ព័ត៌មាន
យករដ្ឋមន្ត្រី លោក Nguyen Xuan Phuc អញ្ជើញមកដល់ស្វីស ចាប់ផ្តើមដំណើរទស្សនកិច្ចចូលរួមវេទិកា WEF Davos 2019
យករដ្ឋមន្ត្រី លោក Nguyen Xuan Phuc អញ្ជើញមកដល់ស្វីស ចាប់ផ្តើមដំណើរទស្សនកិច្ចចូលរួមវេទិកា WEF Davos 2019 (រូបថតៈ TTXVN)
នាព្រឹកថ្ងៃទី២៣ ខែមករា ឆ្នាំ២០១៩ នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc និងគណៈប្រតិភូជាន់ខ្ពស់វៀតណាម បានមកដល់ទីក្រុង Zurich នៃប្រទេសស្វីស ចាប់ផ្តើមដំណើរទស្សនកិច្ចចូលរួមកិច្ចប្រជុំប្រចាំឆ្នាំនៃវេទិកាសេដ្ឋកិច្ចពិភពលោក (WEF) 2019 តាមការអញ្ជើញរបស់ប្រធានស្ថាបនិកនិងប្រតិបត្តិរបស់ WEF លោក Klaus Schwab។
ទទួលស្វាគមន៍នាយករដ្ឋមន្ត្រី លោក Nguyen Xuan Phuc និងគណៈប្រតិ ភូ នៅព្រលានយន្តហោះ Zurich មានឯកអគ្គរដ្ឋទូតវៀតណាម ប្រចាំនៅស្វីស លោក Pham Hai Bang រួមទាំងកម្មាភិបាលស្ថានទូតនិងក្រុមបេសកម្មវៀតណាម ប្រចំានៅ Geneva ផងដែរ។ បន្ទាប់ពីមកដល់ព្រលានយន្តហោះ នាយករដ្ឋមន្ត្រីនិងគណៈប្រតិភូបានចាកចេញពី Zurich ឆ្ពោះទៅកាន់ Davos ដើម្បីចាប់ផ្តើមនូវសកម្មភាពដំបូងក្នុងក្របខ័ណ្ឌនៃដំណើរទស្សនកិច្ចចូលរួម WEF Davos 2019។
យោងតាមរបៀបវារៈ នាថ្ងៃទី ២៣ ខែមករា នាយករដ្ឋមន្ត្រីវៀតណាម លោក Nguyen Xuan Phuc បានចូលរួមសម័យបើកកិច្ចប្រជុំ “ជំនួបជាមួយថ្នាក់ដឹកនាំ លើរបៀបវារៈនៃសកម្មភាពមហាសមុទ្រ” និងទទួល ជួបជាមួយថ្នាក់ដឹកនាំមួយចំនួន។ ។ ជាពិសេស នាយករដ្ឋមន្រ្តី លោក Nguyen Xuan Phuc និងប្រធានស្ថាបនិកនៃ WEF លោក Klaus Schwab បានធ្វើជាអធិបតីនៃជំនួបសន្ទនាជាមួយថ្នាក់ដឹកនាំនៃបណ្តាសម្ព័ន្ធសមាគមពិភពលោក ស្តីពីសេដ្ឋកិច្ចវៀតណាម ក្រោមប្រធានបទ “ជំរុញភាពសកម្មនិងការច្នៃប្រឌិតក្នុងបដិវត្តន៍ឧស្សាហកម្ម៤.០។ ក៏នៅក្នុងថ្ងៃទី២៣ខែមករា នាយករដ្ឋមន្ត្រី លោក Nguyen Xuan Phuc បានអញ្ជើញទទួលជួបជាមួយថ្នាក់ដឹកនាំសម្ព័ន្ធក្រុមហ៊ុនពហុជាតិ ដែលបានចូលរួមរាល់សកម្មភាពនៃក្របខ័ណ្ឌ WEF Davos 2019 ផងដែរ៕
តាម VOV5 - វិទ្យុសំឡេងវៀតណាម