ភាពស្រស់ស្អាតរបស់សមុទ្រសឹមសើន
ប្រវែងប្រមាណ ៦ គីឡូម៉ែត្រពីចក្រទ្វារសមុទ្រឡាចហើយ (Lach Hoi) រហូតដល់ជើងភ្នំទ្រឿងឡេ (Truong Le) សឹមសើនមានឆ្នេរសមុទ្រជ្រាល រលកសមុទ្រខ្លាំង ដែលសមស្របនិងការលំហែកាយនៅរដូវក្តៅ។
នៅពេលបារាំងឈានពានប្រទេសវៀតណាម សឹមសើនគឺជាទីកន្លែងលំហែកាយដ៏ល្បីឈ្មោះនៅតំបន់ឥណ្ឌូចិន។ ក្រោយប៉ុន្មានទសវត្សរ៍ បណ្តាវិឡាសំរាប់ការលំហែកាយត្រូវបានកសាងនៅទីនេះ។ ស្តេចបាវដាយ (Bao Dai)ដែលគឺជាស្តេចចុងក្រោយនៃរាជកាលង្វៀនក៏បញ្ជាកសាងវិមានដោយឡែកនៅសឹមសើន។
នាសព្វថ្ងៃនេះ អជ្ញាធរមូលដ្ឋានបានវិនិយោគរាប់ពាន់លានដុងក្នុងការកសាងហេដ្ឋារចនាសម្ព័ន្ធ។ សហគ្រាសនិងឯកជនជាច្រើនក៏វិនិយោគក្នុងការកែលំអ ធ្វើល្អប្រសើរថែមទៀតនិងកសាងផ្ទះសំណាក់ដែលបំរើភ្ញៀវទេសចរណ៍ផងដែរ។ បណ្តាសេវាកម្មនិងប្រព័ន្ធសណ្ឋាគា ដែលដាក់ឲ្យដំណើរការចំរដូវទេសចរណ៍សមុទ្រ២០១៦ ដូច្នេះបរិមាណភ្ញៀវទេសចរណ៍មកទស្សនាសឹមសើនក៏កើនឡើាងយ៉ាងឆាប់រហ័សផង។
ជ្រុងមួយនៃឆ្នេរសមុទ្រ B របស់តំបន់ទេសចរណ៍សឹមសើនថតពី flycam ។ រូបថត៖ហ័ងហា ភ្ញៀវទេសចរណ៍រង់ចាំព្រះអាទិត្យរះនៅឆ្នេរសមុទ្រសឹមសើន។ រូបថត៖ ឌឹកហាញ់ នៅពេលព្រះអាទិត្យរះ កុមារលេងជាមួយរលកសមុទ្រនៅសឹមសើន។ រូបថត៖ កុងដាត ទូកសង្គ្រោះរបស់ក្រុមសង្គ្រោះតាមដានដើម្បីធានាសុវត្ថិភាពរបស់ភ្ញៀវទេសចរណ៍។ រូបថត៖ កុងដាត បណ្តាកង្ហារក្រដាស់ធ្វើស្អាតឆ្នេរសមុទ្រសឹមសើនថែមទៀត។ រូបថត៖ កុងដាត ភ្ញៀវទេសចរណ៍ថតរូបទុកជាអនុស្សវរីយ៍នៅក្បែររូបភាពដែលកសាងពីខ្សាច់។ រូបថត៖ ត្រឹនថាញ់យ៉ាង នាពេលរសៀល បណ្តាខ្លែងហោះក្នុងខ្យល់សមុទ្រលើឆ្នេរសមុទ្រសឹមសើន។ រូបថត៖ ត្រុងជីញ បណ្តាផ្ទាំងថ្មធំៗ បានត្រួតលើគ្នាដោយរលកសមុទ្របោកនៅវុងទៀន (Vung Tien) ក្រោមជើងភ្នំដូវវ៉យ (Dau Voi) ក៏គឺជាទីកន្លែងទាក់ទាញភ្ញៀវទេសចរណ៍ជាច្រើននាក់ផង។ រូបថត៖ ត្រុងជីញ សោភ័ណ្ឌភាពនៃសមុទ្រសឹមសើននៅពេលព្រះអាទិត្យលិច។ រូបថត៖ កុងដាត ភាពស្ងៀមស្ងាត់នៅឆ្នេរសមុទ្រសឹមសើននៅពេលព្រះអាទិត្យលិច។ រូបថត៖ កុងដាត មុខមាត់ទីរួមខេត្តសឹមសើននារដូវក្តៅ ២០១៦ បានប្រែប្រួលទាំងស្រុង ដែលក្លាយទៅជាទីកន្លែងទាក់ទាញភ្ញៀវទេសចរណ៍ជាច្រើននាក់ មកទស្សនានិងលំហែកាយ។ ក្នុងរូបថត៖វិថីហូស្វឹនហឿងស្ថិតនៅក្បែរឆ្នេរសមុទ្រត្រូវបានបើកទូលាយពីរដង និងកសាងបណ្តា hubway។ រូបថត៖ ត្រឹនថាញ់យ៉ាង ឆ្នាំ២០១៦ គឺជាឆ្នាំ ដែលសឹមសើនត្រូវបានវិនិយោគកសាងជាច្រើនបំផុតតាំងពីប៉ុន្មានឆ្នាំមុនរហូតដល់សព្វថ្ងៃនេះ ថវិការខេត្តបានចំណាយរាប់លានដុង ដើម្បីកសាងហេដ្ឋារចនាសម្ព័ន្ធ។ សហគ្រាសនិងឯកជនជាច្រើនបានវិនិយោគក្នុងការកែលំអនិងធ្វើល្អប្រសើរថែមទៀត កសាងផ្ទះសំណាក់ដើម្បីបំរើភ្ញៀវទេសចរណ៍។ រូបថត៖ ត្រឹនថាញ់យ៉ាង |
សឹមសើនបានទទួលស្វាគមន៍ភ្ញៀវទេសចរណ៍ជាងមួយលាននាក់ក្នុងខែឧសភា ឆ្នាំ២០១៦ ជាមធ្យមមានភ្ញៀវទេសចរណ៍ចំនួន ៥០.០០០ នាក់ក្នុងមួយថ្ងៃ។ ជាពិសេស បរិមាណស្នាក់នៅក៏បានកើនឡើងទ្វេដង ប្រសិនជាប្រៀបធៀបនឹងនាពេលដដែលក្នុងឆ្នាំ ២០១៥។ |
នាពេលព្រឹក គយគន់ព្រះអាទិត្យរះនៅលើឆ្នេរសមុទ្រសឹមសើនគឺជាពេលវាលាមួយ គួរឲ្យចាប់ចិត្តសំរាប់ភ្ញៀវទេសចរណ៍នៅពេលគេមកលំហែកាយនៅទីនេះ។ នេះគឺជាពេលវេលា ដែលពន្លឺពីព្រះអាទិត្យមានពណ៌ក្រហមប្រែប្រួលទៅពណ៌លឿងជាបណ្តើរៗ និងកម្រាលនៅឆ្នេរសមុទ្រ។ ភ្ញៀវទេសចរណ៍នឹងសម្របខ្លូនក្នុងទឹកសមុទ្រដ៏ថ្លាត្រជាក់និងរលកសមុទ្របោកលើរាងកាយនៅពេលព្រះអាទិត្យរះ។
នេះគឺជាពេលវេលា ដែលបណ្តាទូករបស់អ្នកនេសាទសឹមសើនបានត្រឡាប់ទៅឆ្នេរសមុទ្រវិញហើយ គេលក់ជលផលស្រស់និងឆ្ងាញ់។ ជម្រើសប្រភេទជលផលដែលស្រស់និងត្រូវបានអ្នកនេសាទជួយកែច្នៃ ភ្ញៀវទេសចរណ៍នឹងមានពអាហារពេលព្រឹកគួរឲ្យចាប់ចិត្តនិងឈ្ងុយឆ្ងាញ់នៅលើឆ្នេរសមុទ្រ។
