តាមការឧទ្ទេសនាមនៃថ្នាក់តំណាងស្ថាប័នសហប្រតិបត្តិការអន្តរជាតិជប៉ុន (JICA) នៅហាណូយ យើងខ្ញុំស្វែងទៅជួបវេជ្ជបណ្ឌិត Iizuka Kazuhiro - ជាអ្នកជំនាញព្យាបាលនីតិសម្បទាចលនា កំពុងធ្វើការនៅមន្ទីរពេទ្យថែបំប៉ននីតិសម្បទាមជ្ឈិម (មន្ទីរពេទ្យ) នៃខេត្តថាញហ័រ (Thanh Hoa)។ “នេះជាវេជ្ជបណ្ឌិតវ័យក្មេង ពោរពេញទៅដោយទេពកោសល្យនិងការច្នៃប្រឌិត” - សម្តីឧទ្ទេសនាមនៃថ្នាក់តំណាង JICA ធ្វើឲ្យយើងខ្ញុំកាន់តែមានចិត្តចង់ជួបបុរសម្នាក់នេះ។
យើងខ្ញុំចេញដំណើរពីក្រុងហាណូយទៅកាន់មន្ទីរពេទ្យក្នុងពេលវេលារំលងថ្ងៃត្រង់។ បន្ទប់ធ្វើការរបស់វេជ្ជបណ្ឌិត Iizuka Kazuhiro នៅតែមានអ្នកជំងឺច្រើនណាស់ យើងខ្ញុំត្រូវចាំដល់ ១ ម៉ោងរសៀល ទើបបានជួបនិងសំណេះសំណាលជាមួយអ្នកជំនាញវ័យក្មេងមកពីប្រទេសជប៉ុន។ បង Iizuka Kazuhiro ឲ្យដឹងថា៖ ធ្វើការនៅវៀតណាមបានជិត ១ ឆ្នាំ បងរៀនបានភាសាវៀតណាមខ្លះៗ អាចនិយាយនឹងមនុស្សគ្រប់គ្នាបាន។ “ចេះភាសាវៀតណាម ជួយឲ្យខ្ញុំបង្កើតបានបរិយាកាសសប្បាយរីករាយ ជិតស្និទ្ធ នឹងអ្នកជំងឺ បង្កប្រតិកម្មល្អសម្រាប់អ្នកព្យាបាលជំងឺ” - លោក Iizuka Kazuhiro ឲ្យដឹងយ៉ាងនេះ។