រោងចក្រតម្បាញសូត្រណាមឌិញ (Nam Dinh) ធ្លាប់ជារោងចក្រធំមួយជាងគេបំផុតនៅតំបន់ ឥណ្ឌូចិន ។ ពីមុននោះរោងចក្រជាកន្លែងស្រាវជ្រាវអំពីសូត្រដែលបង្កើតឡើងដោយលោក De Lanessan (១៨៨៧-១៨៨៨) ជាអ្នកគ្រប់គ្រងតំបន់ឥណ្ឌួចិនពេញសមត្ថភាព។ រហូតមកដល់ឆ្នាំ១៨៩៨លោក Paul Doumer បានអនុញាត្តិអោយកសាងរោងចក្រសូត្រមួយ និងប្រើប្រាស់ឡចំហុយសូត្រចំនួន ៦ ដោយចំហាយទឹក ដែលស្ថិតក្នុងកណ្តាលទីក្រុងណាមឌិញ (Nam Dinh)។ រហូតមកដល់ឆ្នាំ ១៩២៤ រោងចក្រនេះមានកម្មករ កម្មការនីចំនួន ៦.០០០ នាក់។ នាចុងឆ្នាំ ១៩៣៩ រោងចក្ររួមមាន៖ បីរោងសូត្រ បីរោងតម្បាញ មួយរោងសំរាប់ការជ្រលក់ មួយរោងសំរាប់ធ្វើភួយ មួយរោងសំរាប់យន្តកម្មនិង មួយរោងសំរាប់ជាងថាមវ័ន្ត។
រោងចក្រតម្បាញណាមឌិញ ( Nam Dinh) ធ្លាប់ជាមណ្ឌលស្រាវជ្រាវអំពីសូត្រ ដែលបង្កើតឡើងដោយ លោក De Lanessan (១៨៨៧-១៨៨៨)។ រហូតមកដល់ឆ្នាំ១៨៩៨លោក Paul Doumerបានអនុញាត្តិអោយកសាង រោងចក្រសូត្រមួយនិងប្រើប្រាស់ឡចំហុយសូត្រដោយចំហាយទឹក ដែលស្ថិតនៅកណ្តាលទីក្រុងណាមឌិញ ( Nam Dinh) ។ រូបថត៖ កុងដាត រូបភាពពេញនិយមបំផុតរបស់រោងចក្រតម្បាញណាមឌិញ (Nam Dinh) គឺមានមោទណភាពបានជ្រើសរើសជា និមិត្តរូបតំណាងអោយខឿនឧស្សហកម្មវៀតណាមនៅក្នុងសម័យសផ្លាស់ប្តួរថ្មី ដើម្បីបោះពុម្ភលើប្រាក់ក្រដាស ២.០០០ ដុងរបស់ធនាគាជាតិវៀតណាមនៅតែបានប្រើប្រាស់រហូតដល់នាបច្ចុប្បន្ននេះ។ រូបថត៖ កុងដាត នាសព្វថ្ងៃនេះ រោងជាងតម្បាញនិងសូត្រមួយចំនួន នៅតែផលិតក្នុងបរិវេណនៃរោងចក្រតម្បាញ ណាមឌិញ ( Nam Dinh)។ រូបថត៖ កុងដាត ក្រៅពីរោងជាងជ្រលក់ដោយសារកំរិតជាតិពុលខ្ពស់ ដូច្នេះរោងជាងនេះត្រូវផ្លាស់ប្តូរទីតាំងទៅតំបន់ឧស្សាហកម្ម ហ័រសា (Hoa Xa) ជាមុន ហើយផ្នែកមួយចំនួនទៀតរបស់រោងចក្រតម្បាញណាមឌិញ (Nam Dinh)នៅតែ ផលិតជាធម្មតា។ រូបថត៖ កុងដាត កម្មករម្នាក់ ដែលធ្វើការនៅរោងជាងសូត ឈរនៅក្បែរម៉ាស៊ីនតម្បាញ ដែលមានអាយុជាច្រើនជាងអាយុជីវិត របស់មនុស្សម្នាក់។ រូបថត៖ កុងដាត