកាល ធ្វើល្អជាងនូវតួនាទីប្រឹក្សា តស៊ូមតិ ជម្រុញអនុវត្តបច្ចេកវិទ្យា អភិវឌ្ឍន៍សមាគមនៅតាមខេត្តក្រុង បើកទូលាយបណ្តាញបញ្ញាវតីអាណិកជនវៀតណាម។
រាល់សកម្មភាពជាក់ស្ដែង ដែលសមាគមបញ្ញាវតីវៀតណាម បានអនុវត្តក្នុងរយៈពេលកន្លង បានក្លាយជាសសរទ្រូងនូវទេពកោសល្យបញ្ញាវន្តវៀតណាម ប្រែក្លាយទីនេះ ទៅជាស្ពានចងសម្ព័ន្ធកងជួរបញ្ញាវតីវៀតណាម នៅក្នុងនិងក្រៅប្រទេស។ ក្រោមការដឹកនាំ សាស្រ្តាចារ្យ បណ្ឌិតវិទ្យាសាស្រ្ត ផាមធីត្រឹនចូវ (Pham Thi Tran Chau) សមាគមបានក្លាយជាផ្ទៈរួម អុជបំភ្លឺក្ដីជំនឿ បំណងប្រាថ្នាបូជារបស់កងជួរបញ្ញាវន្តវៀតណាម៕
អត្ថបទ៖ ថាវិ រូបថត៖ ត្រឹនថាញយ៉ាង
