• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លោកប្រធានរដ្ឋ Nguyen Xuan Phuc ជួបសន្ទនាជាមួយថ្នាក់ដឹកនាំបណ្ដាប្រទេស ដែលអញ្ជើញចូលរួមកិច្ចពិភាក្សានៃមហាសន្និបាតអង្គការសហប្រជាជាតិ

បន្តកម្មវិធីការងារនៅទីក្រុងញូវយ៉ក សហរដ្ឋអាមេរិក នៅថ្ងៃទី២៣ ខែកញ្ញា តាម ម៉ោងតំបន់ ប្រធានរដ្ឋវៀតណាមលោក Nguyen Xuan Phuc បានអញ្ជើញជួបសន្ទនា ដោយផ្ទាល់ជាមួយប្រមុខរដ្ឋ ថ្នាក់ដឹកនាំនៃប្រទេសមួយចំនួន ហើយជួបសន្ទនាការងារ តាមប្រព័ន្ធវីដេអូជាមួយប្រធានអចិន្រ្តៃយ៍នៃព្រឹទ្ធសភាអាមេរិក។

ប្រធានរដ្ឋវៀតណាមលោក Nguyen Xuan Phuc (ខាងស្ដាំ) និងរដ្ឋមន្រ្តីការបរទេសអាមេរិកលោក Antony Blinken នៅសម័យប្រជុំ។ (រូបថត៖ TTXVN)


នៅក្នុងជំនួបជាមួយតំណាងនៃគណៈប្រតិភូចិន លោកប្រធានរដ្ឋ Nguyen Xuan Phuc បានសង្កត់ធ្ងន់ថា ការពង្រឹងទំនាក់ទំនងសហប្រតិបត្តិការរវាងវៀតណាមនិងចិនឲ្យកាន់តែស្ថិរភាព ស្មោះត្រង់ គឺជាកត្តាដ៏សំខាន់ចំពោះការអភិវឌ្ឍនៃប្រទេសរៀងៗ ខ្លួន ក៏ដូចជារួមចំណែកទៅក្នុងសន្តិភាព កិច្ចសហប្រតិបត្តិការនិងការអភិវឌ្ឍក្នុងតំបន់និងលើពិភពលោកផងដែរ។ ក្នុងនាមជាប្រទេសភូមិផងរបងជាមួយគ្នា វៀតណាមនិងចិនគួរតែសហប្រតិបត្តិការយ៉ាងជិតស្និទ្ធដើម្បីធានាសន្តិសុខប្រភពទឹក ទប់ទល់នឹងការប្រែប្រួលអាកាសធាតុនិងជំរុញការអភិវឌ្ឍបៃតង។ 

អញ្ជើញជួបសន្ទនាជាមួយតំណាងនៃគណៈប្រតិភូសហព័ន្ធរុស្ស៊ី លោក ប្រធានរដ្ឋ Nguyen Xuan Phuc បានអះអាងថា រុស្ស៊ីជាដៃគូមួយក្នុងចំណោមដៃគូ សំខាន់ជួរមុខរបស់វៀតណាម។ ប្រការនេះត្រូវបានលោកប្រធានរដ្ឋវៀតណាមបញ្ជាក់ នៅក្នុងកិច្ចសន្ទនាតាមទូរស័ព្ទជាមួយប្រធានាធិបតីរុស្ស៊ីលោក Vladimir Putin កាលពី សប្ដាហ៍មុន។ នាពេលខាងមុខ ថ្នាក់ដឹកនាំជាន់ខ្ពស់នៃប្រទេសទាំងពីរនឹងមានជំនួប ពិភាក្សាដោយផ្ទាល់ដើម្បីពង្រឹងថែមទៀតនូវទំនាក់ទំនងភាពជាដៃគូយុទ្ធសាស្ត្ររវាងវៀតណាម-រុស្ស៊ី។

លោកប្រធានរដ្ឋ Nguyen Xuan Phuc ក៏មានកិច្ចសន្ទនាតាមប្រព័ន្ធវីដេអូជាមួយ លោកព្រឹទ្ធសមាជិក Patrick Leahy ប្រធានអចិន្រ្តៃយ៍នៃព្រឹទ្ធសភាអាមេរិក ដែលជា មិត្តមួយរូបរបស់ប្រជាជន វៀតណាមផងដែរ។ លោកប្រធានរដ្ឋ Nguyen Xuan Phuc បានកោតសរសើរតួនាទីរបស់រូបលោកព្រឹទ្ធសមាជិកផ្ទាល់ក៏ដូចជារដ្ឋសភាអាមេរិក ក្នុងការចលនារដ្ឋអំណាចអាមេរិកឧបត្ថម្ភវ៉ាក់សាំងនិងសម្ភារៈបរិក្ខារពេទ្យជូនវៀត ណាម ហើយស្នើឲ្យលោកព្រឹទ្ធសមាជិក បន្តជំរុញកិច្ចសហប្រតិបត្តិការរវាងប្រទេស ទាំងពីរលើវិស័យនេះផងដែរ។ រីឯខ្លួនវិញ លោកព្រឹទ្ធសមាជិក Patrick Leahy បានបញ្ជាក់ថា នឹងបន្តគាំទ្រវៀតណាមក្នុងការដោះស្រាយផលវិបាកដោយសង្គ្រាម ក្នុង នោះមានការជួយឧបត្ថម្ ភជនរងគ្រោះដោយសង្គ្រាម និងជនរងគ្រោះដោយសារធាតុ គីមីពុលពណ៌លឿងទុំ។

មុននោះ លោកប្រធានរដ្ឋ Nguyen Xuan Phuc បានអញ្ជើញជួបសន្ទនា ជាមួយអគ្គមហេសីហូរឡង់ នាយករដ្ឋមន្រ្តីបង់ក្លាដែសនិងអគ្គនាយិកាមូលនិធិរូបិយវត្ថុ អន្តរជាតិ (IMF) ផងដែរ៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top