លោកស្រីឯកអគ្គរដ្ឋទូត Hasanthi Urugodawatte Dissanayake៖ អ្នកជំរុញ “ស្ពានត” មិត្តភាពវៀតណាម - ស្រីលង្ការ
ថ្មីនេះ លោកនាយករដ្ឋមន្រ្តីស្រីលង្ការ Ranil Wickremesinghe បានអញ្ជើញមកបំពេញទស្សនកិច្ចជាផ្លូវការនៅវៀតណាម ហើយអញ្ជើញចូលរួមសន្និសីទ WEF ASEAN ២០១៨។ ក្នុងក្របខណ្ឌបំពេញទស្សនកិច្ច លោកនាយករដ្ឋមន្រ្តី ង្វៀនស្វឹនភុក (Nguyen Xuan Phuc) បានជំនួបពិភាក្សានឹងលោកនាយករដ្ឋមន្រ្តី Ranil Wickremesinghe។ លោកស្រីឯកអគ្គរដ្ឋទូត Hasanthi Urugodawatte Dissanayake ជាសមាជិកម្នាក់ក្នុងចំណោមសមាជិកអមដំណើរ លោកនាយករដ្ឋមន្រ្តី Ranil Wickremesinghe ក្នុងដំណើរបំពេញទស្សនកិច្ចនេះ។
ជំនួបយើងខ្ញុំនៅផ្ទះរបស់គាត់ លោកស្រីឯកអគ្គរដ្ឋទូត Hasanthi Urugodawatte Dissanayake រីករាយចែករំលែកសមទ្ធិផលថ្មី ក្នុងការរីកចម្រើនទំនាក់ទំនងទ្វេភាគី រវាងស្រីលង្ការនិងវៀតណាម។ លោកស្រីឯកអគ្គរដ្ឋទូតឲ្យដឹងថា ប្រទេសទាំងពីរមានសក្តានុពលអភិវឌ្ឍន៍សហប្រតិបត្តិការ ក្នុងវិស័យសេដ្ឋកិច្ច ពាណិជ្ជកម្ម ទេសចរណ៍ និងវិនិយោគ។ ការធ្វើអាជីវកម្មអតិបរមានូវសក្តានុពលសហប្រតិបត្តិការ ជាភារកិច្ចមួយក្នុងចំណោមភារកិច្ចជួរមុខ នៃអ្នកការទូត ជាពិសេសគឺគ្រប់ឯកអគ្គរដ្ឋទូត។
លោកស្រីឯកអគ្គរដ្ឋទូត Hasanthi Urugodawatte Dissanayake។
រូបថត៖ វៀតគឿង 
ថ្ងៃទី១១ ខែកញ្ញា នៅទីស្តីការគណៈរដ្ឋមន្រ្តី លោកនាយករដ្ឋមន្រ្តី ង្វៀនស្វឹនភុក (Nguyen Xuan Phuc) បានទទួលជួបលោកនាយករដ្ឋមន្រ្តីស្រីលង្ការ Ranil Wickremesinghe នាឱកាសអញ្ជើញមកវៀតណាមចូលរួមសន្និសីទ WEF ASEAN ចាប់ពីថ្ងៃទី១១ - ១៣ ខែកញ្ញា។ លោកស្រីឯកអគ្គរដ្ឋទូត Hasanthi Urugodawatte Dissanayake (ឈរជួរទីបីរាប់ពីស្តាំទៅឆ្វេង) អមដំណើរលោកនាយករដ្ឋមន្រ្តីស្រីលង្ការក្នុងព្រឹត្តិការណ៍នេះ។ រូបថត៖ ទីភ្នាក់ងារសារព័ត៌មានវៀតណាម
លោកស្រីឯកអគ្គរដ្ឋទូត Hasanthi Urugodawatte Dissanayake រដ្ឋមន្រ្តីក្រសួងវប្បធម៌កីឡានិង
ទេសចរណ៍ រួមនឹងមិត្តភាពអន្តរជាតិក្នុងពិធីបើកទិវាវប្បធម៌ស្រីលង្ការនៅវៀតណាម។ រូបថត៖ ឯកសារ 