នៅពេលរសៀលនៃរដូវក្តៅ សឹមសើនជាច្រើនកុះករដូចជាមាពិធីបុណ្យ។ លើឆ្នេរសមុទ្រប្រវែង ៦ គីឡូម៉ែត្រ មានមនុស្សមូជទឹកសមុទ្រជាច្រើនកុះករ។ ដើម្បីធានាសុវត្ថិភាពសំរាប់ភ្ញៀវទេសចរណ៍ ដែលមូជទឹកសមុទ្រដ៏ត្រជាក់នេះ អជ្ញាធរនៅទីរួមខេត្តសឹមសើនបានដាក់ពង្រាយបណ្តាក្រុមជួយសង្គ្រោះទាំងលើដីគោកនិងទាំងនៅលើឆ្នេរសមុទ្រ។ ដោយប្រព័ន្ធវិទ្យុសម្លេង ភ្ញៀវទេសចរណ៍ត្រូវបានណែនាំយ៉ាងម៉ត់ចត់នូវរបៀបមូជទឹកដ៏សុវត្ថិភាពនិងបណ្តាព័ត៌មានសេវាកម្មក៏ដូចជាការស្វែងរកអ្នកបាត់ខ្លូនត្រូវបានផ្សព្វផ្សាយ។
ទីកន្លែងទេសចរណ៍ព្រលឹង
មកខេត្តថាញ់ហ័រ អ្នកនឹងស្តាប់រឿងរ៉ាវស្តីពីស្ត្រីម្នាក់ ដែលរង់ចាំប្តីទៅនាសាទនៅសមុទ្រ ហើយក្លាយទៅជាថ្ម។ នេះគឺរឿងហនវ៉ងភូ (Hon Vong Phu) រៀបរាប់អំពីស្រីម្នាក់បីកូនឡើងដល់កំពូលភ្នំ រង់ចាំប្តី ហើយទឹកភ្នែករបស់ស្រី្តនោះបានក្លាយទៅជាភ្នំទ្រឿងឡេ(Truong Le)។ប្រហែលជាដូច្នេះ លើកំពូលភ្នំទ្រឿងឡេមានប្រព័ន្ធវត្ត អារាមនិងបណ្តាកេរ្តិ៍ដំណែល ដែលពាក់ព័ន្ធនឹងជំនឿនិងព្រលឹងរបស់ប្រជាជនរស់នៅតំបន់សមុទ្រនេះ។
នាពេលព្រលឹម ពិធីបុណ្យនំរូបមូលធ្វើពីអង្កដំណើប - នំអន្សម ២០១៦ រួមមានក្រុមដង្ហែដែលមកពី ៧ ភូមិមានកេរ្តិ៍ដំណែល ស្ថិតក្នុង ៥ ឃុំ សង្កាត់នៃភូមិសាស្ត្រទីរួមខេត្តសឹមសើន ពាក់សំលៀកបំពាក់ប្រពៃណីក្នុងពិធីបុណ្យនិងដង្ហែឆ្លងកាត់វិថីនានា ហើយប្រមូលផ្តុំនៅទីធ្លាអារាមដុកកឿក (Doc Cuoc)។ រូបថត៖ ត្រុងជីញ ក្រុមដង្ហែស្នែងរបស់បណ្តាភូមិកំពុងសែងស្នែងអាទិទេពឡើងដល់អារាមដុកកឿក (Doc Cuoc) ស្ថិតនៅលើភ្នំទ្រឿងឡេ (Truong Le)។ រូបថត៖ហ័ងហា ពិធីការដង្ហែស្នែងរបស់បណ្តាភូមិឆ្លងកាត់វិថីនានាស្ថិតក្នុងទីរួមខេត្តសឹមសើន។ រូបថត៖ ត្រុងជីញ បន្ទាប់ពីពិធីការប្រពៃណី