ស្នាដៃទាំង១៥របស់យុង (Dung) បានបង្ហាញដោយវត្ថុធាតុ Acrylic នៅលើក្រដាសកាសែត បានបង្ហញសាឡើងវិញនូវភាពជាក់ស្តែងនិងសាមញ្ញ អំពីគ្រឿងប្រើប្រាស់ជិតឌិតជាមួយជីវភាពពលកម្មដូចជា៖ កង់ចាស់ ស្នប់កង់ កៅអីឈើ មួកស្លឹក នំប៉ោង បាយដំណើបមួយកញ្ចប់...។ល។ នៅតំបន់ស្រុកថាញហ្វ័រ (Thanh Hoa) ។
រូបគំនូររបស់យុង (Dung) សាមញ្ញនិងធម្មតាណាស់ តែវាបែរជាជ្រាបនិងបន្សល់ទុកភាពរំភើបចិត្តដល់អ្នកទស្សនា។ រូបភាពយ៉ាងសាមញ្ញដូចជា គោយន្ត កង់ កញ្ចប់មី..។ល។ រំលឹកសាឡើងវិញនូវជីវភាពរស់នៅដោយអារម្មណ៍ចង់ចាំពីកុមារភាព។ យុង(Dung) ឲ្យដឹងថា៖ “ខ្លួនចង់រក្សាទុកនូវតថភាពជាក់ស្តែង ពីជីវភាពរស់នៅជុំវិញ ហើយអ្វីៗដែលបាននិងកំពុងរសាត់ទៅ ដែលមានវត្តមាននៅជុំវិញជីវភាពនេះ។ វ័យកុមារភាពនៅក្បែរគ្រួសារ ជាដើមគំនិតច្នៃ ហើយជាប្រធានបទ មានឥទ្ធិពលយ៉ាងធំឆេងបំផុត ដល់កម្រងស្នាដៃរូបគំនូរនេះរបស់ខ្លួន”។
 វិចិត្រករវ័យក្មេង ង្វៀងត្វឹនយុង (Nguyen Tan Dung) នៅក្បែរស្នាដៃរបស់ខ្លួន។  ស្នាដៃ៖ នឹក  ស្នាដៃ៖ ជ្រុងមួយនៃអារម្មណ៍ចងចាំ  ស្នាដៃ៖ ថ្ងៃសុខសាន្ត  ស្នាដៃ៖ មិត្តឪពុក  ស្នាដៃ៖ វ័យកុមារភាពទី១  ស្នាដៃ៖ រឿងចាស់រឿងថ្មី។  ស្នាដៃ៖ រឿងបង្គា  ស្នាដៃ៖ វ័យកុមារទី២  ស្នាដៃ៖ រឿងចាស់  ស្នាដៃ៖ រឿងដំឡូង  ស្នាដៃ៖ រឿងអតីត  ស្នាដៃ៖ រឿងទី១  ស្នាដៃ៖ រឿងភ្លៀងក្តៅ  ស្នាដៃ៖ ខ្ញុំ |
|
ង្វៀនត្វឹនយុង (Nguyen Tuan Dung) ធ្លាប់ទៅចូលរួមតាំងពិព័រណ៍វិចិត្រសិល្បៈ ទូទាំងប្រទេសឆ្នាំ២០១៥ ហើយដំណើមបានរង្វាន់លើកទឹកចិត្ត។ ទន្ទឹមនោះ យុង (Dung) ក៏បានទៅចូលរួមក្រុមតាំងពិព័រណ៍យ៉ាងច្រើនដូចជា៖ តាំងពិព័រណ៍បុណ្យ Art ឆ្នាំ២០១៦ តាំងពិព័រណ៍រូបគំនូរអន្តរជាតិ នៅប្រទេសកូរេខាងត្បូង តាំងពិព័រណ៍រួមប្រាស្រ័យវៀតណាមនិងថៃ...។ល។ តាំងពិព័រណ៍ “រឿងរ៉ាវអំពីខ្ញុំ” បានរៀបចំនៅ Craig Thomas Gallery 27i ត្រឹនញ៉ឹតយឹត (Tran Nhat Duat) ខណ្ឌ១ ទីក្រុងហូជីមិញ អូសបន្លាយដល់អស់ថ្ងៃទី៣០ ខែធ្នូ ឆ្នាំ២០១៦។ |