លោកស្រីឯកអគ្គរដ្ឋទូត Hasanthi Urugodawatte Dissanayake រួមនឹងមិត្តភក្តិវៀតណាម
និងអន្តរជាតិ ចូលរួមតាំងពិព័រណ៍រូបថតអំពីស្រីលង្ការនៅវៀតណាម។ រូបថត៖ ឯកសារ 
លោកស្រីឯកអគ្គរដ្ឋទូត Hasanthi Urugodawatte Dissanayake ជាមួយពិធីការអុជប្រទីបប្រពៃណី
ជាលក្ខណៈវប្បធម៌ប្រពៃរបស់ស្រីលង្ការ ដោយគោលបំណងចង់បានរាល់ព្រឹត្តិការណ៍ល្អជាការផ្តើមការងារ មួយ នឹងទទួលបានជោគជ័យ។ រូបថត៖ វៀតគឿង 
លោកស្រីឯកអគ្គរដ្ឋទូត Hasanthi Urugodawatte Dissanayake សកម្មចូលរួមសកម្មភាពដើម្បីតភ្ជាប់
វិនិយោគិនវៀតណាម ជាមួយនឹងស្រីលង្ការនិងអន្តរជាតិ។ រូបថត៖ ឯកសារ 
បរិកាសនៅផ្ទះលោកស្រីឯកអគ្គរដ្ឋទូត ជាមួយបន្ទប់រៀបចំជប់លៀងនិងរួមប្រាស្រ័យនឹងអ្នកគ្រប់គ្នា។ រូបថត៖ ឯកសារ
ក្នុងពេលវេលាបំពេញការងារ លោកស្រីឯកអគ្គរដ្ឋទូត Hasanthi Urugodawatte Dissanayake បាន
ចូលរួមរៀបចំព្រឹត្តិការណ៍រួមប្រាស្រ័យជំរុញវិនិយោគជាង១០០លើកនៅវៀតណាម។ រូបថត៖ ឯកសារ 
លោកស្រីឯកអគ្គរដ្ឋទូត Hasanthi Urugodawatte Dissanayake អបអរសាទរក្រុមហ៊ុនទេសចរណ៍
វៀតណាមទាំង៣០ បានអញ្ជើញមកចូលរួមក្រុមអ្នកដំណើរស្រីលង្ការ រៀបចំនៅផ្ទះរបស់លោកស្រីឯកអគ្គ រដ្ឋទូត។ រូបថត៖ វៀតគឿង |
ស្រីលង្ការមានទំនាក់ទំនងសហប្រតិបត្តិការ ជាមួយនឹងវៀតណាម ចាប់ពីឆ្នាំ១៩៧០។ គិតដល់ដាច់ខែសីហា ឆ្នាំ២០១៨ ប្រទេសស្រីលង្ការឈរទី៦៣/១០៤ប្រទេសនិងតំបន់ មានការវិនិយោគនៅវៀតណាម។ លោកស្រីឯកអគ្គរដ្ឋទូតរីករាយឲ្យដឹងថា ពាណិជ្ជកម្មទ្វេភាគីនៃប្រទេសទាំងពីរសុទ្ធតែកើនឡើងក្នុងប៉ុន្មានឆ្នាំថ្មីៗនេះ សម្រេចបាន ៣២០ លានដូល្លាអាមេរិកនៅឆ្នាំ២០១៧។ ស្រីលង្ការក៏សន្យាឧបត្ថម្ភវៀតណាមអំពីបច្ចេកទេសចិញ្ចឹម ឈ្លើងសមុទ្រ សារ៉ាយសមុទ្រ ជលផល ហើយចង់ឲ្យវៀតណាមចែករំលែកបទពិសោធន៍ សហប្រតិបត្តិការឯកទេសក្នុងវិស័យកសិកម្ម។ ប្រទេសទាំងពីរខិតខំប្រឹងប្រែងសម្រេចគោលដៅតម្លៃពាណិជ្ជកម្ម១ពាន់លានដូល្លាអាមេរិក នៅឆ្នាំ២០២០។
