• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

មិនអាចមួលបង្កាច់ EVFTA ហើយរារាំងដំណើរការធ្វើសមាហរណកម្មរបស់វៀតណាម


 ថ្នាក់ដឹកនាំវៀតណាមអញ្ជើញធ្វើជាសក្ខីភាពនៅក្នុងពិធីចុះហត្ថលេខាលើ EVFTA (រូបថត៖ TTXVN) 
 

លោកអ្នកនាងជាទីមេត្រី! នាថ្ងៃទី១២កុម្ភៈឆ្នាំ២០២០ កន្លងទៅ សភា អឺរ៉ុប (EP) បាន​បោះ​ឆ្នោត​អនុម័ត​លើកិច្ច​ព្រម​ព្រៀងពាណិជ្ជកម្មសេរី (EVFTA) និងកិច្ចព្រមព្រៀងគាំពារវិនិយោគរវាង វៀតណាមនិងសហភាព អឺរ៉ុប (EVIPA)​។ ការដែល EP អនុម័តលើកិច្ចព្រមព្រៀងទាំងពីរនេះដោយ សម្លេងគាំ​ទ្រខ្ពស់​បាន​បណ្ដាល​អោយ​ល្បិច​កល​មួលបង្កាច់អំពីកិច្ចព្រម ព្រៀងនេះក្លាយទៅជារឿងគួរអោយអស់សំណើច។ ប្រការនេះក៏បានអះ អាងថា​ គ្មានល្បិចកលណារបស់អានុភាពអមិត្តដែលអាចរារាំងដំណើរការ សមាហរណកម្ម​របស់​វៀត​ណាម​បាន​ឡើយ​។
 
រាល់ស្នូរ​សម្លេងគ្មានមូលដ្ឋាន
 
រាល់ផល​ប្រយោជន៍ដែល EVFTA នាំមកជូនគឺច្បាស់លាស់ពិតមែន ដើម្បីជំរុញកំណើននៃភាគីទាំងពីរ ពង្រីក​ទីផ្សារ​ទំនិញ សេវាកម្ម ដោយមាន ការអនុគ្រោះខាងពន្ធចំពោះអ្នកប្រើប្រាស់ទំនិញ ព្រមទាំងនាំមកនូវឱកាស វិនិយោគ​ ធ្វើអាជីវកម្មសម្រាប់សហគមន៍ធុរជន បង្កើតបន្ថែមការងារធ្វើ ប្រភពចំណូល លើកស្ទួយជីវភាព​រស់នៅ​សម្រាប់​ពលកររបស់ទាំងវៀត ណាមនិង EU។ ប៉ុន្តែ ខណៈពេលដែលវៀតណាមនិង EU ខិតខំប្រឹងប្រែង អស់ពី​សមត្ថភាពរបស់ខ្លួនដើម្បីសម្រេចកិច្ចព្រមព្រៀងនេះ គឺបណ្ដាអានុ ភាពអមិត្ត និងមុខ​សញ្ញា​ប្រតិ​កិរិយា​បាន​បង្កើន​អំពើបំផ្លិចបំផ្លាញនិងរារាំង។ ពួកគេបានដាក់សំណុំពាក្យ របាយការណ៍ ដែលទាមទារ​អោយ​ត្រូវ​ផ្អាក​ ឬ លុបចោលការអនុម័តលើកិច្ចព្រមព្រៀងដែលភាគីទាំងពីរបានចំណាយ ពេល​វេលាជា​ច្រើន​ដើម្បី​កសាង​ក្នុងកាលៈទេសៈសន្តិភាព សហប្រតិបតិ្តការ និងអភិវឌ្ឍនាបច្ចុប្បន្ន។ បណ្ដាមុខ​សញ្ញា​ប្រតិកិរិយា​បាន​ជំរុញ​ខ្លាំង​សកម្ម ភាពរារាំង បំផ្លិចបំផ្លាញក្រោមគ្រប់រូបភាព ដូចជាមួលបង្កាច់ពីស្ថានភាព សិទ្ធិ​មនុស្ស​នៅវៀ​ត​ណាម​ ក៏ដូចជាបង្កើនជំនួបប្រាស្រ័យដើម្បីបំប្លែងការ ពិតពីស្ថានភាព​សេដ្ឋកិច្ច​សង្គម​នៅវៀត​ណាម​ផង​ដែរ​។​
 