បណ្តាសកម្មភាពបួងសួងបានរៀបចំនៅទីធ្លាអារាមដុកកឿក។ រូបថត៖ហ័ងហា លើភ្នំទ្រឿងឡេមានអារាមដុកកឿកដ៏សិហវិលាសនិងបុរាណ ជាទីកន្លែងសក្ការៈអាទិទេពដុកកឿកនិងព្រះម៉ែម៉ូវលៀវហាញ់ (Mau Lieu Hanh)។ ទីកន្លែងទាំងនោះដែលភ្ញៀវទេសចរណ៍មកទស្សនានៅពេលមកសឹមសើន។ ក្នុងរូបថត៖ រូបសំណាក់អាទិទេពដុកកឿកបានដាក់តាំងក្នុងវិហារនៃអារាម។ រូបថត៖ ហ័ងហា បណ្តានំមូលធ្វើពីអង្កដំណើបមានផ្ចិត ៣០ សង្ទីមែត្រ នំអន្សមមានគែមប្រវែង ៤០ សង្ទីម៉ែត្រ បានរៀបចំយ៉ាងម៉ត់ចត់តាំងពីដំណាក់កាលជ្រើសរើសអង្ក សណ្តែតខៀវ សាច់និងស្លឹកវេច រហូតដល់ដំណាក់កាលកែច្នៃ បន្ទាប់មកនំបានដាក់នៅលើបណ្តាស្នែងនិងត្រូវបានប្រជាជនដង្ហែទៅដល់ទីកន្លែងរៀបចំពិធីសែនស្ថិតក្នុងអារាមដុកកឿក។ រូបថត៖ ហ័ងហា អារាមកូទៀន (Co Tien) ដែលស្ថិតនៅលើកំពូលភ្នំដូវវ៉យគីជាអារាមមួយបានបង្កើតពីរាជកាលលី (Ly) ជាទីសក្ការៈអាទិទេពព្រះម៉ែ ៣ រូបរួមមាន៖ អាទិទេពព្រះម៉ែថឿងធៀន (Thuong Thien) (ព្រះមហាក្សត្រីយានីលៀវហាញ់(Lieu Hanh))អាទិទេពព្រះម៉ែថឿងង៉ាន ( Thuong Ngan)អាទិទេពព្រះម៉ែថ័យ (Thoai)។ រូបថត៖ ត្រុងជីញ ជ្រុងមួយនៃអារាមកូទៀនស្ថិតនៅលើភ្នំទ្រឿងឡេ។ រូបថត៖ ហ័ងហា ពិធីបុណ្យនំមូលនិងនំអន្សមបានប្រព្រឹត្តទៅក្នុងរយៈពេលពីរថ្ងៃ ចាប់ពីថ្ងៃទី១៨ ដល់ ថ្ងៃទី១៩ខែមិថុនា (១៤ ដល់១៥ខែឧសភាគិតតាមប្រតិទិនច័ន្ទគតិ)នៅកំពង់ផែឡាចហើយ (Lach Hoi)សង្កាត់ក្វាងទៀន (Quang Tien)រួមមានបណ្តាសកម្មភាពដូចជា៖ ការដង្ហែស្នែង បួងសួងនាសាទត្រីជាច្រើន,.... រូបថត៖ ត្រុងជីញ សិល្បករមកពីបណ្តាភូមពាក់សម្លៀកបំពាក់ក្នុងពិធីបុណ្យ ដែលចូលរួមក្រុមដង្ហែ។ រូបថត៖ត្រុងជីញ ភ្ញៀវទេសចរណ៍មកពីខណ្ឌហ័ងម៉ាយ (Hoang Mai)រដ្ឋធានីហាណូយ (Ha Noi)ចូលរួមក្នុងពិធីដង្ហែនិងពិធីសែនដែលរៀបចំក្នុងអារាមដុកកឿក នៅពេលពិធីបុណ្យបានប្រព្រឹត្ត។ រូបថត៖ ត្រុងជីញ |
