ក្នុងមហោស្រពប្រកួតម៉ុងសាយអន្តរជាតិលើកទី១១ នៅប្រទេសសិង្ហបូរី វៀតណាមមានពីរក្រុមម៉ុងសាយទិញអាញដឿង (Tinh Anh Duong) របស់ទីក្រុងហូជីមិញ និងក្រុមទឺកូវ (Tu Cau) របស់ក្រុងដាណាំង (Da Nang) រួមប្រកួតជាមួយក្រុមម៉ុងសាយចំនួន១០ មកពីប្រទេសនិងតំបន់ចំនួន៧ ក្នុងនោះមានក្រុមម៉ុងសាយពូកែមកពីប្រទេសសិង្ហបូរី ហុងកុង (ចិន) ម៉ាឡេស៊ី...។ល។ នេះជាលើកទី៣ ម៉ុងសាយតំណាងប្រទេសវៀតណាម អញ្ជើញចូលរួមទីលានប្រកួតអន្តរជាតិនេះ និងពីរលើកដណ្តើមបានពានរង្វាន់ឯក។
នៅវៀតណាម ក្រុមម៉ុងសាយមួយថ្ងៃកាន់តែយកចិត្តទុកដាក់លើការអភិវឌ្ឍនិងចូលរួមការប្រកួតយកពាន់រង្វាន់យ៉ាងច្រើន ក្នុងនោះ មានការប្រកួតយកពានរង្វាន់ម៉ុងសាយទីក្រុងហូជីមិញបើកទូលាយ។ រាល់ឱកាសបុណ្យចូលឆ្នាំថ្មី ក្រុមម៉ុងសាយមកពីខេត្តក្រុងមួយចំនួនដូចជា៖ ប៊ិញធ្វឹន (Binh Thuan) ប៊ិញយឿង (Binh Duong) កឹនធើ (Can Tho) វុងតាវ (Vung Tau) ដុងថាប (Dong Thap) ប៊ិញផឿក (Binh Phuoc) និងទីក្រុងហូជីមិញ...។ល។ នឹងមានឱកាសប្រកួតប្រជែងក្រោមពីរខ្លឹមសារ៖ ម៉ុងសាយប្រពៃណី (ម៉ុងសាយឌៀបូវ (Dia Buu)) និងម៉ុងសាយដើរលើបង្គោលផ្កា។
ក្រុមម៉ុងសាយសុទ្ធតែមានការបណ្តាក់ទុនយ៉ាងហ្មត់ចត់ តាំងពីសម្លៀកបំពាក់ជំនាញ ចាប់ចិត្តរហូតដល់ខ្លឹមសារប្រកួតតាមក្បួនខ្នាត សម្រេចស្តង់ដារខ្ពស់។ ក្រៅពីនោះ ការងារតាមដានរូបភាព អាជ្ញាកណ្តាលរៀបចំពានរង្វាន់ក៏បានហ្វឹកហាត់មុនពានរង្វាន់ចាប់ផ្តើម ដើម្បីបង្កើតបានពិធីប្រកួតមួយ ដែលមានគុណភាព សមភាព ប្រសិទ្ធភាពជំនាញខ្ពស់។
ឈុតសម្តែងម៉ុងសាយ អស្ចារ្យ រស់រវើក ទាក់ទាញភ្ញៀវទេសចរណ៍ អញ្ជើញចូលមកទស្សនានិងគាំទ្រយ៉ាងអស់ពីចិត្តប្រព្រឹត្តទៅជាប្រចាំ នៅសួនឧទ្យានវប្បធម៌ដឹមសែន (Dam Sen) ខណ្ឌ១១ ទីក្រុងហូជីមិញ។