តាម​មជ្ឈដ្ឋានអ្នកជំនាញបានបញ្ជាក់ថា បញ្ហាសិទ្ធិមនុស្សក្នុងកិច្ចព្រម ព្រៀង EVFTA ត្រូវបាន​យោគយល់​ក្នុង​ន័យ​យ៉ាង​ទូលំទូលាយ ដោយមិនត្រឹមតែរួម មានក្រុមសិទ្ធិជំនាន់ទី១ ពោលគឺក្រុមសិទ្ធិស៊ីវិលនិងនយោបាយ សិទ្ធិរស់ ​នៅនិងសិទ្ធិបញ្ចេញមតិ សិទ្ធិកាន់ជំនឿដោយសេរីភាពប៉ុណ្ណោះទេ ថែមទាំង មានក្រុមសិទ្ធិជំនាន់ទី២ទៀត​ផង ពោលគឺសិទ្ធិសេដ្ឋកិច្ច វប្បធម៌និងសង្គម កិច្ច សិទ្ធិធ្វើការ សិទ្ធិទទួលសន្តិសុខសង្គម សិទ្ធិអប់រំ សិទ្ធិធ្វើ​បាតុ​កម្ម និង សិទ្ធិសម្រាកកំសាន។ លើសពីនេះទៅទៀត កិច្ចព្រមព្រៀងនេះក៏មានក្រុម សិទ្ធិជំនាន់ទី៣ រួមមាន​សិទ្ធិទាក់ទិនដល់សន្តិសុខ បរិស្ថាននិងការអភិវឌ្ឍ ផងដែរ។ ក្រុមសិទ្ធិទាំង៣នេះមិន​អាច​កាត់​ផ្ដាច់​ចេញ​ពីគ្នាទេ​ ប៉ុន្តែផ្សាភ្ជាប់ គ្នាយ៉ាងស្អិតរមួត។ ការដែល EU បានចុះហត្ថលេខានិងអនុម័តលើ EVFTA បានសរឲ្យ​ឃើញថា គេបានទទួលស្គាល់ការរីកចម្រើនក្នុងការអនុវត្តសិទ្ធិ មនុស្សនៅវៀតណាម។ ចំពោះ​រាល់​សម្លេង​គ្មាន​មូលដ្ឋាន សំដៅបង្ខូច កិត្យានុភាព មួលបង្កាច់លើសមិទ្ធផលខាងសិទ្ធិមនុស្សនៅវៀតណាម លោក​បណ្ឌិត Cao Duc Thai អ្នកជំនាញផ្នែកសិទ្ធិមនុស្សបានលើកច្បាស់ ថា៖

“មូល​ហេតុដែលពួកគេបានដាក់ចេញ​ដើម្បីរារាំងកិច្ចព្រមព្រៀងនេះ​គឺគ្មានមូលដ្ឋា​នទាំងខាង​ទ្រឹស្ដី និង​ការ​ពិត​​ជាក់​ស្ដែងនោះឡើយ។ ហេតុដូច្នេះ ការដែលពួកគេអំពាវនាវឲ្យ EU មិនអនុម័តលើ EVFTA ដោយសារមូល ហេតុ​ខាងសិទ្ធិមនុស្ស ត្រឹមតែជាការមួលបង្កាច់តែប៉ុណ្ណោះ។ គេបាន បដិសេធចរិតលក្ខណៈនៃរបប សំដៅ​បង្ខូច​កិត្យានុភាពរបស់បក្សកុម្មុយនិស្ត វៀតណាម”។
 
