ចំពោះស្នាដៃចម្លាក់និងគំនូរវិចិត្រទាំង៣០ ដែលមានខ្នាតធំ តាំងពិព័រណ៍សិល្បៈសហសម័យវៀតណាម Filters បានគូសបញ្ជាក់នូវភាពជោគជ័យក្នុងដំណើរនិពន្ធ ក៏ដូចជាស្នាដៃទើបនិពន្ធថ្មីៗនៅឆ្នាំ២០១៥ របស់សិល្បករល្បីឈ្មោះទាំងបីនាក់ គឺអ្នកចម្លាក់ប៊ុយហាយសើន វិចិត្រករ ង្វៀនក្វាងវិញ និងវិចិត្រករឡេកិញតាយ។ សិល្បករទាំងបីនាក់ សុទ្ធតែបានមហាជនដែលស្រឡាញ់រាប់អានសិល្បៈ ក្នុងស្រុកនិងបរទេសទទួលស្គាល់។ ស្នាដៃទាំងអស់របស់ពួកគាត់ ដែលបានតាំងបង្ហាញក្នុងតាំងពិព័រណ៍ សុទ្ធតែមានការរួចចាកផុត ពីភាពគាបសង្កត់នៃសោភណ្ឌនិយម ដើម្បីសម្របខ្លួនក្នុងចលនា និន្នាកាលទទួលយកសិល្បៈថ្មីៗ និងកញ្ចក់ជីវទស្សនៈ របស់ពិភពខាងក្នុងដោយឡែករបស់មនុស្សម្នាក់ៗ។ ការពិតសិល្បករនីមួយៗបានរកឃើញសិល្បៈ ដោយវិថីវិសេសរបស់ខ្លួន។ នោះគឺវិថីកែច្នៃមានលក្ខណៈអត្តានិយមជាក់ស្តែង ចលនារួមនឹងអារម្មណ៍ស្មារតីសង្គមនិងសម័យកាល។
ពីឆ្វេងទៅ៖ វិចិត្រករ ង្វៀនក្វាងវិញ អ្នកចម្លាក់ ប៊ុយហាយសើន និងវិចិត្រករ ឡេកិញហាយ
ក្នុងពិធីប្រជុំកាសែតតាំងពិព័រណ៍។
វិចិត្រករ ង្វៀនក្វាងវិញ ថតរូបធ្វើអនុស្សាវរីយ៍ជាមួយភ្ញៀវមកទស្សនាក្នុងតាំងពិព័រណ៍។
ភ្ញៀវទេសចរណ៍បរទេសមកទស្សនាតាំងពិព័រណ៍វៀតណាមFilters។
ជ្រុងមួយនៃបរិយាកាសតាំងពិព័រណ៍សិល្បៈសហសម័យវៀតណាមFiltersនៅក្នុងGEM Center។
ស្នាដៃគំនូរខ្នាតធំមួយ បង្កចាប់អារម្មណ៍ខ្លាំងចំពោះអ្នកទស្សនា។
សព្វថ្ងៃអ្នកចម្លាក់ ប៊ុយហាយសើនជាគ្រូបង្រៀន ក្នុងមហាវិទ្យាល័យស្ថាបត្យកម្ម ទីក្រុងហូជីមិញ លោកធ្លាប់ចូលរួមតាំងពិព័រណ៍និងបោះជំរុំច្នៃប្រឌិតចម្លាក់នៅវៀតណាមនិងអន្តរជាតិ។ ស្នាដៃរបស់លោក គឺយកអារម្មណ៍ពីរូបរាងនិងរចនាសម្ព័ន្ធពីប្រភពជីវភាពរស់នៅជាបុគ្គលិកកម្ម ដើម្បីផ្សាយក្តីបំណងប្រាថ្នាឲ្យភាពសម្របទូទៅរវាងមនុស្សនិងធម្មជាតិ។ ស្នាដៃសិល្បៈរបស់ ប៊ុយហាយសើន ល្បីឈ្មោះក្រោមប្រធានបទ៖ “ប្រភព”។ លោកឲ្យដឹងថា ប្រធានបទដែលមានរូបភាពគ្រាប់ស្រូវ ជាលក្ខណៈពិសេសប្រចាំតំបន់បរិយាកាសជីវភាពរស់នៅ ក្នុងភូមិស្រុករបស់លោក។ ក្រោមប្រធានបទ “ប្រភព” បង្ហាញឡើងវិញនូវសម្រស់ដ៏ស្រស់ស្អាត នៃការពលកម្ម ចាប់ពីការបណ្តុះពន្លក ពន្លកលូតលាស់ក្លាយជាដើមស្រូវ ហើយចេញផ្កា បង្កើតគ្រាប់ នាំភាពរស់រវើកពីខាងក្នុង។ល។
ចំពោះវិចិត្រករង្វៀនក្វាងវិញ សមុទ្រ វត្ថុអចលនា ក៏ដូចជាប្រធានបទផ្សេងៗ ជាវត្ថុកម្មសម្រាប់លោកសម្តែងនៅអារម្មណ៍រំភើបក្នុងចិត្ត ចេញពីក្រអៅបេះដូង។ សមុទ្រតែងគ្រប់ដណ្តប់និងបន្ទោលតាមជីវភាពរស់នៅរបស់មនុស្សជាតិ។ ប្រការនោះកាន់តែរំលេចជាក់ស្តែង នូវលើគំនូររបស់លោកង្វៀនក្វាងវិញ ទោះបីគំនូររបស់លោក តែងអវត្តមានរូបរាងមនុស្សម្នាក់ពិតប្រាកដ។ សមុទ្រនិង "ត្រឡប់មក” នៅជាភាពស្មុគស្មាញនៃព្រលឹងនិងវណ្ណៈមនុស្ស នៅចំពោះមុខធម្មជាតិ ភាពអស្ចារ្យ កាចសាហាវ ហើយក៏មានពេលស្ងប់រម្ងាប់ជាធម្មតាវិញ។