ក្រុមម៉ុងសាយព្យូហយាត្រាបើកពានរង្វាន់នៅសួនឧទ្យានវប្បធម៌ដឹមសែន (Dam Sen)។ រូបថត៖ សើនងៀ ពានរង្វាន់ម៉ុងសាយទីក្រុងហូជីមិញបើកទូលាយលើកទី២ មានក្រុមម៉ុងសាយចូលរួមចំនួន១៧ នៅតាមខេត្តចំណុះតំបន់អាគ្នេយ៍ តំបន់និរតី។ រូបថត៖ សើនងៀ សមាជិកក្រុមជួយគ្នាត្រៀមបម្រុងសម្លៀកបំពាក់ មុនពេលប្រកួត។ រូបថត៖ សើនងៀ ក្រុមម៉ុងសាយមានការត្រៀមបម្រុងហ្មត់ចត់ អំពីសម្លៀកបំពាករហូតដល់ការរៀបចំបរិបទ រឿងរ៉ាវដ៏ចំណាប់អារម្មណ៍។ រូបថត៖ សើនងៀ ការប្រកួតខ្លឹមសារម៉ុងសាយឌៀប៊ូវ (Dia Buu) នៃក្រុមម៉ុងសាយស្អាតងៀដឿង (Dia Buu)។ រូបថត៖ សើនងៀ ការប្រកួតឌៀប៊ូវ (Dia Buu) ទាក់ទាញចិត្តរបស់ក្រុមម៉ុងសាយតឹមអាញដឿង (Tam Anh Duong) (ខេត្តប៊ិញយឿង - Binh Duong)។ រូបថត៖ សើនងៀ កាយវិការពិបាកធ្វើក្នុងការប្រកួតម៉ុងសាយឌៀប៊ូវ (Dia Buu)។ រូបថត៖ សើនងៀ សិង្ហឈរជើងពីរ អនុវត្តបច្ចេកទេសពិបាក ដើម្បីដើរឆ្លងស្ពានឈើរបស់ក្រុមម៉ុងសាយតឹនអាញដឿង (Tan Anh Duong) ខេត្តវុងតាវ (Vung Tau)។ រូបថត៖ សើនងៀ ការប្រកួតម៉ុងសាយដើរលើបង្គោលផ្កា ទាមទារបច្ចេកទេសរបស់អ្នកសម្តែងម៉ុងសាយជំនាញ។ រូបថត៖ Alvin Tao បង្ហាញពីស្ថានភាពសិង្ហប្រឆាំងនឹងនាគក្នុងខ្លឹមសារម៉ុងសាយឌៀប៊ូវ (Dia Buu)។ រូបថត៖ សើនងៀ រឿងនិទានអំពីសិង្ហបានក្រុមបណ្តាក់ទុនកម្លាំងកាយយ៉ាងខ្លាំង ស្អាតចាប់ចិត្ត។ រូបថត៖ សើនងៀ ការប្រកួតតែងទាក់ទាញភ្ញៀវទេសចរណ៍យ៉ាងកុះករ អញ្ជើញមកទស្សនានៅសួនឧទ្យានវប្បធម៌ដឹមសែន (Dam Sen)។ រូបថត៖ សើនងៀ អាជ្ញាកណ្តាលជូនពន្ទុដល់ក្រុមម៉ុងសាយ ដែលទើបប្រឡងប្រកួតរួច។ រូបថត៖ សើនងៀ សម្លេងស្គរម៉ុងសាយលាន់រំពង សប្បាយ ប៉ុន្តែបរិយាកាលអង់អាចរបស់ក្រុមម៉ុងសាយក៏មិនអន់ដែរ បានជួយរួមចំណែកនាំមកបរិយាកាសរីករាយសប្បាយ ពេលនិទាឃរដូវមកដល់។ រូបថត៖ សើនងៀ |
ទស្សនិកជនបានទស្សនាឈុតសម្តែងម៉ុងសាយនូវគ្រប់ជ្រុង៖ បច្ចេកទេសសម្តែងស្អាតចាប់ចិត្ត ពេលវេលាសម្តែងត្រូវតាមការកំណត់ សហការរវាងក្រុមស្គរនិងសមាជិកសម្តែង របៀបរៀបចំបរិបទ រឿងរ៉ាវជាប់ចិត្ត...