មិនអាចមួល​បង្កាច់ EVFTA និងរារាំងដំណើរការសមាហរណកម្មរបស់វៀតណាម  
 
ការពិត​បានបញ្ជាក់ថា បណ្ដាគោលនយោបាយរបស់វៀតណាមសុទ្ធ តែស្របទៅ​តាម​អនុសញ្ញា​អន្តរជាតិ​និង​សេចក្ដី​ប្រកាស​ពីសិទ្ធិមនុស្សរបស់ អង្គការសហប្រជាជាតិ។ វៀតណាមក៏បានអនុវត្តយ៉ាងល្អនូវការផ្សព្វផ្សាយ គោលន​យោបាយ​ស្ដីពីសិទ្ធិមនុស្ស អនុវត្តកិច្ចការពារសិទ្ធិមនុស្សប្រកប ដោយភាពសុខដុម​ជាមួយ​វិស័យ​ផ្សេងៗ​ផង​ដែរ​។ ក្នុងពេលជាមួយគ្នានោះEVFTA ជាកិច្ចព្រមព្រៀងពាណិជ្ជកម្មវិនិយោគ សំដៅជំរុញកិច្ចសហប្រតិ បតិ្តការ​ និងការអភិវឌ្ឍរវាងភាគីទាំងពីរ។ ហេតុដូច្នេះ ការដែលបុគ្គលនិង អង្គការមួយ​ចំនួន​ប្រើប្រាស់​រប​ស់​ដែល​ហៅថា​ប្រជាធិបតេយ្យ សិទ្ធិមនុស្ស ឆ្លៀតយក បញ្ហានយោបាយសំ​ដៅ​រារាំង​ការ​អនុម័ត​និង​អនុវត្ត​កិច្ច​ព្រម​ព្រៀង​នេះ គឺជា ទង្វើបម្រើផលប្រយោជន៍បុគ្គលរបស់ពួកគេតែប៉ុណ្ណោះ។ លោកសាស្ត្រា ចារ្យរង បណ្ឌិត Tuong Duy Kien ប្រធានវិទ្យាស្ថានសិទ្ធិមនុស្ស បានចាត់ ទុកថា៖
 
“ការយកលេស​ពីបញ្ហាសិទ្ធិមនុស្សនៅវៀតណាមច្បាស់លាស់ថា គ្មានមូលដ្ឋាន មិនបរានុម័ត មិនឆ្លុះបញ្ចាំង​យ៉ាង​ត្រឹម​ត្រូវអំពីសមិទ្ធផលខាង សិទ្ធិមនុស្សដែលបក្ស រដ្ឋ និងប្រជាជនវៀតណាមសម្រេចបានក្នុងរយៈ ពេលជាង​៣០ឆ្នាំផ្លាស់ប្ដូរថ្មីនិងធ្វើសមាហរណកម្មកន្លងមក។ ហើយរហូត មកដល់ពេលនេះ សមិទ្ធផលទាំង​នោះក៏ត្រូវ​បាន​សហគមន៍អន្តរជាតិវាយ តម្លៃខ្ពស់ផងដែរ”។
 
ច្បាស់លាស់​ណាស់ថា រាល់អំពើមួលបង្កាច់ បំប្លែកការពិតអំពីស្ថាន ភាពសិទ្ធិមនុស្ស យកបញ្ហានេះ​ធ្វើជាហេតុ​ផល​ដើម្បី​រារាំង បំផ្លិចបំផ្លាញ EVFTA គឺអំពើផ្ទុយទៅនឹងផលប្រយោជន៍ជាតិ ប្រឆាំងនឹងប្រជាជន បំផ្លិច បំផ្លាញ​គោលមាគ៌ាសមាហរណកម្មសេដ្ឋកិច្ច និងបុព្វហេតុផ្លាស់ប្ដូរថ្មី បដិវត្តន៍របស់វៀតណាម។ ការដែល EP បានអនុម័ត​លើកិច្ចព្រមព្រៀង EVFTA និង EVIPA បានសរឲ្យឃើញថា អំពើមួលបង្កាច់ទាំងនោះគឺគ្មាន មូលដ្ឋានហើយ​មិនអាចរារាំងដំណើរការសមាហរណកម្មយ៉ាងខ្លាំងក្លារបស់វៀតណាម​បានឡើយ៕

 

តា​ម VOV5 - វិទ្យុសំឡេងវៀតណាម​

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top