អ្នកទស្សនាមានចំណាប់អារម្មណ៍ទៅលើរូបគំនូររបស់យុង (Dung) បរិយាយពីរូបរាងកង់។ រូបគំនូរដែលយុង (Dung) គូរបង្កើតរូបកង់មួយគ្រឿងៗតែងមានវណ្ណៈមួយ ទោះបីគ្មានវត្តមានមនុស្ស ប៉ុន្តែអ្នកទស្សនាតែងតែមើលឃើញនូវស្រមោលមនុស្សលឹបៗនៅទីនោះ។ កង់រាជហង្ស របស់ឪពុកម្តាយយុង (Dung) មានតាំងពីទើបស្គាល់គ្នាមក កង់ជាមធ្យោបាយរកស៊ីចិញ្ចឹមជីវិត កង់ក៏ជាមធ្យោបាយទៅមកជិតស្និទ្ធ ចំពោះជនជាតិវៀតណាមកាលសម័យមុនៗ...។ល។ កង់ដូចជាមិត្តជិតស្និទ្ធជាមួយមនុស្សគ្រប់រូប នាំមកនូវអារម្មណ៍ពិសេសនិងល្អស្អាត។ ផ្ទាំងគំនូរនីមួយៗ ដូចជាវាំងនននៃជីវភាព។
ង្វៀនត្វឹនយុង (Nguyen Tuan Dung) ប្រើប្រាស់វត្ថុធាតុ Acrylic នៅលើក្រដាសកាសែត ពីព្រោះតួអក្សរ ឬរូបភាពនៅលើកាសែតទុកដូចជា ផ្ទៃមុខមានស្រាប់យ៉ាងប្លែកជក់ចិត្ត ពេលនាំទៅគួបជាមួយភាសាវិចិត្រសិល្បៈ។ ក្រៅពីនោះ ចំណងជើងនិងខ្លឹមសារនៅលើកាសែត ដែលមានលក្ខណៈព័ត៌មានទាន់ហេតុការណ៍ បានយុង (Dung) ជ្រើសរើសយ៉ាងហ្មត់ចត់ សម្រាប់ធ្វើឲ្យលេចធ្លោនូវប្រការមួយ ដែលរូបគំនូរចង់បរិយាយ។
បងង្វៀនហ្វាងផាត (Nguyen Hoang Phat) អាយុ៥៦ឆ្នាំ នៅខណ្ឌប៊ិញថាញ (Binh Thanh) ក្រោយពេលទស្សនារូបគំនូររួច បានឲ្យដឹងថា៖ “សំឡឹងមើលផ្ទាំងគំនូរនេះ ខ្ញុំនឹកឃើញដល់សម័យមូលធន។ សម័យនោះជីវភាពរស់នៅសាមញ្ញ ប៉ុន្តែមានមនោសញ្ចេតនាកក់ក្តៅ។ កង់កាលនោះ មានតម្លៃខ្លាំងណាស់ ហើយនោះជាមធ្យោបាយធ្លាប់ឃើញ របស់មនុស្សគ្រប់គ្នា។ អារម្មណ៍ចងចាំទាំងអស់របស់ខ្ញុំ ចេះតែរលឹកឡើង ពេលដែលសំឡឹងមើលគ្រឿងប្រើប្រាស់ដូចនេះ”៕
អត្ថបទ៖ ង្វៀនអ្វាញ រូបថត៖ ថុងហាយ