លោកស្រីឯកអគ្គរដ្ឋទូតឲ្យដឹងថា ក្រៅពីបញ្ហាសេដ្ឋកិច្ច អាទិភាពមួយក្នុងចំណោមអាទិភាពទាំងអស់របស់លោកស្រី គឺជំរុញសហប្រតិបត្តិការរវាងប្រទេសទាំងពីរក្នុងវិស័យវប្បធម៌និងទេសចរណ៍។ លោកស្រីឯកអគ្គរដ្ឋទូតសង្កត់ធ្ងន់ថា ស្រីលង្ការជាខឿននៃពុទ្ធសាសនា ជាមួយនឹងរម្មណីយដ្ឋានជាច្រើន ទីនេះកំពុងក្លាយជាទីកន្លែងមួយក្នុងចំណោមទីកន្លែងទាក់ទាញភ្ញៀវទេសចរអន្តរជាតិទូទាំងសកលលោក។ លោកស្រីឯកអគ្គរដ្ឋទូតសង្ឃឹមថា ស្រីលង្ការនឹងឆាប់ក្លាយជាទីកន្លែងទៅកាន់ នៃភ្ញៀវទេសចរវៀតណាមដែលចូលចិត្តទេសចរណ៍។
ដើម្បីអនុវត្តគោលបំណងនេះ ស្ថានទូតស្រីលង្ការបានសហប្រតិបត្តិការនឹងការិយាល័យឧស្សាហកម្មវៀតណាម (VCCI) តភ្ជាប់ក្រុមហ៊ុនទេសចរវៀតណាមចំនួន៣០ មករួមប្រាស្រ័យនឹងក្រុមហ៊ុនដៃគូរបស់ស្រីលង្ការ។ “កិច្ចជំនួបបានប្រព្រឹត្តិទៅនៅនឹងបន្ទប់នេះ” - លោកស្រីឯកអគ្គរដ្ឋទូត Hasanthi Urugodawatte ចែករំលែក។ នៅទីនេះ ក្រុមហ៊ុនទេសចរណ៍វៀតណាមនិងស្រីលង្ការសន្យារួមគ្នាព្រួតដៃអាជីវកម្ម ស្ថានីយ៍ទេសចរណ៍លេចធ្លោនៅប្រទេសទាំងពីរ។
ក្នុងពេលវេលាបំពេញការងារ លោកស្រីឯកអគ្គរដ្ឋទូត Hasanthi Urugodawatte Dissanayake បានរៀបចំព្រឹត្តិការណ៍រួមប្រាស្រ័យវប្បធម៌ ជំរុញវិនិយោគជាង១០០លើកនៅវៀតណាម។ ព្រឹត្តិការណ៍មួយក្នុងចំណោមព្រឹត្តិការណ៍ថ្មីបំផុតគឺ “ទិវាវប្បធម៌ស្រីលង្ការនៅវៀតណាម”។ នៅទីនេះ មហាជនហាណូយបានស្គាល់ស្រីលង្ការតាមរយៈរូបគំនូរ តាំងពិព័រណ៍រូបថតអំពីប្រវត្តិទំនាក់ទំនងទ្វេភាគីវៀតណាម - ស្រីលង្ការ ស្វែងយល់អំពីមុខរបរប្រពៃណីតម្បាញ វិចិត្រសិប្បកម្ម ត្បូងគជ់នៃទឹកដីស្រីលង្ការ ក្រេបរសជាតិតែពិសេសនៃប្រទេសអាស៊ីខាងត្បូង។ សកម្មភាពនេះ បានទាក់ទាញជនជាតិវៀតណាមនិងភ្ញៀវអន្តរជាតិរាប់ពាន់នាក់ ចូលមកពិសោធន៍។
លោកស្រីឯកអគ្គរដ្ឋទូត Hasanthi Urugodawatte Dissanayake ជាអ្នកតភ្ជាប់នាំសិល្បករ សិល្បការិនីស្រី
លង្ការ អញ្ជើញមកវៀតណាមសម្តែងក្នុងកម្មវិធីប្រគំតន្រ្តីពិសេស។ រូបថត៖ ឯកសារ 
លោកស្រីឯកអគ្គរដ្ឋទូត Hasanthi Urugodawatte Dissanayake និងអ្នកថតរូប មិត្តភក្តិអន្តរជាតិ
អញ្ជើញមកចូលរួមតាំងពិព័រណ៍រូបថត អំពីស្រីលង្ការនៅវៀតណាម។ រូបថត៖ ឯកសារ 
លោកស្រីឯកអគ្គរដ្ឋទូត Hasanthi Urugodawatte Dissanayake ប្រគល់អំណោយជូនសិល្បករ
