នៅ ៩ ឆ្នាំមុន នាឆ្នាំ២០០៧ នៅរដ្ឋធានី Manila នៃប្រទេសហ្វីលីពីន អង្គុយក្បែរពែងកាហ្វេននាពេលព្រឹករង់ចាំយកព័ត៌មានអំពីកិច្ចប្រជុំសភាប្រជាជនអាស៊ានលើកទី៦ (ASEAN People’s Assembly 6 គេហៅកាត់គឺ APA 6) យើងខ្ញុំនិងបណ្តាមិត្តរួមវិជ្ជាជីវៈដែលមកពីបណ្តាប្រទេសក្នុងតំបន់ ASEAN បាននិយាយជាមួយគ្នាអំពីការបង្កើតសហគមន៍ ASEAN មួយ ទោះបីគ្មានអ្នកណាអាចនឹកស្មានថារឿងនេះវិវឌ្ឍន៍យ៉ាងម៉េចបានទេ ពីព្រោះនៅពេលនោះមិនទាន់ដល់ពេលកំណត់ ដើម្បីនិយាយអំពីប្រការធំមួយៗដូចអញ្ចឹងទេ (នាខែមករា ឆ្នាំ២០០៣ ថ្នាក់ដឹកនាំនៃបណ្តាប្រទេសក្នុងតំបន់ ASEAN ទើបសម្រេចចិត្តកាត់បន្ថយរយៈពេល ៥ ឆ្នាំពន្លឿននូវការបង្កើតសហគមន៍មួយនាឆ្នាំ២០១៥ បើសិនជាប្រៀបធៀបនឹងឆ្នាំ២០២០ ដែលសេចក្តីប្រកាសរួម Bali II បានដាក់ចេញនាឆ្នាំ២០០៣ )។
ហើយក៏ក្នុងកិច្ចប្រជុំនេះ លោកស្រី Carolina Hernandez ប្រធានវិទ្យាស្ថានស្រាវជ្រាវយុទ្ធសាស្ត្រនិងអភិវឌ្ឍន៍ហ្វីលីពីន និងជាប្រធានកិច្ចប្រជុំនេះបាននិយាយថា ប្រជាជនក្នុងតំបន់ ASEAN ភាគច្រើនបានឆ្លងកាត់តំណាក់កាលប្រវត្តិសាស្ត្រពិបាក ក្នុងនោះមានសង្គ្រាម អត់ឃ្លានក្រីក្រ ឈឺថ្កាត់ និងនាសព្វថ្ងៃនេះមានទាំងការព្រួយប្រារម្ភអំពីភេរវកម្ម អស្ថេរភាពផងដែរ ដូច្នេះប្រជាជនក្នុងតំបន់ ASEAN ទាំងឡាយប្រាថ្នាបានរស់នៅក្នុងតំបន់សន្តិភាពនិងវិបុលភាព។
សោភ័ណ្ឌភាពរបស់អតីតរាជវាំងហ្វេនៃប្រទេសវៀតណាម។ រូបថត៖ កាសែតរូបភាពវៀតណាម វត្តហន់ដាវ៉ាង (Kyaikhtiyo) កេរ្តិ៍ដំណែលដ៏ល្បីឈ្មោះមួយនៃប្រទេសភូម៉ា។ រូបថត៖ គីមភឿង រាជវាំងរបស់ព្រះរាជថៃ។ រូបថត៖ហ័ងក្វាងហា /កាសែតរូបភាពវៀតណាម That Luong Vientiane បានកសាងនាឆ្នាំ ២៣៦ព.ស (នាឆ្នាំ៣០៧មុនស.គ្រិស្ត) គឺជាសំណង់ស្ថាបត្យកម្មដ៏ល្បីឈ្មោះនៅប្រទេសឡាវ។ រូបថត៖ ង្វៀនថាំង /កាសែតរូបភាពវៀតណាម អារាម Bayon ក្នុងកេរ្តិ៍ដំណែល Angkor Thom នៃប្រទេសកម្ពុជា។ រូបថត៖ គីមភឿង /កាសែតរូបភាពវៀតណាម |
