វៀតណាមនិងហ្វាំងឡង់ពង្រឹងកិច្ចសហប្រតិបត្តិការលើគ្រប់វិស័យ
នាថ្ងៃទី១៩ ខែតុលា ឆ្នាំ២០១៧ អនុប្រធានរដ្ឋវៀតណាម លោកស្រី Dang Thi Ngoc Thinh បានបញ្ចប់ដំណើរទស្សនកិច្ចជាផ្លូវការនៅហ្វាំងឡង់។ ក្នុងក្របខ័ណ្ឌនៃដំណើរទស្សនកិច្ច ដែលប្រព្រឹត្តិទៅចាប់ពីថ្ងៃទី១៦ ដល់ថ្ងៃទី១៩ ខែតុលា លោកស្រី Dang Thi Ngoc Thinh មានជំនួបសន្ទនាជាមួយថ្នាក់ដឹកនាំក្រសួង ស្ថាប័ន និងសហគ្រាស ហ្វាំងឡង់មួយចំនួន។ នៅក្នុងជំនួបសន្ទនាជាមួយរដ្ឋមន្ត្រី ក្រសួងពាណិជ្ជកម្មបរទេស និងអភិវឌ្ឍន៍ហ្វាំងឡង់ លោក Kai Mykkanen នោះ លោកស្រីអនុប្រធានរដ្ឋបានឲ្យដឹងថា រដ្ឋាភិបាលវៀតណាមកំពុងជំរុញការរៀបចំរចនាសម្ព័ន្ធឡើងវិញខឿនសេដ្ឋកិច្ច ធ្វើភាគហ៊ុនភាវូបនីយកម្មសហគ្រាសរដ្ឋ និងជំរុញការតភ្ជាប់សេដ្ឋកិច្ចតាមរយៈកិច្ចព្រមព្រៀងពាណិជ្ជកម្មសេរីទ្វេភាគី និងពហុភាគី។ រីឯខ្លូនវិញ លោក Kai Mykkanen បានឲ្យដឹងថា នាពេលខាងមុខ ហ្វាំងឡង់ផ្ដល់អាទិភាពសហប្រតិបត្តិការ ជាមួយវៀតណាម លើវិស័យសេដ្ឋកិច្ច - ពាណិជ្ជកម្ម។ ដូច្នេះ លោកបានស្នើឲ្យវៀតណាមបន្តបង្កលក្ខណៈងាយស្រួល សម្រាប់សហគ្រាស ហ្វាំងឡង់វិនិយោគ ផ្ទេរប្រគល់បច្ចេកវិទ្យា និងធ្វើអាជីវកម្មយូរអង្វែងនៅវៀតណាម ជាពិសេសលើវិស័យដែលមានប្រៀបខ្លាំងរបស់ហ្វាំងឡង់ដូចជា៖ បច្ចេកវិទ្យាអនាម័យ បច្ចេកវិទ្យា ព័ត៌មាន ប្រព័ន្ធផ្សព្វផ្សាយ គ្រប់គ្រងទឹក និងកសិកម្មជាដើម។
នៅក្នុងជំនួបសន្ទនាជាមួយរដ្ឋមន្ត្រីក្រសួងអប់រំ និងវប្បធម៌ លោកស្រី Sanni Grahn-Laasonen នោះ លោកស្រី Dang Thi Ngoc Thinh មានបំណងថានាពេលខាងមុខ ភាគីទាំងពីរនឹងមានកិច្ចសហប្រតិបត្តិការជាច្រើនថែមទៀត ហើយស្នើឲ្យហ្វាំងឡង់បង្កើនអាហារូបករណ៍សំរាប់និស្សិតវៀតណាមផងដែរ៕
តាម VOV5 - វិទ្យុសម្លេងវៀតណាម