• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាមវាយតំលៃខ្ពស់ចំពោះការចូលរួមចំណែករបស់ស្ថានបេសកកម្ម UNAMID

ថ្ងៃទី ២៧ ខែកក្កដាក្រុមប្រឹក្សាសន្តិសុខអង្គការសហប្រជាជាតិ បានបើកកិច្ចប្រជុំ ដើម្បីស្តាប់របាយការណ៍ស្តីពីដំណើការដកកងកម្លាំងរបស់បេសកកម្មចម្រុះអង្គការសហប្រជាជាតិ-សហភាព អហ្រ្វិកប្រចាំនៅ Darfur នៃប្រទេសស៊ូដង់ (UNAMID)។
 

ទាហាន UNAMID ដើរល្បាតនៅ Darfur ប្រទេសស៊ូដង់ (រូបថតឯកសារ៖ AFP/TTXVN)


នៅក្នុងកិច្ចប្រជុំនេះ អនុប្រធានបេសកកម្មអចិន្ត្រៃយ៍វៀតណាមប្រចាំនៅ អ.ស.ប Nguyen Phuong Tra បានវាយតម្លៃខ្ពស់ចំពោះការរួមចំណែករបស់ UNAMID ក្នុងការធានាសន្តិសុខនិងការពារជនស៊ីវិលនៅតំបន់ Darfur ចាប់តាំងពីបេសកម្មត្រូវបានបង្កើតឡើងអស់រយៈពេល ១៤ ឆ្នាំកន្លងមក ដោយចាត់ទុកថា បេសកកម្មនេះជាគំរូនៃកិច្ចសហប្រតិបត្តិការរវាងអង្គការសហប្រជាជាតិនិងអង្គការក្នុងតំបន់ ក្នុងការថែរក្សាសន្តិភាពនិងសន្តិសុខអន្តរជាតិ។ តំណាងវៀតណាមបានស្វាគមន៍ចំពោះការពិតដែលថា UNAMID បានបញ្ចប់ការដកកម្លាំងចេញទាន់ពេលវេលា មានរបៀបរៀបរយនិងមានសុវត្ថិភាព ស្របតាមសេចក្តីសម្រេចចិត្ត លេខ ២៥៥៩ របស់ក្រុមប្រឹក្សាសន្តិសុខ ព្រមទាំងបានសង្កត់ធ្ងន់លើសារសំខាន់នៃការបន្តធានាសន្តិសុខនិងសុវត្ថិភាពសម្រាប់បេសកម្មក៏ដូចជាការប្រើប្រាស់គ្រឿងបរិក្ខារ ដែលបានប្រគល់សម្រាប់គោលបំណងស៊ីវិល។

តំណាងវៀតណាមក៏បានស្វាគមន៍ចំពោះវឌ្ឍនភាពវិជ្ជមាននៃដំណើរការអន្តរកាល នៅក្នុងប្រទេសស៊ូដង់ក្នុងរយៈពេលប៉ុន្មានឆ្នាំថ្មីៗនេះ ហើយបានទទួលស្គាល់ថាស្ថានភាពនៅស៊ូដង់និយាយរួមនិង Dafur និយាយដោយឡែក នៅតែមានបញ្ហាប្រឈមជាច្រើន ដូចជាអំពើហឹង្សារវាងបណ្តាសហគមន៍ គ្រោះមហន្តរាយធម្មជាតិនិងផលប៉ះពាល់ពីជំងឺរាតត្បាតកូវីដ ១៩។ វៀតណាមសង្ឃឹមថា លេខាធិការដ្ឋាន អ.ស.ប និង UNAMID អាចចែករំលែកមេរៀនបទពិសោធន៍ ដើម្បីជួយ UNITAMS អនុវត្តប្រកបដោយជោគជ័យនូវបេសកកម្មរបស់ខ្លួននៅស៊ូដង់នាពេលខាងមុខ៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

ការទូតបន្តរួមដំណើរ និងរួមចំណែកក្នុងការអភិវឌ្ឍសេដ្ឋកិច្ចសង្គមរបស់ប្រទេសជាតិ

ការទូតបន្តរួមដំណើរ និងរួមចំណែកក្នុងការអភិវឌ្ឍសេដ្ឋកិច្ចសង្គមរបស់ប្រទេសជាតិ

បន្តរបៀបវារៈនៃសម័យប្រជុំលើកទី៣១ នៃគណៈកម្មាធិការអចិន្ត្រៃយ៍រដ្ឋសភា នារសៀលថ្ងៃទី១៨ ខែមីនា រដ្ឋមន្ត្រីក្រសួងការបរទេសវៀតណាមលោក Bui Thanh Son បានឆ្លើយសំណួរដេញដោលជាច្រើនរបស់សមាជិករដ្ឋសភា។ នេះជាលើកទីមួយដែលវិស័យការទូតត្រូវបានជ្រើសរើសសម្រាប់ការសួរដេញដោល។

Top