ស្រុកត្រាងប៉ម (Trang Bom) សព្វថ្ងៃបង្កើតបាន១៧ក្លឹប និង ក្រុមសហការដាំដំណាំកាកាវ ដោយមានសមាជិកចូលរួមចំនួន៤២៦នាក់។ ចលនាដាំចម្រុះដំណាំកាកាវរីកចម្រើនខ្លាំង ពេលដែលក្រុមគ្រួសារកសិករទាំងឡាយនេះ បានការយកចិត្តទុកដាក់ពីមជ្ឈមណ្ឌលជម្រុញកសិកម្ម ខេត្តដុងណាយ (Dong Nai) ក៏ដូចជាស្ថានីយ៍ជម្រុញកសិកម្មស្រុកត្រាងប៉ម (Trang Bom) ទីនេះបានជួយឧបត្ថម្ភកូនពូជ សម្ភារៈ និងបច្ចេកទេស សម្រាប់ក្រុមគ្រួសារកសិករធ្វើវប្បកម្ម ជាពិសេសកម្មវិធីឧបត្ថម្ភកម្ចីដើមទុន២៥លានដុងក្នុងមួយគ្រួសារ។ ក្រៅពីនោះ តម្លៃកាកាវបន្តកើនឡើងក្នុងអំឡុងរយៈពេលថ្មីៗនេះ នេះក៏ជាមូលហេតុដែលទាក់ទាញប្រជាកសិករវិនិយោគដាំ និង បើកទូលាយផ្ទៃដី។
តាមលោក ង្វៀនវៀតថេ (Nguyen Viet The) ប្រធានស្ថានីយ៍ជម្រុញកសិកម្មស្រុកត្រាងប៉ម (Trang Bom) ទម្រង់រូបភាពវប្បកម្មដំណាំកាកាវនៅទីនេះ បានអនុវត្តជាច្រើនឆ្នាំមក ហើយក៏រីកចម្រើនយ៉ាងឆាប់រហ័សប្រហែលបួនឆ្នាំមកនេះ។ ជាមួយប្រៀបខ្លាំងរបស់ប្រភេទដំណាំនេះ គឺឲ្យប្រមូលផលពេញមួយឆ្នាំ ទាញយកផ្ទៃដីដើម្បីធ្វើវប្បកម្មដាំចម្រុះជាមួយដំណាំផ្សេងៗ ពីព្រោះកម្រិតលូតលាស់ល្អ ក្នុងលក្ខណៈរបាំងក្រោមម្លប់។
ក្នុងលក្ខណៈដីធ្លី អាកាសធាតុសមស្រប ផ្ទៃដីដំណាំកាកាវនៅលើភូមិសាស្រ្តស្រុកត្រាងប៉ម (Trang Bom) មកដល់សព្វថ្ងៃឡើងដល់៧៩ហិកតា។ ជាពិសេស ប្រភេទដំណាំកាកាវ មានលក្ខណៈកាន់តែចាស់ឆ្នាំ គឺផ្តល់ទិន្នផលកាន់តែខ្ពស់។ នេះពិតជា ប្រការសកម្មមួយ សម្រាប់ក្រុមគ្រួសារប្រជាកសិករនៅស្រុកត្រាងប៉ម (Trang Bom) អត់ធ្មត់ជាមួយប្រភេទដំណាំនេះ ហើយបានចាត់ទុកវប្បកម្មដាំចម្រុះដំណាំកាកាវ ជាទម្រង់រូបភាពសេដ្ឋកិច្ចស្ថេរភាពមួយ។
 ដាក់ជីអ៊ូយរ៉េជុំវិញគល់កាកាវ។  បានដាំតាមការណែនាំបច្ចេកទេស របស់មជ្ឈមណ្ឌលជម្រុញកសិកម្មត្រាងប៉ម (Trang Bom) ដំណាំកាកាវសព្វថ្ងៃ ផ្តល់ទិន្នផលនិងគុណភាពល្អណាស់។  ដំណាំកាកាវអាចដាំចម្រុះ ជាមួយប្រភេទដំណាំផ្សេងៗនៅលើផ្ទៃដីវប្បកម្មតែមួយ។  ផ្លែកាកាវចេញផ្លែតាមដើមនិងគល់តែប៉ុណ្ណោះ។  ដំណាំកាកាវលូតលាស់និងរីកចម្រើនល្អ ផ្តល់ទិន្នផលផ្លែស្រស់យ៉ាងខ្ពស់ សម្រេច៣០តោនក្នុងមួយហិកតា។  ប្រមូលផលផ្លែកាកាវនៅគ្រួសារមួយក្នុងស្រុកត្រាងប៉ម (Trang Bom)។  ផ្លែកាកាវបានប្រមូលផល មានពណ៌សម្បុរផ្សេងពីគ្នា ដោយសារអនុវត្តបច្ចេកទេសបន្សាំ។  គ្រាប់កាកាវក្នុងផ្លែក្រោយពីប្រមូលផល។  មធ្យមគ្រាប់កាកាវមិនទាន់បានច្នៃ មានតម្លៃពី២៦ពាន់ដុងក្នុងមួយគីឡូក្រាមឡើងទៅ។  គ្រាប់កាកាវប្រមូលផល បានសម្ងួតដោយម៉ាស៊ីន ហើយប្រើប្រាស់ធ្វើជាវត្ថុធាតុផលិត chocolate។  ផលិត chocolate ពីវត្ថុធាតុកាកាវដែលប្រមូលផលនៅតាមតំបន់ក្នុងប្រទេសវៀតណាមដូចជា ត្រាងប៉ម (Trang Bom) របស់ក្រុមហ៊ុន Marou Faiseurs de Chocolat នៅខណ្ឌធូឌឹក (Thu Duc) ទីក្រុងហូជីមិញ។ |
កត្តាមួយក្នុងចំណោមកត្តាដ៏សំខាន់ ដែលធ្វើឲ្យទម្រង់រូបភាពដាំចម្រុះដំណាំកាកាវ បានបើកទូលាយយ៉ាងឆាប់រហ័ស ដោយសារប្រភពនាំចេញបានធានា ជួយបងប្អូនប្រជាកសិករលំនឹងចិត្តវប្បកម្ម។ ភាគច្រើនផ្លែកាកាវ ក្រោយពីប្រមូលផលសុទ្ធតែបានលក់ផ្លែស្រស់ទៅឲ្យក្រុមហ៊ុនកាកាវត្រុងឌឹក (Trong Duc) (ស្រុកឌិញក្វាង - Dinh Quan, ខេត្តដុងណាយ - Dong Nai) និងក្រុមហ៊ុនចំកាត់វិនិយោគអភិវឌ្ឍន៍កសិកម្ម ង្វៀនឡុក (Nguyen Loc) (ទីរួមស្រុកឡុងខាញ - Long Khanh, ខេត្តដុងណាយ - Dong Nai)។ នេះគឺជាសហគ្រាសកក់ទំនិញទិញ ពីកន្លែងប្រមូលទិញនៅនឹងកន្លែងក្លឹប ក្រុមសហការ ដើម្បីភាពងាយស្រួលដល់ការប្រមូលយកកាកាវស្រស់ មកច្នៃជាលើដំបូងហើយនាំចេញ។
ទើបតែប្រមូលផលជាលើទីពីរ ប៉ុន្តែកាកាវ៦០០ដើម ដែលដាំចម្រុះជាមួយប្រភេទដំណាំឈើហូបផ្លែផ្សេងៗ នៅលើផ្ទៃដីមួយហិកតា របស់គ្រួសារបងហ្វិញហាយ Huynh Hai (ភូមិលេខបី ឃុំស៊ុងចូវ - Song Trau) ប្រមូលផលបានចំនួន១០តោនក្នុងមួយឆ្នាំ ហើយគ្រោងទុកទិន្នផលនឹងកើនឡើងក្នុងប៉ុន្មានឆ្នាំទៅមុខ។ រីឯទម្រង់រូបភាពដំណាំកាកាវ របស់លោកផាមវ៉ាន់ឡឹប (Pham Van Lap) (ភូមិអានប៊ិញ - An Binh, ឃុំត្រុងហ្វ័រ - Trung Hoa) បែរជានាំមកទន្និផលច្រើនអនេក។ ដោយសារការឧបត្ថម្ភពីកូនពូជ សម្ភារៈ បច្ចេកទេស កសាងទម្រង់រូបភាពវប្បកម្មចម្រុះដំណាំកាកាវ នៅលើផ្ទៃដី០,៣ហិកតា របស់មូលដ្ឋាន លោកឡឹប (Lap) មានទំនុកចិត្តវិនិយោគបន្ថែម១,១ហិកតាទៀត។ លទ្ធផលប្រមូលផលសម្រេចបានលើសពីការស្មាន ក្រោយបួនឆ្នាំដាំ និងថែទាំ សព្វថ្ងៃចម្ការកាកាវដាំចម្រុះជាមួយដើមស្វាយចន្ទី របស់លោកតាឡឹបលូតលាស់រីកចម្រើន ហើយ ផ្តល់ទិន្នផលផ្លែស្រស់យ៉ាងខ្ពស់ សម្រេច៣០តោនក្នុងមួយហិកាត។ ជាមួយតម្លៃ៦ពាន់ដុងក្នុងមួយគីឡូក្រាមផ្លែស្រស់ បានក្រុមហ៊ុនកាកាវត្រុងឌឹក (Trong Duc) សន្យាប្រមូលទិញ ជារៀងរាល់ឆ្នាំគ្រួសារលោកតាប្រមូលបានប្រាក់ចំណេញប្រហែល១៥៥លានដុង ក្រោយពីទូទាត់ប្រាក់ចំណាយផលិតកម្ម។ បន្ថែមទាំងប្រភពចំណូលពីដើមស្វាយចន្ទី ប្រសិទ្ធភាពសេដ្ឋកិច្ចលើផ្ទៃដីវប្បកម្មចម្រុះតែមួយ បាននាំមកជូនគ្រួសារលោកនូវជីវភាពលំនឹង ដោយសារការអនុវត្តទម្រង់រូបភាពវប្បកម្មចម្រុះដំណាំកាកាវ។
សព្វថ្ងៃមជ្ឈមណ្ឌលជម្រុញកសិកម្មខេត្តដុងណាយ (Dong Nai) បានរៀបចំហ្វឺកហាត់៧០ថ្នាក់ណែនាំបច្ចេកទេស បន្ទប់ព្យាបាលជម្ងឺលើដំណាំកាកាវ ជូនកសិករមកចូលរួមជាង២៨០០នាក់។ ក្រៅពីនេះ សិក្ខាសាលាជាច្រើនក្នុងទម្រង់រូបភាពគំរូពីការដាំនិងថែទាំ ប្រមូលផលកាកាវ ក៏ទាក់ទាញកសិករមកចូលរួមចំនួន៦០០លើកដែរ ចាត់តាំង១២លើកទៅទស្សនាទម្រង់រូបភាពជឿនលឿនទាំងឡាយ នៅក្នុងនិងក្រៅខេត្ត ជួយបងប្អូនប្រជាកសិករមានឱកាសសិក្សារៀនសូត្រ សន្សំបទពិសោធន៍ពីបទដ្ឋានវប្បកម្មដំណាំកាកាវ។ ដើម្បីជំនួយកសិករដាំដំណាំកាកាវមានប្រសិទ្ធភាព កន្លងហើយ ផ្នែកកសិកម្មខេត្តដុងណាយ (Dong Nai) ក៏បានចងក្រងឯកសារ ”បទដ្ឋានដាំ ថែទាំដំណាំកាកាវដាំចម្រុះ ជាមួយដើមស្វាយចន្ទី និង ដើមរុក្ខកម្ម” បានសម្រេច សម្រាប់ផ្តល់ជូនប្រជាកសិករអនុវត្តរាប់ពាន់ក្បាល៕
អត្ថបទ៖ ង្វៀនវូថាញដាត រូបថត៖ ថុងហាយ