សឹមសើនមាន ៥ អារាម ដែលបានទទួលស្គាល់គឺជាកេរ្តិ៍ដំណែលថ្នាក់ជាតិ រួមមាន៖ អារាមដុកកឿក (Doc Cuoc) អារាមកូទៀន (Co Tien) អារាមតូហៀនថាញ់(To Hien Thanh) អារាមដេលិញ (De Linh) អារាមកាឡឹប (Ca Lap)។ |
ក្នុងបណ្តាកេរ្តិ៍ដំណែលនោះ អារាមដុកកឿកស្ថិតនៅខាងជើងនៃភ្នំទ្រឿងលេដ៏ល្បីឈ្មោះ ដោយភាពស័ក្តិសិទ្ធិ។ អ្នកនេសាទនៅសមុទ្រសឹមសើននៅតែរក្សារឿងរ៉ាវអំពីកម្លោះម្នាក់មានសុខភាពល្អអស្ចារ្យបានបំបែកខ្លូនជាពីរផ្នែក ផ្នែកមួយទៅសមុទ្រនាសាទនឹងសម្លាប់សត្វឧត្បាតរស់ក្នុងទឹក ផែកមួយទឿតឈរលើកំពូលភ្នំទ្រឿងឡេ
ប្រជាជនដឹងគុណូបការៈកូនកម្លោះរូបនេះ ហើយកសាងអារាមដុកកឿក។ ម៉្យាងទៀត អាទិទេពដុកកឿកគឺនិមិត្តិរូបឲ្យព្រះច័ន្ទ ដូច្នេះប្រជានេសាទរស់នៅសឹមសើនបានធ្វើក្បូនទៅសមុទ្រតាមរូបភាពព្រះច័ន្ទរនោច។ ប្រជានេសាទរស់នៅខេត្តថាញ់ហ័រជឿជាក់ថា មុនពេលចេញដំណើរទៅសមុទ្រ អាទិទេពដុកកឿកតែងតែទៅតាមអ្នកនេសាទ ដើម្បីការពារពួកគេជៀសវាងខ្យល់និងសមុទ្រខ្លាំង។
តាមពេលវេលា ប្រជាជនរស់នៅតំបន់សមុទ្រសឹមសើនបានរៀបចំពិធីបុណ្យនំមូល - នំអន្សមនាថ្ងៃទី ១១ ដល់ថ្ងៃទី ១៣ ខែឧសភា (គិតតាមប្រតិទិនច័ន្ទគតិ)ជារៀងរាល់ឆ្នាំ ដើម្បីបួងសួងអាទិទេពដុកកឿកឲ្យអាកាសធាតុល្អ។ ពិធីបុណ្យនេះបានរៀបចំនារដូវទេសចរណ៍សមុទ្រ ដូច្នេះបានក្លាយទៅជាផលិតផលទេសចរណ៍មួយរបស់ខេត្តថាញ់ហ័រនិងផ្តល់ឲ្យភ្ញៀវទេសចរណ៍ទីស្ថានព្រលឹងដ៏ស័ក្តិសិទ្ធិ។
លើផ្លូវឆ្លងភ្នំទ្រឿងឡេ ភ្ញៀវទេសចរណ៍អាចឈប់សំរាកនិងមកទស្សនាផ្ទាំងថ្មហនទ្រុង - ម៉ាយ (Trong -Mai) អារាមកូទឿន អារាមតូហៀនថាញ់។ មិនត្រឹមតែបណ្តាទីកន្លែងនោះទេ ថែមទាំងបណ្តាផ្ទាំងថ្មដែលមានរូបរាងចម្លែក ស្ថិតនៅជើងភ្នំក៏គឺជាទីស្ថានយកខ្យល់បកពីសមុទ្រមកសំរាប់ភ្ញៀវទេសចរណ៍។
មុខរបរនេសាទដោយក្បូន