នាតំបន់អាស៊ីអាគ្នេយ៍មានរាប់រយជនជាតិផ្សេងៗ ដូច្នេះនេះទំលៀមទំលាប់ពិតជាសម្បូរបែប។ ឆ្លងកាត់រាប់ពាន់ឆ្នាំជាប្រវត្តិសាស្ត្រ ចាប់កំណើតនិងធំឡើងជាមួយគ្នាក្នុងតំបន់ភូមិសាស្ត្រមួយ និងជៈឥទ្ធពលរបស់ខឿនវប្បធម៌ស្រូវទឹក ដូច្នេះខឿនវប្បធម៌ ជំនឿធម្មជាតិ ជំនឿកកើតនិងជំនឿសក្ការៈអ្នកស្លាប់។ និយាយបំព្រួញមក វប្បធម៌អាស៊ីអាគ្នេយ៍គឺជាខឿនវប្បធម៌ដ៏ឯកភាពក្នុងភាពសម្បូរ។ |
រឿងរ៉ាវពី ៩ ឆ្នាំមុនបានក្លាយទៅជាការពិតហើយ។ ដើម្បីឆ្ពោះទៅកាន់គោលដៅនៃសព្វថ្ងៃនេះ យើងខ្ញុំបានឆ្លងកាត់កំណាត់ផ្លូវដ៏ពិបាកនិងមានការសាកល្បងជាច្រើនដូចសំដីរបស់លោកនាយករដ្ឋមន្ត្រីង្វៀនតឹនយុងបាននិយាយថា៖ “ ឆ្លងកាត់ការឡើងចុះនិងខុសគ្នា សហគមន៍ ASEAN 2015 នាបច្ចុប្បន្ននេះក្លាយទៅជាផ្ទះរួមរបស់គ្រួសារធំមួយនៃបណ្តាប្រទេសនៅតំបន់អាស៊ីអាគ្នេយ៍។”
ហើយ“ទន្លេ ភ្នំមិនអាចរារាំងទៀតទេ” ប្រជាជន ASEAN កាន់តែមានឱកាសជិតស្និទ្ឋជាមួយគ្នាក្នុងគ្រួសារធំមួយនេះ ពហុវប្បធម៌ ពហុប្រជាជាតិ ប៉ុន្តែមានចក្ខុវិស័យ អត្តសញ្ញាណរួម។ ដូច្នេះ ជាងពេលណាទាំងអស់ ស្នូលសំខាន់វប្បធម៌ – សង្គមនឹងបណ្តាតំលៃក្នុងបណ្តាវិស័យចាប់ពីវិស័យអប់រំ វប្បធម៌ សុខភិបាល សុខុមាលភាពសង្គម បរិស្ថាន ដល់ការឆ្លើយតបនឹងបញ្ហាប្រឈមជំងឺឆ្លង គ្រឿងញៀន គ្រោះថ្នាក់ធម្មជាតិ ... ដែលរួមចំណែកថែរក្សានិងលើកកម្ពស់គុណភាពជីវភាពរបស់ប្រជាជនយ៉ាងគ្រប់ជ្រុងជ្រោយនិងពិតប្រាកដ។
ភ័ស្តុតាងគឺជាក្នុងទសវត្សរ៍កន្លងទៅ អត្រាប្រជាជនក្រីក្រក្នុងបណ្តាប្រទេសជាសមាជិក បានចុះថយជាង ៤ ដង នាឆ្នាំ២០១៤ ចំនួនប្រជាជនក្នុងស្រទាប់កណ្តាលកើនជាង ៦ ដង ចាប់ពី ៥០ លាននាក់នៅឆ្នាំ២០០៤ ឡើងដល់ ៣០០ លាននាក់។
បណ្តាសកម្មភាពសហប្រតិបត្តិការយ៉ាងប្រសិទ្ធភាពនិងពុះកញ្ជ្រោលតាមរយៈក្របខ័ណ្ឌនិងយន្តការបានបង្កើតទម្លាប់និងការចែករំលែក ដើម្បីរួមជាមួយគ្នាកសាងគ្រួសារធំរបស់ប្រជាជាតិនៅតំបន់អាស៊ីអាគ្នេយ៍គាំពានិងជួយគ្នាទៅមកទៅវិញ ដើម្បីរួមគ្នាអភិវឌ្ឍន៍។ ស្មារតីជួយឧបត្ថម្ភទៅមកទៅវិញនេះកំពុងកកើតអត្តសញ្ញាណ ASEAN រួម ដើម្បីតភ្ជាប់ប្រជាជនក្នុងតំបន់ ASEAN ជាមួយគ្នាក្នុងមនសិការសហគមន៍និងលើកបណ្តាតំលៃ ASEAN ទៅឆ្ងាយក្រៅតំបន់នេះ។
មហោស្រពរាំនាគនៅរដ្ឋធានីហាណូយ។ រូបថត៖ កុងដាត/ កាសែតរូបភាពវៀតណាម
សម្តែងសិល្បៈច្រៀងប្រជាប្រិយកាទ្រូ កេរ្តិ៍ដំណែលវប្បធម៌ពិភពលោករបស់ប្រទេសវៀតណាម។ រូបថត៖ តឹតសើន/ កាសែតរូបភាពវៀតណាម
សោភ័ណ្ឌភាពស្រស់ស្អាតរបស់នារីម៉ាឡេស៊ី។ រូបថត៖ត្រឹនថាញ់យ៉ាង/កាសែតរូបភាពវៀតណាម កាសែតរូបភាពវៀតណាម
របាំប្រពៃណីរបស់ប្រទេសប្រជាជនប៊្រុយណេ។ រូបថត៖ហ័ងក្វាងហា /កាសែតរូបភាពវៀតណាម
ក្រុមសិល្បៈប្រពៃណីរបស់ប្រទេសឥណ្ឌូនេស៊ីបានសម្តែងនៅសប្តាហ៍វប្បធម៌ ASEAN ២០០៤។ រូបថត៖ហ័ងក្វាងហា /កាសែតរូបភាពវៀតណាម
ក្រុមសិល្បៈប្រពៃណីរបស់ប្រទេសហ្វីលីពីនសម្តែងនៅមហោស្រពហ្វេ ២០១២។
រូបថត៖រូបថត៖ត្រឹនថាញ់យ៉ាង/កាសែតរូបភាពវៀតណាម
របាំប្រពៃណីរបស់ប្រទេសសឹង្ហបុរី។ រូបថត៖ វូខាញ់/កាសែតរូបភាពវៀតណាម
សហគមន៍ ASEAN បានបង្កើត ដែលមិនត្រឹមតែមានអត្ថន័យដ៏ពិសេសក្នុងតំបន់តែប៉ុណ្ណោះ ថែមទាំងមានអត្ថន័យចំពោះប្រទេសនិមួយៗជាសមាជិកផងដែរ ក្នុងនោះមានប្រទេសវៀតណាម។ ហើយប្រការនេះក៏មានអត្ថន័យជាង នៅពេលព្រឹត្តិការណ៍នេះបានកើតហេតុចំពេលគម្រប់ខួប ២០ ឆ្នាំ វៀតណាមចូលរួម ASEAN (១៩៩៥-២០១៥)។ ពីរទសវត្សរ៍មុន ប្រទេសវៀតណាមបានមានការរួមចំណែកគួរឲ្យកត់សម្គាល់ក្នុងភាពខ្លាំងក្លានិងភាពជោគជ័យរួមរបស់ ASEAN និងបានប្រទេសជាសមាជិកក្នុង ASEAN ទទួលស្គាល់។
