វៀតណាមជាដៃគូមួយក្នុងចំណោមដៃគួរឲ្យទុកចិត្តរបស់ជប៉ុន
វៀតណាមជាដៃគូមួយក្នុងចំណោមដៃគួរឲ្យទុកចិត្តរបស់ជប៉ុន នេះគឺជាការអះអាងមួយ របស់ឯកអគ្គរដ្ឋទូតជប៉ុនប្រចាំនៅវៀតណាម លោក Umeda Kunio ក្នុងបទសម្ភាសជាមួយអ្នកយកព័ត៌មាន នៃទីភ្នាក់ងារសារព័ត៌មានវៀតណាម អំពីទំនាក់ទំនងសហប្រតិបត្តិការមិត្តភាពរវាង វៀតណាមនិងជប៉ុន ក្នុងឱកាសប្រធានរដ្ឋវៀតណាម លោក Tran Dai Quang និង ភរិយាអញ្ជើញទៅបំពេញទស្សនកិច្ច ថ្នាក់រដ្ឋនៅជប៉ុនចាប់ពីថ្ងៃទី ២៩ ឧសភា ដល់ ថ្ងៃទី២ ខែមិថុនា ឆ្នាំ២០១៨។
លោក Umeda Kunio បានបញ្ជាក់ច្បាស់ថា ដំណើរបំពេញទស្សនកិច្ច ថ្នាក់រដ្ឋរបស់ លោក Tran Dai Quang និង ភរិយា លើកនេះចាត់ទុកជាព្រឹត្តិការណ៍ដ៏សែនសំខាន់បំផុត។ ក្នុងវិស័យនយោបាយនិង សន្តិសុខ កិច្ចសហប្រតិបត្តិការលើវិស័យសន្តិសុខសមុទ្រកំពុងត្រូវ បានពង្រឹងនិងពង្រីក ហើយវៀតណាម នឹងបាននឹងកំពុងគាំទ្រ ចំពោះ”យុទ្ធសាស្រ្តមហាសមុទ្រ ឥណ្ឌា-ប៉ាស៊ីហ្វិក ដោយសេរីភាព និងបើកទូលាយ” ដែលជប៉ុនកំពុងអនុវត្តផងដែរ។ ក្នុងវិស័យសេដ្ឋកិច្ច សន្និសីទវិនិយោគដ៏ធំមួយនឹងប្រព្រឹត្តទៅនៅទី ក្រុងតូក្យូ (ជប៉ុន) ដោយមានការអញ្ជើញ ចូលរួម របស់ លោក Tran Dai Quang រួមទាំងសហគ្រាសជប៉ុននិងវៀតណាម ជាច្រើនទៀតផង។ ក្នុងសន្និសីទនេះ មានគម្រោងសេដ្ឋកិច្ច កិច្ចសហប្រតិបត្តិការសេដ្ឋកិច្ចជាច្រើន ពិសេសគឺ គម្រោង សហប្រតិបត្តការវិនិយោគ រវាងប្រទេសទាំងពីរនឹងត្រូវបានប្រកាសផងដែរ៕
តាម VOV5 - វិទ្យុសំឡេងវៀតណាម