សិល្បការិនីថ្លង់ សម្តែងនៅព្រឹត្តិការណ៍ទិវាវប្បធម៌ស្រីលង្ការនៅហាណូយ។ រូបថត៖ ឯកសារ 
លោកស្រីឯកអគ្គរដ្ឋទូត Hasanthi Urugodawatte Dissanayake រួមនឹងមិត្តភក្តិស្រីលង្ការនិងអន្តរជាតិ។ រូបថត៖ ឯកសារ
|
លោកស្រីឯកអគ្គរដ្ឋទូតឲ្យដឹងថា៖ វៀតណាមមានលក្ខណៈសដៀងនឹងស្រីលង្ការ៖ យកចិត្តទុកដាក់លើព្រះពុទ្ធសាសនា ក្នុងអតីតកាលជាប្រទេសមានសង្រ្គាមច្រើន រួមវប្បធម៌នៃមនុស្សអាស៊ីអាគ្នេយ៍។ បច្ចុប្បន្ន ប្រទេសទាំងពីរក៏មានការយកចិត្តទុកដាក់រួម ដើម្បីរួមសហប្រតិបត្តិការនិងអភិវឌ្ឍន៍ក្នុងវិស័យដូចជា៖ ទេសចរណ៍ អាកាសចរណ៍ រួមប្រាស្រ័យប្រជាជន យុវវ័យ វប្បធម៌ពុទ្ធសាសនា។ល។
លោកស្រីឯកអគ្គរដ្ឋទូត Hasanthi Urugodawatte Dissanayake នៅជាអ្នកទេសចរម្នាក់ប្រាកដ។ លោកស្រីធ្វើដំណើរទៅទស្សនារម្មណីយដ្ឋាននៃតំបន់ពាយព្យវៀតណាមដូចជា៖ ខេត្តហាយ៉ាង (Ha Giang) ខេត្តឡាវកាយ (Lao Cai) ខេត្តឡាយចូវ (Lai Chau)។ ចំណាប់អារម្មណ៍ទេសភាពស្អាតនៃរម្មណីយដ្ឋាន វប្បធម៌អ្នកស្រុកដើមកំណើតពិសេស លោកស្រីឯកអគ្គរដ្ឋទូតបានពិភាក្សាផ្តល់យោបល់កក្រុមហ៊ុនទេសចរស្រីលង្ការស្វែងយល់និងអាជីវកម្មទីផ្សារទេសចរណ៍វៀតណាម ទន្ទឹមនោះ ជូយពួកគាត់តភ្ជាប់នឹងដៃគូមូលដ្ឋាន។
លោក Nilmina Nanayakkara អគ្គនាយកក្រុមហ៊ុនទេសចរណ៍ NKAR នៅស្រីលង្ការឲ្យដឹងថា៖ “លោកស្រីឯកអគ្គរដ្ឋទូត បានជួយយើងខ្ញុំនូវព័ត៌មានសម្រាប់ស្វែងយល់ទីផ្សារវៀតណាម។ យើងខ្ញុំកំពុងធ្វើការនឹងដៃគូវៀត ណាម ដើម្បីរួមគ្នាដាក់ចេញផែនការនិងកម្មវិធីទេសចរណ៍សមស្រប់ ដើម្បីឲ្យវៀតណាមអាចទស្សនាឆ្នេរសមុទ្រស្អាត សំណង់ស្ថាបត្យកម្ម រម្មណីយដ្ឋាននិងពិសោធន៍សតិអារម្មណ៍ពុទ្ធសាសនានៅស្រីលង្ការ។ ទន្ទឹមនោះ បង្កើតឱកាសសម្រាប់ភ្ញៀវទេសចរស្រីលង្ការទស្សនារម្មណីយដ្ឋានស្អាតរបស់វៀតណាម។
ការងារដែលយកចិត្តទុកដាក់របស់លោកស្រីឯកអគ្គរដ្ឋទូត Hasanthi Urugodawatte Dissanayake បានរួមចំណែកបង្កើតការផ្លាស់ប្តូរធំអំពីរូបភាពទឹកដីស្រីលង្ការ ក្នុងចិត្តប្រជាជនវៀតណាម បង្កើតខឿនរឹងមាំសម្រាប់ការអភិវឌ្ឍ ជាងនេះទៅទៀតគឺទំនាក់ទំនងវៀតណាម-ស្រីលង្ការ៕
អត្ថបទ៖ ប៊ិចវឹន - រូបថត៖ វៀតគឿង ឯកសារ