ប្រទេសវៀតណាមបានទុកបន្សល់ចំណាប់អារម្មណ៍ដ៏ពិសេសក្នុងការជំរុញកសាង ធ្វើឲ្យសុក្រិតបណ្តាឯកសារកំណត់ទិសដៅអំពីការអនុវត្តន៍បណ្តាគោលដៅរប់សសហគមន៍វប្បធម៌ – សង្គម ASEAN។ ជាគំរូដូចជានៅឆ្នាំប្រធាន ASEAN ២០១០ វៀតណាមបានលើកឡើងគំនិតផ្តួចផ្តើម អញ្ជើញជាអធិបតីភាពកសាងនិងជម្រាបថ្នាកដឹកនាំជាន់ខ្ពស់ ASEAN តាមរយៈពីរឯកសារដ៏សំខាន់ៗរបស់សហគមន៍វប្បធម៌ – សង្គម ASEAN ដែលគឺជាសេចក្តីប្រកាសហាណូយស្តីពីសុខុមាលភាពនិងអភិវឌ្ឍន៍សំរាប់ស្ត្រីនិងកុមារ ASEAN និងសេចក្តីប្រកាសរបស់ថ្នាក់ដឹកនាំជាន់ខ្ពស់ ASEAN ស្តីពីអភិវឌ្ឍន៍ប្រភពធនធានមនុស្សនិងបំណិតវិជ្ជាជីវៈដើម្បីស្តារសេដ្ឋកិច្ចឡើងវិញនិងអភិវឌ្ឍន៍យ៉ាងស្ថិតស្ថេរ។
ប្រទេសវៀតណាមក៏លើកឡើងគំនិតផ្តួចផ្តើមជាមួយបណ្តាប្រទេសជាសមាជិក ASEAN ប្រឹងប្រែងកសាងសេចក្តីប្រកាសផ្សេងៗទៀតដូចជា៖សេចក្តីប្រកាស ASEAN ស្តីពីបង្កើនសុខុមាលភាពសង្គម សេចក្តីប្រកាសអំពីការលុបបំបាត់អំពើហឹង្សាចំពោះស្តី្រ និងលុបបំបាត់អំពើហឹង្សាចំពោះកុមារក្នុង ASEAN សេចក្តីប្រកាស Bandar Seri Begawan ស្តីពីយុវជនស្ម័គ្រចិត្តនិងសហគ្រិនវ័យក្មេង សេចក្តីប្រកាស ASEANស្តីពីការបង្កើនកិច្ចសហប្រតិបត្តិការក្នុងការគ្រប់គ្រង់ឧបទ្ទវហេតុ។ បណ្តាសេចក្តីប្រកាសទាំងឡាយនោះបានអនុម័តនាឆ្នាំ២០១៣។ នេះគឺជាបណ្តាឯកសារដ៏សំខាន់ៗ កំណត់ទិសដៅសកម្មភាពក៏ដូចជាដំណើរកសាងសហគមន៍ ASEAN មួយនាឆ្នាំ២០១៥។
ពិធីផ្តល់ពានរង្វាន់មហោស្រពរូបថតនិងការរាយការណ៍ - ភាពយន្តឯកសារអំពីបណ្តាជនជាតិក្នុងសហគមន៍នៅប្រទេសវៀតណាមនាឆ្នាំ២០១៥។ រូបថត៖ តឹតសើន /កាសែតរូបភាពវៀតណាម លោកស្រីម៉ាយធីហាញ់ (ពាក់អាវផាយពណ៌ក្រហម) ភរិយាលោកប្រធានរដ្ឋទ្រឿងតឹនសាងអញ្ជើញចូលរួមពិធីមហោស្រពម្ហូបអាហារ “សហគមន៍ ASEAN ជាមួយមិត្តភក្តិអន្តរជាតិ លើកទី៣ - ឆ្នាំ២០១៥”។ រូបថត៖ ត្រឹនថាញ់/យ៉ាងកាសែតរូបភាពវៀតណាម ក្រុមយុវជននៃប្រទេសប៊ុ្រយណេមកទស្សនាទីក្រុងហូជីមិញ។ រូបថត៖ អានហៀវ /ទីភ្នាក់ងារសារព័ត៌មានវៀតណាម អ្នកយកព័ត៌មាន និងសិល្បករ សិល្បករិនី មកទស្សនាទីស្ថានទីតាំងអំពីវប្បធម៌ ASEAN នៅសាមន្ទីវប្បធម៌បណ្តាជនជាតិវៀតណាម នៅខេត្តតីងៀននៃប្រទេសវៀតណាម។ រូបថត៖ វៀតគឿង/កាសែតរូបភាពវៀតណាម ក្រុមសិល្បប្រពៃណីនៃប្រទេសហ្វីលីពីនសម្តែងនៅពិធីមហោស្រពហ្វេឆ្នាំ២០១២។ រូបថត៖ ត្រឹនថាញ់យ៉ាង /កាសែតរូបភាពវៀតណាម យុវជននៃបណ្តាប្រទេសនៅតំបន់អាស៊ីអាគ្នេយ៍ជួបប្រាស្រ័យជាមួយយុវជននៃទីក្រុងហូជីមិញ។ រូបថត៖ អានហៀវ /ទីភ្នាក់ងារសារព័ត៌មានវៀតណាម ប្រជាជននៃរដ្ឋធានីហាណូយ “រួមដំណើរដោយសហគមន៍សន្តិភាពនិងវិបុលភាព” អបអរសាទរខួបអនុស្សាវរីយ៍ ៤៣ ឆ្នាំទិវាបង្កើត ASEAN និង ១៥ ឆ្នាំប្រទេសវៀតណាមចូលរួម ASEAN ។ រូបថត៖ ង៉ុកទឿង/ទីភ្នាក់ងារសារព័ត៌មានវៀតណាម យុវជននៃបណ្តាប្រទេសក្នុងតំបន់អាស៊ីអាគ្នេយ៍ជួយប្រាស្រ័យនិងរស់នៅជាមួយគ្រួសារជនជាតិវៀតណាមមួយនៅទីក្រុងហូជីមិញ/ទីភ្នាក់ងារសារព័ត៌មានវៀតណាម |
មិនត្រឹមតែរួមចំណែកក្នុងការកសាងបណ្តាឯកសារតែប៉ុណ្ណោះ ប្រទេសវៀតណាមក៏ខិតខំប្រែងប្រឹងអនុវត្តបណ្តាសកម្មភាពជួយប្រាស្រ័យវប្បធម៌ – សង្គម ដើម្បីបង្កើនសាមគ្គីភាព ភាពស្និទស្នាលរវាងប្រជាជនក្នុងតំបន់អាស៊ីអាគ្នេយ៍ផងដែរ។ ក្នុងបណ្តាឆ្នាំថ្មីៗនេះ បណ្តាសកម្មភាពផ្លាស់ប្តូរវប្បធម៌ សិល្បៈ ការទូតប្រជាជន ត្រូវបានប្រទេសវៀតណាមធ្វើជាម្ចាស់ផ្ទះ និងបង្កើតស្ពានផ្លាស់ប្តូរយ៉ាងសកម្មនិងមានផលប្រយោជន៍រវាងប្រជាជនវៀតណាមនិងមិត្តមកពីបណ្តាប្រទេស។
ជាគំរូដូចជាព្រឹត្តិការណ៍សប្តាហ៍វប្បធម៌ ASEAN បានបើកនៅរដ្ឋធានីហាណូយនាឆ្នាំ២០០៤ ដែលបានទាក់ទាញសិល្បករ សិល្បការិនីមកពីបណ្តាប្រទេស ក្នុងASEAN មកសម្តែងក្នុងសប្តាហ៍នេះចំនួន ៥០០ នាក់ បង្កើតព្រឹត្តិការណ៍វប្បធម៌ធំមួយ ដែលមានលក្ខណៈផ្សព្វផ្សាយបណ្តាតំលៃវប្បធម៌អាស៊ីអាគ្នេយ៍។ ក្នុងពិធីមហោស្រពអន្តរជាតិហ្វេ មហាជនបានទស្សនាឈុតសម្តែងសិល្បប្រពៃណីពិសេសរបស់បណ្តាសិល្បករ សិល្បការិនីមកពីប្រទេសឡាវ កម្ពុជា ភូម៉ា ហ្វីលីពីន ម៉ាឡេស៊ី សឹង្ហបុរី…ហើយមហោស្រពរូបថតនិងការរាយការណ៍ -ភាពយន្តឯកសារអំពីសហគមន៍រៀបចំ៣ដងដោយក្រសួងព័ត៌មាននិងផ្សព្វផ្សាយព័ត៌មានវៀតណាម ដែលបង្កើតកិត្យានុភាពនិងល្បីឈ្មោះ។ ក្រៅពីនេះ ក៏មានរាប់រយព្រឹត្តិការណ៍វប្បធម៌ សិល្បផ្សេងៗដូចជាសិក្ខាសាលា ការតាំងពិព័ណ៌រូបថត ជួបប្រាស័យម្ហូបអាហារ ទេសចរណ៍ស្វែងឃើញ ជួយឧបត្ថម្ភសុខាភិបាល សមយុទ្ធការពារ ប្រឆាំងគ្រោះមហន្តរាយធម្មជាតិល។ល។ ក៏បានរៀបចំជាបន្តបន្ទាប់។ ហើយទាំងការចូលរួមយ៉ាងខ្លាំងក្លារបស់បណ្តាស្ថាប័នផ្សព្វផ្សាយព័ត៌មានក៏បង្កើតកាណាល់ព័ត៌មានសំខាន់បានបង្កើនការតភ្ជាប់ក្នុងសហគមន៍។
ទោះបីដំណើរការនៅខាងមុខរបស់សហគមន៍ ASEAN នៅតែមានការងារជាច្រើន ដែលត្រូវការអនុវត្តន៍ ក្នុងនោះក៏មានការពិបាកបន្តិចនិងការសាកល្បងក៏ដោយ ប៉ុន្តែដោយស្មារតី សាមគ្គីភាព ការតភ្ជាប់និងការចែករំលែកដោយសារចក្ខុវិស័យ អត្តសញ្ញាណមួយ ប្រជាជនរស់នៅតំបន់អាស៊ីអាគ្នេយ៍ចំនួនជាង ៦០០ លាននាក់ ក្នុងនោះក៏មានប្រជាជនវៀតណាមផងដែរនឹងពោរពេញដោយការជឿជាក់និងលទ្ធភាពដើម្បីរួមសុខរួមទុក្ខឆ្លងកាត់ឧបសគ្គទាំងឡាយ ដោយសារអនាគតនូវសហគមន៍ ASEAN សាមគ្គីនិងខ្លាំងក្លា៕
“គោលដៅមូលដ្ឋាននិងផែនការមេរបស់ ASCC រួមចំណែកកសាងសហគមន៍ ASEAN យកមនុស្សជាកណ្តាល មានការទទួលខុសត្រូវសង្គមសំដៅកសាងសង្គមស្រុះស្រួលគ្នានិងបើកទូលាយ ទីកន្លែងដែលជីវភាពនិងសុខុមាលភាពរបស់ប្រជាជនកាន់តែលើកកម្ពស់។ ដោយសារបណ្តាតំលៃនោះ
(លោកអនុសាស្ត្រាចារ្យ បណ្ឌិតង្វៀនយុយយុង នាយកវិទ្យាស្ថានស្រាវជ្រាវអាស៊ីអាគ្នេយ៍)
|
អត្ថបទ៖ ថាញ់ហ័រ រូបថត៖ង្វៀនថាំង ហ័ងក្វាងហា តឹតសើន
ត្រឹនថាញ់យ៉ាង កុងដាត គីមភឿង វៀតគឿង
ឯកសាររបស់កាសែតរូបភាពវៀតណាមនិងទីភ្នាក់ងារសារព័ត៌មាន