ព័ត៌មាន
លោកស្រី Nguyen Thi Kim Ngan បញ្ចប់ប្រកបដោយជោគជ័យដំណើរទស្សនកិច្ចជាផ្លូវការនៅសាធារណរដ្ឋកាហ្សាក់ស្ថាន
លោកស្រី Nguyen Thi Kim Ngan បញ្ចប់ប្រកប
ដោយជោគជ័យដំណើរទស្សនកិច្ចជាផ្លូវការនៅសាធារណរដ្ឋកាហ្សាក់ស្ថាន
នាព្រឹកថ្ងៃទី១៨ ខែតុលា ឆ្នាំ២០១៧ នៅរដ្ឋធានី Astana (ប្រទេសកាហ្សាក់ស្ថាន) ប្រធានរដ្ឋសភាវៀតណាម លោកស្រី Nguyen Thi Kim Ngan មានជំនួបសន្ទនាជាមួយលេខាទី ១ គណបក្សកុម្មុយនីស្តប្រជាជនកាហ្សាក់ស្ថាន លោក Zhanbyl A. Akhmetbekov។ នៅទីនេះ លោកស្រី Nguyen Thi Kim Ngan បានឲ្យដឹងថា ដំណើរទស្សនកិច្ចជាផ្លូវការនៅកាហ្សាក់ស្ថាន គឺសំដៅរឹតបន្តឹងបន្ថែមនូវចំណងសាមគ្គីភាពរវាងប្រទេសទាំងពីរ។ លោកស្រីបានសម្ដែងក្ដីសប្បាយរីករាយដោយឃើញគណបក្សនយោបាយនៅកាហ្សាក់ស្ថានសុទ្ធតែយកចិត្តទុកដាក់ដល់ការអភិវឌ្ឍន៍ ទំនាក់ទំនងមិត្តភាពជាមួយវៀតណាម។
រីឯខ្លួនវិញ លេខាទី ១ គណបក្សកុម្មុយនីស្តប្រជាជន កាហ្សាក់ស្ថាន លោក Zhanbyl A. Akhmetbekov បានអះអាងថាវៀតណាម ជាមិត្តជិតស្និទ្ធ ហើយកាហ្សាក់ស្ថានជានិច្ចកាលបន្តពង្រឹង និងពង្រីកសមិទ្ធិផលនៃបដិវត្តន៍ខែតុលា និងបន្តគាំទ្រលទ្ធិអន្តរជាតិ បន្ទាប់ពីមានជំនួបសន្ទនាជាមួយថ្នាក់ដឹកនាំបក្សកុម្មុយនីស្តប្រជាជនកាហ្សាក់ស្ថាននោះ លោកស្រី Nguyen Thi Kim Ngan និងគណៈប្រតិភូ ជាន់ខ្ពស់រដ្ឋសភាវៀតណាមបានអញ្ជើញធ្វើមាតុភូមិនិវត្ត បញ្ចប់ប្រកបដោយជោគជ័យដំណើរទស្សនកិច្ចជាផ្លូវការ នៅសាធារណរដ្ឋកាហ្សាក់ស្ថាន៕
តាម VOV5 - វិទ្យុសម្លេងវៀតណាម