“បុគ្គលិករត់តុ” នេះ បានដាក់ឈ្មោះថា Mortar មានកម្ពស់១,៣ម៉ែត្រ ទម្ងន់២០គីឡូក្រាម។ សម្បកខាងក្រៅរបស់មនុស្សយន្ត បានច្នៃអំពីជ័រ composite ប្រើអាគុយហើយអាចដំណើរការក្នុងអំឡុង១៥ម៉ោង។ Mortar ទទួលរាប់រងភាគច្រើនការងាររបស់បុគ្គលិករត់តុ នាំយកភេសជ្ជៈទៅដល់ដៃភ្ញៀវ ហើយនៅចេះអញ្ជើញភ្ញៀវយកភេសជ្ជៈទៀតផង។
ក្នុងដំណើរការបម្រើភ្ញៀវ មនុស្សយន្តនឹងចល័តតាមស្នាមគូសនៅលើឥដ្ឋ ដែលមានភ្ជាប់អង្គញាណលោហធាតុ។ បរិយាកាសហាងកាហ្វេបានតុបតែងប្រៀបដូចជាយានអវកាសមួយ ជាមួយបង្អួចមានបិទទៅដោយរូបថតចក្រវាល។ ភ្ញៀវអង្គុយពិសាកាហ្វេនឹងមានអារម្មណ៍ដូចកំពុងធ្វើដំណើរក្នុងលំហអវកាសដ៏ធំឥតព្រំដែន។
 ហាងកាហ្វេ Robotcafe ជាហាងដំបូងបង្អស់នៅវៀតណាម នាំមនុស្សយន្តចូលបម្រើភ្ញៀវ។  មិត្តវូទ្រុងថាញ (Vu Trung Thanh) ជាសមាជិកម្នាក់ បង្កើតហាងកាហ្វេ Robotcafe។  មនុស្សយន្ត Mortar ជាស្នាដៃច្នៃដំបូងរបស់ក្រុមសមាជិកក្នុងហាងកាហ្វេ Robotcafe។  បុគ្គលិកបន្ទាប់ពីឆុងរួច គ្រាន់តែដាក់ភេសជ្ជៈទៅលើថាស របស់មនុស្សយន្ត។  បញ្ជាលេខតុហៅទឹក មនុស្សយន្តនឹងយកមកផ្ទាល់នៅនឹងកន្លែងជូនភ្ញៀវពិសា។  ក្តារបញ្ជាមនុស្សយន្ត Mortar ជាអេក្រង់អង្គញ្ញាណមួយដាក់នៅនឹងមុខ។  មនុស្សយន្ត Mortar អាចសកម្មភាពក្នុងអំឡុង១៥ម៉ោង ហើយពេលវេលាសាកថ្មគឺ៦ម៉ោង។  មនុស្សយន្ត Mortar បានតំឡើងអង្គញាណម៉ាញ៉េទិច ដើម្បីមើលសម្គាល់លោហធាតុ ដូច្នេះស្នាមបង្ហាញផ្លូវ បានបិទស្កុតអាលុយមីញ៉ូម នេះជាផ្លូវដើរសម្រាប់មនុស្សយន្ត។  ពេលនាំភេសជ្ជៈទៅដល់តុ មនុស្សយន្ត Mortar នឹងពោលពាក្យថា៖ “អញ្ជើញអ្នកយកភេសជ្ជៈ”។  មុខមនុស្សយន្ត Mortar បានតំឡើងដោយកម្មវិធីទន់មួយ បញ្ចេញអារម្មណ៍នៅលើទឹកមុខ។  Robotcafe មនុស្សយន្តបំផុសគំនិតច្នៃប្រឌិតបច្ចេកវិទ្យា ទៅដល់យុវវ័យ។  ភ្ញៀវយ៉ាងច្រើនភ្ញាក់ផ្អើល ពេលលើកដំបូងមនុស្សយន្តបម្រើក្នុងហាងកាហ្វេនៅហាណូយ។  បណ្តាអាណាព្យាបាលនាំប្អូនៗចូលមើលមនុស្សយន្តបម្រើ។  ភ្ញៀវទេសចរណ៍ចូលចិត្តជាមួយមនុស្សយន្តបម្រើ។  មនុស្សយន្ត Mortar បានបង្កើតចេញ ជាជំហានដំបូង ពោលពេញទៅដោយការសន្យាសម្រាប់ការអនុវត្ត នូវទម្រង់រូបភាពបច្ចេកវិទ្យាជឿនលឿន នៅវៀតណាម។  មនុស្សយន្ត Mortar រំពឹងទៅអនាគតជាបុព្វហេតុអភិវឌ្ឍន៍ មនុស្សយន្តថ្មីជាមួយមុខងារទំនើបជាង។ |