មួយកន្លែងនៃរោងចក្រសូត្រនៅតែដំណើការធម្មតា។ រូបថត៖ កុងដាត សរសៃសូត្រត្រូវបានខាទៅដល់ម៉ាស៊ីនតម្បាញ តាមបទដ្ឋានស្វ័យប្រវត្តិ។ រូបថត៖ កុងដាត នៅក្បែការដ្ឋានរោងចក្រកំពុងវាយបំផ្លាញចោល កម្មករនៅតែធ្វើកាក្នុងរោងជាងចាស់ និងរង់ចាំការរើ ទៅដល់តំបន់ឧស្សហកម្មថ្មី។ រូបថត៖ កុងដាត លោកស្រី ត្រឹនធិគីមអៀន (Tran Thi Kim Yen) អាយុ៤៨ឆ្នាំ ជាមនុស្សម្នាក់បានធ្វើការនៅរោងចក្រតម្បាញ ណាមឌិញ (Nam Dinh) ក្នុងរយៈពេល២៥ ឆ្នាំ។ ចំពោះលោកស្រី អៀន (Yen) រោងចក្រតម្បាញមិនត្រឹមតែ ជាកន្លែងធ្វើការតែប៉ុណ្ណោះទេ ថែមទាំងជាកន្លែងមួយ ដែលបន្សល់ទុកអនុស្សាវរីយ៍ជាច្រើននូវសម័យ យុវវ័យខិតខំប្រឹងប្រែងកសាងប្រទេសផងដែរ។ រូបថត៖ វៀតលីញ |
លោកង្វៀនវ៉ាន់មៀង (Nguyen Van Mieng) នាយកក្រុមហ៊ុនរួមភាគហ៊ុនតម្បាញកាត់ដេរណាមឌិញ (Nam Dinh) បានបើកសៀវភៅសរសេររបស់ខ្លួនឯង ហើយរៀបរាប់ជាមួយយើងខ្ញុំអំពីប្រវត្តិសាស្រ្តរបស់រោងចក្រនេះ “នាឆ្នាំ ១៩៥៤ រោងចក្រតម្បាញសូត្រណាមឌិញ (Nam Dinh) ត្រួវបានរដ្ឋគ្រប់គ្រងនិងប្តូរឈ្មោះជារោងចក្រសម្ព័ន្ធតម្បាញណាមឌិញ (Nam Dinh) ។ នៅពេលដែលយើងខ្ញុំមកគ្រប់គ្រងរោងចក្រនេះ ម៉ាស៊ីនជាច្រើនសុទ្ធតែបំផ្លាញអស់ នៅសល់ម៉ាស៊ិនមួយចំនួនតិចអាចប្រើប្រាស់បាន។ ដោយការជួយឧបត្ថម្ភពីរដ្ឋ ម៉ាស៊ីនទើបបានធ្វើល្អប្រសើរ និងផលិតផលពេលនោះគឺសំពតនិងសូត្រពណ៌ខ្មៅ ដែលផ្គត់ផ្គង់អោយទីផ្សារខាងជើង”។
រៀបរាប់អំពីពេលវេលាដ៏លំបាករបស់រោងចក្រតម្បាញណាមឌិញ (Nam Dinh) ក្នុងសម័យតស៊ូប្រឆាំងនឹងកងទ័ពអាមេរិកប្រហែលជាគ្មាននរណាយល់ដឹងច្បាស់សាស់ជាងកម្មករដែលធ្វើការនៅរោងចក្រក្នុងសម័យនោះទេ ។ លោក ង្វៀនវ៉ានសឹម ( Nguyen Van Som) អាយុ ៧៨ ឆ្នាំ ដែលជាកម្មករម្នាក់បានធ្វើការនៅរោងចក្រនេះបានរៀបរាប់ថា៖ “នាសម័យដែលកងទ័ពអាមេរិកធ្វើសង្គ្រាមវាយបំផ្លាញខាងជើងនៃប្រទេសវៀតណាម នាឆ្នំា ១៩៦៥ ខេត្តណាមឌិញ (Nam Dinh) គឺមួយក្នុងចំណោមបណ្តាខេត្ត ត្រូវបានវាយបំផ្លាញយ៉ាងសាហាវ ”។ រោងជាងជាច្រើនទើបបានចាប់ផ្តើមការផលិត មិនយូរប៉ុន្មានថ្ងៃទេ ឥឡូវនេះត្រូវវាយបំផ្លាញដោយគ្រប់បែកវិញ។ រោងចក្រត្រូវបំបែកជារោងតូចៗជាច្រើននិងប្តូរទីតាំងទៅកន្លែងផ្សេងៗ ដើម្បីបន្តដំណើការផលិតគ្រាន់តែទុករោងជាងនិងរោងតម្បាញមួយផ្នែក ដើម្បីបន្តការផលិតផងនិងប្រយុទ្ធផង។
សង្គ្រាមបានឆ្លងផុតទៅហើយ រោងចក្រសម្ព័ន្ធតម្បាញណាមឌិញ (Nam Dinh) ឈានចូលដំណើការផលិតឡើងវិញ។ ដោយសារមានវិធានការជាច្រើន ដើម្បីផ្លាស់ប្តូររបៀបធ្វើអាជីវកម្មនិងផលិតដូចជា៖ ខ្ចីលុយពីធនាគារ ដើម្បីទិញម៉ាស៊ីន សូត្រ សរសៃសូត្រនិងថ្នាំជ្រលក់ ដើម្បីធ្វើសម្បូរប្រភេទផលិតផល ហើយសហការជាមួយបណ្តាសហគ្រាសផ្សេងៗទៀតក្នុងប្រទេស ដើម្បីធ្វើអោយផលិតចេញបណ្តាផលិតផលបានសម្រេចទាំងស្រុង “ មានរយៈពេលអភិវឌ្ឍន៍យ៉ាងខ្លាំងបំផុត រោងចក្រតម្បាញណាមឌិញ (Nam Dinh) បានបង្កការងារអោយកម្មករជិត១៨.០០០ នាក់ ស្មើនឹង ១០% ចំនូនប្រជាជននៅទីក្រុងណាមឌិញ (Nam Dinh)”។
នៅពេលនោះ ក្នុងបរិវេណរបស់រោងចក្រមានសាលាមតេ្តយ្យមួយសំរាប់កូនរបស់កម្មករ ដែលធ្វើការ ៣ វេនក្នុងមួយថ្ងៃ សាលាបឋមសិក្សា អនុវិទ្យាល័យ វិទ្យាល័យ និងសាលាបង្រៀនវីជ្ជាជីវៈ មន្ទីរពេទ្យ កន្លែងលំហែកាយ។ ល។ រោងចក្រមើលដូចជាសង្គមតូចមួយ។ សម្បីតែនាពេលបើកប្រាក់ខែអោយកម្មករបណ្តាលតំលៃទំនិញនៅក្នុងទីក្រុងណាមឌិញឡើងចុះដែរ។
សាលប្រជុំរបស់រោងចក្រតម្បាញណាមឌិញ (Nam Dinh ) មានស្នាមស្ថាបត្យកម្មបារាំងបុរាណ ជាទីកន្លែង រៀបចំកិច្ចប្រជុំតាមការកំណត់និងសន្និសីទ សិក្ខាសាលា រវាងថ្នាក់ដឹកនាំនៃរោចក្រជាមួយកម្មករផង។ រូបថត៖ កុងដាត ចំពោះប្រជាជនរស់នៅខេត្តណាមឌិញ(Nam Dinh) ជាច្រើននាក់ ជាពិសេសគឺនរណាដែលធ្លាប់ធ្វើការនៅរោងចក្រត្បាញណាមឌិញ នៅពេលដែលរំលើកនឹកដល់អតិតកាលដ៏ត្រចះត្រចង់របស់រោងចក្រសុទ្ធតែរំភើបចិត្តខ្លាំងណាស់។រូបថត៖ វៀតលីញ បណ្តាពាក្យស្លោក បដា ជិតស្និទ្ធជាមួយកម្មករធ្វើការរោងចក្រតម្បាញក្នុងបណ្តាដំណាក់កាលផ្សេងៗ ដែលនៅតែ បានរក្សាទុករហូតដល់បច្ចុប្បន្ននេះ។ រូបថត៖ វៀតលីញ រោងចក្រតម្បាញចាស់នេះបានខូចខាតយ៉ាងធ្ងន់ធ្ងរ ហើយត្រូវបានបំផ្លាញចោលនៅពេលឆាប់ៗ នេះ។ រូបថត៖ វៀតលីញ ខ្លោងទ្វារគ្របដណ្តប់ដោយធូលីកម្បាសនិងឆ្លងកាត់សម័យជាច្រើន ដែលបង្កើតអនុស្សវរីយ៍ជាច្រើន។ រូបថត៖ កុងដាត ជ្រុងមួយនៃដំបូលរោងជាងមានស្ថាបត្យកម្មពិសេស។ រូបថត៖ កុងដាត តំបន់ជិតដំបូល បណ្តាបង្អួចគ្របដណ្តប់ដោយសរសៃសូត្រ ភ័ស្តុតាងនៃសម័យអភិវឌ្ឍន៍ខ្លាំងបំផុតរបស់ រោងចក្រតម្បាញណាមឌីញ ( Nam Dinh)។ រូបថត៖ កុងដាត នៅខាងក្រៅរោងចក្រតម្បាញនេះបានវាងបំផ្លាញចោលនិងធ្វើឲ្យរាប។ រូបថត៖ កុងដាត នៅលើគ្រឹៈចាស់ បណ្តាសំណង់និងវត្ថុអនុស្សវរីយ៏ជាច្រើនដែលជិតស្និតនឹងការរីកចំរើនជា ប្រវត្តិសាស្រ្ត របស់រោងចក្រតម្បាញណាមឌីញ ត្រូវបានរក្សាទុកវិញ។ តាមលោកអគ្គនាយក ង្វៀនវ៉ានមៀង (Nguyen Van Mieng) ដើមឈើជាប្រវត្តិសាស្រ្ត ដែលជាទីកន្លែងព្យូទង់បក្សរបស់សាខាបក្សលើកដំបូងនៅទីក្រុងណាមឌិញ (Nam Dinh)ត្រូវបានរក្សាទុកជានិជ្ចកាល។ រូបថត៖ កុងដាត ពេលមើលឃើញបណ្តារូបភាពនេះ គ្មាននរណាអាចជឿជាក់ថា នៅទីនេះគឺជាទីកន្លែងបានចិញ្ចឹម ១/១០ នៃចំនួនប្រជាជននៅទីក្រុងណាឌិញ (Nam Dinh)។ រូបថត៖ កុងដាត មិនត្រឹមតែរំលឹកនឹកដល់សម័យអភិវឌ្ឍន៍ខ្លាំងបំផុត រោងចក្រនេះក៏ជិតស្និតនឹងស្មារតី មនោសញ្ចេតនារបស់ប្រជាជនរស់នៅទីក្រុងណាមឌិញ (Nam Dinh)ផងដែរ។ ការបំផ្លាញចោលនិងប្តូរ ទីតាំងរោងចក្រតម្បាញធំជាងគេបំផុតនៅឥណ្ឌូចិនបានធ្វើអោយមនុស្សជាច្រើននាក់សោកស្តាយ ខ្លាំងណាស់។ រូបថត៖ កុងដាត |
តាមផែនការរបស់ទីក្រុណាមឌិញ (Nam Dinh)ក្រោយពេលបានរើបណ្តារោងចក្រនិងរោងជាងផលិត តំបន់នោះនឹងបានវិនិយោគ ដើម្បីកសាងទៅជាមណ្ឌលតម្បាញកាត់ដេរណាមឌិញ (Nam Dinh)។ខេត្តណាមឌិញក៏បានផ្តល់ទំហំដីស្មើនឹងទំហំដីរបស់រោងចក្រចាស់ ជិត៣០ ហិចតា ដែលស្ថិតក្នុងតំបន់ឧស្សាហកម្មហ័រសា (Hoa Xa) ឆ្ងាយពីកណ្តាលទីក្រុងប្រហែលជា ៥ គីឡូម៉ែត្រ./.
អត្ថបទនិងរូបថត៖ កុងដាត- វៀតលីញ