ស្នាដៃ “Wild rice” របស់អ្នកចម្លាក់ ប៊ុយហាយសើន។
ស្នាដៃ “Originarium” របស់អ្នកចម្លាក់ ប៊ុយហាយសើន។
ស្នាដៃ “Horizontal movement” របស់អ្នកចម្លាក់ ប៊ុយហាយសើន។
ស្នាដៃ “Seed” របស់អ្នកចម្លាក់ ប៊ុយហាយសើន។
ស្នាដៃ “River Islet” របស់អ្នកចម្លាក់ ប៊ុយហាយសើន។
ស្នាដៃ “Section 1” របស់អ្នកចម្លាក់ ប៊ុយហាយសើន។
ស្នាដៃ “Pre-eagle” របស់វិចិត្រករ ឡេកិញតាយ។
ស្នាដៃ “Citizem”របស់វិចិត្រករ ឡេកិញតាយ។
ស្នាដៃ Realization”របស់វិចិត្រករ ឡេកិញតាយ។
ស្នាដៃ “Wave IV” របស់វិចិត្រករ ង្វៀនក្វាងវិញ។
ស្នាដៃ “Wave I” របស់វិចិត្រករ ង្វៀនក្វាងវិញ។
ស្នាដៃ “Remembrance II” របស់វិចិត្រករ ង្វៀនក្វាងវិញ។
ស្នាដៃ “The Return” របស់វិចិត្រករ ង្វៀនក្វាងវិញ។
បានមជ្ឈដ្ឋានទិតៀនក្នុងប្រទេស និងទីផ្សារអន្តរជាតិទទួលស្គាល់ តាំងពីយូរវិចិត្រករឡេកិញតាយ ជាវិចិត្រករម្នាក់ក្នុងចំណោមវិចិត្រករគំរូ នៃជំនាន់វិចិត្រករសហសម័យវៀតណាម បានជោគជ័យ។ ស្នាដៃរបស់លោកមានកម្លាំងរឹងមាំ ឆ្មើងឆ្មៃ តែកក់ក្តៅនិងជិតស្និទ្ធ ក្នុងរបៀបផ្សាយជំនោលចិត្តខ្លឹមសារ “កូន” និង "មនុស្ស” ក្នុងចង្វាក់រស់នៅនៃសម័យទំនើប។ ឡេកិញហាយ បង្ហាញភាពចលនានៃបរិយាកាស សង្គមនិងសម័យកាល ឆ្លងកាត់តាមរយៈរូបគំនូរដោយមានពណ៌សម្បូរបែបពុះកញ្រ្ជោលរំលេចចេញ ស្នាមគំនូសរឹងមាំ មិនទឺះទ័ល បណ្តាគំនិតឆ្មើងឆ្មៃក៏ផុសអណ្តែតឡើង។ ស្នាដៃដែលបានតាំងបង្ហាញក្នុងតាំងពិព័រណ៍សិល្បៈសហសម័យវៀតណាម Filters របស់វិចិត្រករឡេកិញតាយ ជាស្នាដៃសំខាន់ក្នុងបុព្វហេតុហើយជាស្នាដៃទើបនិពន្ធថ្មីៗ “ឆ្លុះបញ្ចាំង” ចក្ខុវិស័យរបស់លោក ស្តីពីជីវភាពរស់នៅនិងការតស៊ូបន្តដេញតាមសុភមង្គល។
មកដល់តាំងពិព័រណ៍សិល្បៈសហសម័យវៀតណាម Filters មហាជនដូចជាត្រូវបោះជំហានឈានចូលពិភពសិល្បៈ ក្នុងបរិយាកាសតាំងពិព័រណ៍សម័យទំនើបមួយ។ ឆ្លងតាមរយៈនោះ អាចចែករំលែកចំណងចំណូលចិត្តនិងក្រេបយកសិល្បៈដោយភាពញ័ររំជួល។ តាំងពិព័រណ៍ដោយ UrbanArt បានរៀបចំស្ថិតក្នុងគម្រោងការឆ្ពោះទៅគោលដៅឧទ្ទេសនាម ទេពកោសល្យរបស់សិល្បៈសហសម័យវៀតណាម ដល់សហគមន៍អ្នកស្រឡាញ់សិល្បៈក្នុងស្រុកនិងពិភពលោក។ ពិសេសជាលើដំបូងនៅវៀតណាម ការចូលរួមតាំងពិព័រណ៍សិល្បៈមួយ មហាជនត្រូវទិញសំបុត្រ ទុកដូចជាការគោរពមួយចំពោះតម្លៃនៃស្នាដៃ និងទឹកចិត្តច្នៃប្រឌិតនៃអ្នកសិល្បៈ។ បានដឹង ប្រាក់ចំណូលទាំងអស់ពីការលក់សំបុត្រ គណៈកម្មការរៀបចំតាំងពិព័រណ៍សហសម័យវៀតណាម Filters នឹងឧបត្ថម្ភឲ្យប្អូនៗដែលមានស្ថានភាពក្រលំបាក៕
អត្ថបទ៖ ង្វៀនវូថាញដាត រូបថត៖ ង្វៀនឡឹន
