ប្រធានរដ្ឋសភាលោកស្រី Nguyen Thi Kim Ngan ទៅសាកសួរសុខទុក្ខនិងជូនពរបុណ្យវិសាខបូជានៅមលដ្ឋានជំនឿសាសនាមួយចំនួននៅទីក្រុងហូជីមិញ (រូបថត៖ TTXVN)
ក្នុងឱកាសមហាពិធីវិសាខបូជា ព.ស ២៥៦២ (ឆ្នាំសកល ២០១៨) នាព្រឹកថ្ងៃទី២៧ ខែឧសភា ឆ្នាំ២០១៨ ប្រធានរដ្ឋសភាវៀតណាម លោកស្រី Nguyen Thi Kim Ngan បានទៅសាកសួរសុខទុក្ខ និងជូនពរ នៅមូលដ្ឋានពុទ្ធសាសនាមួយចំនួននៅទីក្រុងហូជីមិញ។
មកសាកសួរសុខទុក្ខព្រះសង្ឃ Thich Thien Nhon ប្រធានក្រុមប្រឹក្សាភិបាលសមាគមន៍ពុទ្ធសាសនា វៀតណាមនិងបណ្ដាព្រះសង្ឃ ពុទ្ធបរិស័ទ្ធនៅការិយាល័យទី២សមាគមន៍ពុទ្ធសាសនាវៀតណាម ប្រធានរដ្ឋសភាលោកស្រី Nguyen Thi Kim Ngan បានអះអាងថា បក្សនិងរដ្ឋជានិច្ចកាលគោរពនិងធានាសិទ្ធិសេរីភាពខាងជំនឿសាសនារបស់ប្រជាជន ហើយធានាការប្រតិបត្តិជំនឿសាសនាស្របច្បាប់។ បក្ស រដ្ឋក៏បង្កលក្ខណៈងាយស្រួលដោយឥតឈប់ឈរសំរាប់សាសនិកជននិងអ្នកមុខអ្នកការនៃជំនឿសាសនាទាំងអស់ដែលក្នុងនោះមានពុទ្ធសាសនាផង ដើម្បីអនុវត្តន៍ឲ្យបានល្អនូវការប្រតិបត្តិជំនឿសាសនាក៏ដូចជាបំពេញកាតព្វកិច្ចរបស់ពលរដ្ឋចំពោះមាតុប្រទេសផងដែរ។
នាថ្ងៃដដែល គណៈប្រតិភូថ្នាក់ដឹកនាំបក្ស រដ្ឋ និងរណសិរ្សមាតុភូមិវៀតណាមដឹកនាំដោយប្រធានគណៈកម្មាធិការមជ្ឈឹមរណសិរ្សមាតុភូមិលោក Tran Thanh Man បានទៅសាកសួរសុខទុក្ខ ជូនពរបណ្ដាអ្នកមុខអ្នកការនិងព្រះសង្ឃនៅខេត្ត Soc Trang ភាគខាងត្បូងវៀតណាម។
មុននោះ នារសៀលថ្ងៃទី២៦ ឧសភា នៅទីក្រុងហ្វេ ភាគកណ្ដាលវៀតណាម ឧបនាយករដ្ឋមន្រ្តីអចិន្ត្រៃយ៍រដ្ឋាភិបាលវៀតណាមលោក Truong Hoa Binh និងថ្នាក់ដឹកនាំក្រសួង ស្ថាប័នមជ្ឈឹមនិងទីក្រុងហ្វេ បានទៅអបអរសាទរមហាពិធីវិសាខបូជាព.ស២៥៦២ នៅមូលដ្ឋានជំនឿសាសនាមួយចំនួន៕
តាម VOV5 - វិទ្យុសំឡេងវៀតណាម