នាខែមិនា ឆ្នាំ១៩៩៣ អ្នកផ្សងព្រេង Tim Severin ជនជាតិអៀវឡង់បានមកទស្សនាសឹមសើន ដើម្បីស្វែងយល់នូវមុខរបរនេសាទដោយក្បូននិងរួមជាមួយប្រជាជនរស់នៅតំបន់នេះ ធ្វើក្បូនធំ ហើយចេញដំណើរឆ្លងសមុទ្រប៉ាស៊ីហ្វិកមានប្រវែង ៥.៥០០ ម៉ាយ។ អាស្រ័យលើនេះ មុខរបរធ្វើក្បូននៅសឹមសើនត្រូវបានពិភពលោកស្គាល់។
អ្នកនេសាទត្រៀមសំណាញ់សំរាប់ដំណើរការទៅសមុទ្រនាថ្ងៃក្រោយ។ រូបថត៖ ត្រឹនថាញ់យ៉ាង ប្រហែលម៉ោង ៥ នាពេលព្រឹក ផ្សារត្រីនៅសឹមសើនមានទូក នាវាត្រឡាប់មកឆ្នេរសមុទ្រត្រៀបត្រា។ រូបថត៖ ត្រឹនថាញ់យ៉ាង ក្បូនឫស្សីរបស់ប្រជានេសាទភូមិចាយ ( Chai) (សឹមសើន) ត្រៀមទៅសមុទ្រ។ រូបថត៖ ហ័ងហា ស្នាមវប្បធម៌ពិសេសរបស់ប្រជានេសាទសឹមសើនគឺមុខរបរនេសាទជលផលដោយក្បូន។ បច្ចេកទេសធ្វើក្បូនឫសី្សសឹមសើនបានមានពីយូរលង់មកហើយ ក្បួនធ្វើពីដើមឈើមួយប្រភេទស្ថិតក្នុងអំបូរឫស្សីនិងចង់ជាមួយគ្នាដោយខ្សែផ្តៅ ។ រូបថត៖ ត្រុងជីញ ជ្រុងមួយនៃតំបន់ចតទូកនិងក្បូនមួយជ្រុងរបស់ប្រជានេសាទ ក្រោយមួយថ្ងៃធ្វើការ។ រូបថត៖ ហ័ងហា ទូកមកដល់ទីកន្លែងចត ក្រោយបណ្តាថ្ងៃទៅសមុទ្រនេសាទ។ រូបថត៖ ត្រឹនថាញ់យ៉ាង សកម្មភាពប្រចាំថ្ងៃរបស់ប្រជានេសាទ ដែលរស់នៅភូមិនេសាទក្បែរសមុទ្រ គឺជាទីមកដល់ស្វែងយល់គួរឲ្យចាប់ចិត្តសំរាប់ភ្ញៀវទេសចរណ៍។ រូបថត៖ ត្រុងជីញ |
នាសព្វថ្ងៃនេះ មុខរបរនេសាទនៅសមុទ្រដោយក្បូន ដែលប្រជានេសាទសឹមសើនរក្សាទុកនិងអភិវឌ្ឍន៍។ ដើម្បីធ្វើក្បូនមួយ អ្នកជាងត្រូវទិញនិងជ្រើសរើសដើមឈើស្រស់មួយប្រភេទក្នុងអំបូរឫស្សីនៅតំបន់ភ្នំស្ថិតនៅខាងលិចខេត្តថាញ់ហ័រ បន្ទាប់មកចងបណ្តាដើមឈើនេះជាមួយគ្នា ដើម្បីធ្វើមធ្យោបាយមួយប្រភេទទៅនាសាទនៅសមុទ្រ។ មកដល់សឹមសើន ភ្ញៀវអាចស្វែងយល់របៀបប្រជានេសាទរុញក្បូនចេញទៅសមុទ្រនាពេលព្រលឹម ហើយនៅពេលថ្ងៃរៀបលិច យើងអាចទិញជលផលជាច្រើនបភេទនៅពេលក្បួនមកដល់ឆ្នេរសមុទ្រ./.