តំណាងកងទ័ពប្រគល់ផ្ទះមេត្តាធម៌ជូនចំពោះគ្រួសារគោលនយោបាយ
នាថ្ងៃទី១៥ ខែកក្កដា ឆ្នាំ២០១៨ នៅស្រុក Phuc Tho រដ្ឋធានីហាណូយ គណៈកម្មការ យុវជនកងទ័ពសហការ ជាមួយស្នងការនយោបាយបញ្ជាការដ្ឋានរដ្ឋធានី ហាណូយ មន្ទីរពេទ្យយោធា ១០៥ និងអគ្គក្រុមហ៊ុនសេដ្ឋកិច្ចបច្ចកទេសឧស្សាហកម្ម ការពារជាតិបានរៀបចំពិធីបំផុសសកម្មភាពតបស្នងសងគុណ និងគោលនយោ បាយសង្គមកិច្ចរបស់យុវវ័យកងទ័ព ក្នុងឱកាសរំលឹកខួបលើកទី៧១ទិវាយុទ្ធជន ពិការ យុទ្ធជនពលី (ថ្ងៃទី២៧ កក្កដា)។
វរៈសេនីឯកបម្រុង Dinh Quoc Hung ប្រធានគណៈកម្មការយុវជនកងទ័ពបានឲ្យដឹងថា អង្គការយុវជនក្នុងកងទ័ពទាំងមូលបាន និងកំពុងសហការរៀបចំ “ដំណើររំលឹកគុណ” ដោយមានសកម្មភាពសុខុមាលភាពសង្គម តបស្នងសងគុណនៅលើទូទាំងប្រទេស។ រាល់សកម្មភាពជាក់ស្ដែងក្នុង “ដំណើររំលឹកគុណ” របស់យុវជនកងទ័ពនាឆ្នាំនេះរួមមាន៖ ការសាកសួរសុខទុក្ខ លើកទឹកចិត្ត ជូនឧបករណ៍ផលិតកម្មនិងប្រើប្រាស់ ជូនអំណោយ ជួយឧបត្ថម្ភជួសជុល កសាងផ្ទះ រៀបចំការពិនិត្យព្យាបាលជំងឺ ផ្ដល់ថ្នាំឱសថឥតគិតថ្លៃជូនចំពោះមុខសញ្ញាគោលនយោបាយនិងប្រជាជននៅតំបន់នានា ពិសេសគឺតំបន់ឆ្ងាយដាច់ស្រយាល តំបន់ព្រំដែន កោះសមុទ្រ និងតំបន់មានអត្ថន័យគន្លឹះខាងសន្តិសុខការពារជាតិ។
ក្រៅពីនោះ យុវវ័យកងទ័ពក៏ចូលរួមបោសសម្អាត ជួសជុល កែលំអឈាបនដ្ឋាននិងទីធ្វើសក្ការៈបូជាយុទ្ធជនពលី និងរៀបចំកម្មវិធីសិល្បៈរំលឹកគុណនៅឈាបនដ្ឋានយុទ្ធជនពលីជាតិវិថីលេខ៩ នៅខេត្ត Quang Tri ផងដែរ៕
តាម VOV5 - វិទ្យុសំឡេងវៀតណាម