។ល។ អ្នកដែលស្រឡាញ់សិល្បៈសម្តែងម៉ុងសាយ ក៏បានទស្សនាបច្ចេកទេសល្អឥតខ្ចោះ និងជំនាញ ដែលក្រុមម៉ុងសាយនាំមកក្នុងខ្លឹមសារសម្តែងម៉ុងសាយ។ ជាពិសេស ពេលអនុវត្តកាយវិការដំណើរសិង្ហ នៅលើបង្គោលផ្កាក្នុងខ្លឹមសារសិង្ហដើរលើបង្គោលផ្កាដ៏សែនពិបាក ទាមទារមនុស្សពីរនាក់ ពេលអនុវត្តសហការស្ទាត់ជំនាញ ស៊ីចង្វាក់ ថ្មី មានកម្រិតប្រាកដប្រជាខ្ពស់។ បច្ចេកទេសពិសេសនៃក្រុមម៉ុងសាយមួយចំនួនដែលសម្តែងបង្ហាញ បានធ្វើឲ្យទស្សនិកជនរំភើប ហោកញ្ជ្រៀវ ទះដៃសាទរ។
ទស្សនិកជន ង្វៀនវ៉ាន់មិញ (Nguyen Van Minh) (ខណ្ឌធូដឹក - Thu Duc) និងកូនស្រី បានអញ្ជើញទៅទស្សនាសម្តែងម៉ុងសាយ មានយោបល់ថា៖ “ក្រុមមានសម្លៀកបំពាក់ស្អាតៗ បច្ចេកទេសសម្តែងល្អ ចៃដន្យធ្វើឲ្យកូនស្រីខ្ញុំមើលមិនចេះជិនណាយ”។
សម្លេងស្គរម៉ុងសាយលាន់រំពង សប្បាយ ប៉ុន្តែបិរយាកាសអង់អាចរបស់ក្រុមម៉ុងសាយក៏មិនអន់ដែរ រួមចំណែកនាំមកនូវបរិយាកាសសប្បាយរីករាយ ពេលនិទាឃរដូវមកដល់។
ក្រុមម៉ុងសាយ វិញភូដឿ (Vinh Phuc Duong) - ខេត្តប៊ិញយឿង (Binh Duong) ដណ្តើមបានពានរង្វាន់លេខមួយ ក្នុងខ្លឹមសារសិង្ហដើរលើបង្គោលផ្កា។ រូបថត៖ Alvin Tao ក្រុមម៉ុងសាយហាវយុងដឿង (Hao Dung Duong) ខេត្តដុងថាប (Dong Thap) ដណ្តើមបានពានរង្វាន់ លេខពីរក្នុងខ្លឹមសារដើរលើបង្គោលផ្កា។ រូបថត៖ Alvin Tao ក្រុមម៉ុងសាយហ្វាយុងដឿង (Hao Dung Duong) - ដុងថាប (Dong Thap) ដណ្តើមបានពានរង្វាន់ ក្នុងខ្លឹមសារសិង្ហឌៀប៊ូវ (Dia Buu)។ រូបថត៖ Alvin Tao |
ពិសេស ក្រោយការប្រកួតនីមួយៗ ក្រុមម៉ុងសាយទាំងអស់ដែលដណ្តើមបានពានរង្វាន់ក្នុងពីរខ្លឹមសារ នៅទាំងសម្តែងបម្រើទស្សនិកជនលេងបុណ្យចូលឆ្នាំថ្មី នៅសួនឧទ្យានវប្បធម៌ដឹមសែន (Dam Sen)។ ការបង្កើតទីលានលេងសម្រាប់ក្រុមម៉ុងសាយ នៅតាមមូលដ្ឋានជាច្រើនដែលអញ្ជើញមកចូលរួម នេះជារបៀបមួយរក្សាលក្ខណៈវប្បធម៌ប្រពៃណី និងឧទ្ទេសនាមផ្សាយប្រភេទរូបភាពសិល្បៈប្រជាប្រិយម៉ុងសាយ ទៅដល់ភ្ញៀវទេសចរណ៍និងមហាជន ទន្ទឹមនោះបង្កើតបន្ថែមបរិយាកាសសប្បាយរីករាយ ក្នុងឱកាសទទួលបុណ្យចូលឆ្នាំថ្មី៕
អត្ថបទនិងរូបថត៖ សើនងៀ - Alvin Tao