ហាងកាហ្វេ Robotcafe បានកសាងឡើងដោយចំណងចំណូលចិត្តច្នៃមនុស្សយន្តនៃយុវជនទាំងពីរនាក់ ង្វៀនក្វឹកភី (Nguyen Quoc Phi) (កើតឆ្នាំ១៩៨៨) និងវូត្រុងថាញ (Vu Trung Thanh) (កើតឆ្នាំ១៩៩៣)។ ពួកគាត់បានចំណាយពេលវេលារួមគ្នាស្រាវជ្រាវច្នៃបង្កើតមនុស្សយន្ត ដែលមានសមត្ថភាពធ្វើការងាររបស់បុគ្គលិករត់តុ។ នៅលើពិភលោកមានគោលគំនិតប្រហាក់ប្រហែជាច្រើន ប៉ុន្តែនៅវៀតណាមគឺមានក្វឹកភី (Quoc Phi) និងទ្រុងថាញ (Trung Thanh) ជាក្រុមមួយក្នុងចំណោមក្រុមទទួលបានជោគជ័យល្អប្រសើរ។
វូទ្រុងថាញ (Vu Trung Thanh) យល់ជ្រៅជ្រះពីវិស័យច្នៃមនុស្សយន្ត។ ពេលនៅជានិស្សិត បងបានច្នៃមនុស្សយន្តសម្រាប់បម្រើផ្នែកវេជ្ជសាស្រ្តដោយដៃខ្លួនឯង។ ក្រោយពីបញ្ចប់ការសិក្សាផ្នែកអេឡិចត្រូនិចទូរគមនាគមន៍នៅមហាវិទ្យាល័យពហុផ្នែកហាណូយ ទ្រុងថាញ (Trung Thanh) ក៏សាកកម្លាំងបំពេញការងារក្រៅផ្នែកជំនាញមួយចំនួន។ ប៉ុន្តែក្តីចំណងចំណូលចិត្តច្នៃមនុស្សយន្តនៅតែឌិតជាប់ក្នុងអារម្មណ៍របស់បង។ បន្ទាប់ពី ស្តាប់បងង្វៀនក្វឹកភី (Nguyen Quoc Phi) និយាយពីគោលគំនិតបង្កើតហាងកាហ្វេមនុស្សយន្ត ខ្ញុំយល់ព្រមភ្លាម ហើយចាប់ដៃអនុវត្តបំពេញបំណងប្រាថា្នដែលត្រូវរត់រាយទាំងពីយូរ វូទ្រុងថាញ (Vu Trung Thanh) ពោលយ៉ាងនេះ។
ផ្តើមដំណើរការច្នៃមនុស្សយន្ត ចាប់ពីខែមីនា ប៉ុន្តែមកដល់ចុងឆ្នាំទើបធ្វើសម្រេចមនុស្សយន្ត។ ក្នុងដំណើរការច្នៃ មិត្តទាំងពីរជួបការលំបាកយ៉ាងច្រើន ត្រូវការស្រាវជ្រាវ ស្វែងរកឯកសារណែនាំពីប្រភពផ្សេងៗ។ ក្នុងការសាកល្បងមិនទទួលបានជោគជ័យ ហើយត្រូវធ្វើសាឡើងវិញ។ ព្រោះហេតុនោះ បា្រក់ចំណាយផលិតមនុស្សយន្ត ឡើងដល់១០០លានដុង លើសពីចំនួនប្រាក់ដែលបម្រុងទុកខាងដើម។
វូទ្រុងថាញ (Vu Trung Thanh) ឲ្យដឹងថា តាំងពីធ្វើសម្រេចមកដល់សព្វថ្ងៃ មនុស្សយន្ត Mortar ដំណើរការល្អមិនជួបឧបសគ្គអ្វីមួយទេ។ នៅខាងមុខ ផលិតករវ័យក្មេងនេះ នឹងបន្តផលិតបន្ថែមមនុស្សយន្តបីនាក់ សម្រាប់បម្រើភោជនីយដ្ឋាន។ មនុស្សយន្តជំនាន់ក្រោយនឹងបានលើកកម្ពស់ទំនើបជាង ហើយមានមុខងារផ្សេងថ្មីដូចជា៖ ចលនាសន្លាស់កដៃរស់រវើកជាង ពោលពាក្យជាមួយភ្ញៀវសម្បូរបែបជាង ប្រាក់ចំណាយរំពឹងទុកនឹងត្រូវបង់ស្មើពាក់កណ្តាលបើប្រៀបនឹងកាលពីមុន។
ក្វឹកភី (Quoc Phi) និងទ្រុងថាញ (Trung Thanh) មានបំណងចង់ឲ្យ Robotcafe ក្លាយជាអាសយដ្ឋានជិតស្និទ្ធជាមួយយុវវ័យ ដែលមានរួមចំណងចំណូលចិត្តច្នៃមនុស្សយន្តបម្រើគោលដៅពិតប្រាកដនៃជីវភាពរស់នៅ៕
អត្ថបទនិងរូបថត៖ តឹតសើន
