ឆ្លងកាត់អ្នកដាក់ពាក្យជាច្រើន ឆ្នាំ២០១៨ Obikane Yasuo, Ito Mai, Shuto Mika នៅឆ្នាំ២០១៩ គឺ Nagase Ippei បានធ្វើដំណើរមកដល់ក្រុងហ្វេ និងទីក្រុងដាណាំង ចូលរួមការងារអ្នកស្មគ្រចិត្ត ដែលមានអាណាត្តិពីរឆ្នាំ តាមរយៈកម្មវិធីបញ្ជូនអ្នកស្មគ្រចិត្ត នៃទីភ្នាក់ងារសហប្រតិបត្តការអន្តរជាតិជប៉ុន (Japan International Cooperation Agency សរសេរកាត់ថា JICA )។
ទីក្រុងដាណាំង Shuto Mika ធ្វើជាគ្រូបង្រៀងបង្ហាត់ភាសាជប៉ុន នៅសាកលវិទ្យាល័យភាសាទីក្រុងដាណាំង រីឯ Ito Mai ថែទាំនិងបង្ហាត់កុមារពិការ នៅមជ្ឈមណ្ឌលសប្បុរសធម៌មួយរបស់ទីក្រុង។ នៅក្រុងហ្វេ Obikane Yasuo ណែនាំនិស្សិតឧត្តមសិក្សាឧស្សាហកម្មហ្វេ អំពីបច្ចេកទេសផលិតយន្តហោះគ្មានអ្នកបើកបរ (UAV) ក្នុងពេលនោះ Nagase Ippei ធ្វើការងារព្យាបាលដោយចលនានៅមន្ទីរពេទ្យស្តារនីតិសម្បទាខេត្តធឿធៀនហ្វេ (Thua Thien Hue)។
ក៏ដូចជា Shuto Mika និង Obikane Yasuo ភាសាវៀតណាមពិតជាការឧបសគ្គធំមួយចំពោះ Nagase Ippei។ ភាសាថ្មីនេះ ធ្វើឱ្យបងប្រុសមានអារម្មណ៍ពិបាកក្នុងការសន្ទនានិងបំពេញការងារ។ ហើយដោយសារភាពកក់ក្តៅ ជិតស្និទ្ធ ស្និទ្ធស្នាល នៃសហការីវៀតណាមនៅក្រុងហ្វេ បានជួយឱ្យបងឆ្លងកាត់ឧបសគ្គគ្រប់យ៉ាង។ ដោយហេតុនោះ បងមានចិត្តលំនឹង អស់ពីចិត្តនាំយកចំណេះវិជ្ជានិងបទពិសោធន៍បានសន្សំទុកនាប៉ុន្មានឆ្នាំកន្លង ដែលធ្លាប់ធ្វើជាប្រធានក្រុមអ្នកបច្ចេកទេសព្យាបាលដោយចលនា នៅមន្ទីរពេទ្យសកលវិទ្យាល័យសុខាភិបាលផ្នែក Fujita ជប៉ុន ព្យាបាលជូនជំងឺ ក៏ដូចជាជួយលើកកម្ពស់បន្ថែមកម្រិតវិជ្ជាជំនាញជូនដល់អ្នកបច្ចេកទេស នៅមន្ទីរពេទ្យស្តារនីតិសម្បទា ខេត្តធឿនធៀនហ្វេ (Thua Thien Hue)។
អ្នកស្មគ្រចិត្ត Nagase Ippei ព្យាបាលស្តារនីតិសម្បទាសន្លាក់ជង្គង់ ជូនអ្នកជំងឺស្រីម្នាក់នៅក្រុងហ្វេ។ រូបថត៖ ថាញហ្វ័រ អ្នកស្មគ្រចិត្ត Nagase Ippei ណែនាំអ្នកជំងឺរបៀបចលនាស្តារនីតិសម្បទាសន្លាក់ស្មា។ រូបថត៖ ថាញហ្វ័រ ក្តីរីករាយសប្បាយនៃអ្នកជំងឺ បន្ទាប់ពីបានអ្នកស្មគ្រចិត្ត Nagase Ippei ព្យាបាលស្តារនីតិសម្បទាសន្លាក់ជង្គង់។ រូបថត៖ ថាញហ្វ័រ |
ទាំង Obikane Yasuo, Ito Mai, Shuto Mika និង Nagase Ippei សុទ្ធតែអ្នកជាលើកដំបូងបានអញ្ជើញមករស់នៅនិងធ្វើការ នៅប្រទេសវៀតណាម ម្លោះហើយប៉ុន្មានថ្ងៃដំបូង ពួកគាត់បានជួបប្រទះមិនតិច នូវការលំបាកក្នុងការងារដោយសារខុសប្លែកអំពីភាសា វប្បធម៌ និងផ្នត់គំនិតរស់នៅទាំងស្រុង។ ប៉ុន្តែ ដោយទឹកចិត្ត ភាពស្មោះត្រង់ ព្រមទាំងភាពទទួលបន្ទុករបស់ខ្លួន ពួកគាត់បានប្រុងប្រែងឆ្លងកាត់គ្រប់ឧបសគ្គ ដើម្បីធ្វើសម្រេចភារកិច្ចនៃអ្នកស្មគ្រចិត្ត គួរជាទីស្រឡាញ់និងរាប់អាន ក៏ដូចជារួមចំណែកចូលរួមការងារពួនជ្រំទឹកចិត្តមិត្តភាព រវាងប្រទេសទាំងពីរវៀតណាមនិងជប៉ុន។
Shuto Mika ជាអ្នកស្មគ្រចិត្តឧត្តមម្នាក់ ប៉ុន្មាននៅទីក្រុងដាណាំង ក្រៅពីបង្រៀនភាសាជប៉ុន អ្នកនាងក៏ចំណាយពេលវេលាស្វែងយល់អំពីវប្បធម៌នៃជនជាតិវៀតណាម ហើយជីវភាពរស់នៅនៅទីនេះតែងនាំមកជូនអ្នកនាងនូវការពិសោធន៍ផ្សងព្រេងចំណាប់ៗ។ Shuto Mika សំណេះសំណាលថា អ្នកនាងស្រឡាញ់អាវផាយវៀតណាម សែនចំណាប់អារម្មណ៍ និងចង់រៀនយករបៀបរស់នៅដោយសុទិដ្ឋិនិយមនៃជនជាតិវៀតណាម ទោះបីនៅមានលំបាកយ៉ាងច្រើន ប៉ុន្តែមនុស្សគ្រប់គ្នានរណាក៏មានសុទិដ្ឋិនិយម រីករាយសប្បាយ ដើម្បីឆ្ពោះទៅរកអនាគត។
ឯកសារភាសាជប៉ុនក្នុងថ្នាក់រៀនរបស់អ្នកនាង Shuto Mika ។ រូបថត៖ ថាញហ្វ័រ សកម្មភាពសិក្សាក្រុមផុសផុលរវាងអ្នកនាង Shuto Mika និងមិត្តនិស្សិត។រូបថត៖ ថាញហ្វ័រ អ្នកនាង Shuto Mika សម្តែងពិណ ប្រភេទឧបករណ៍តន្រ្តីប្រពៃណីវៀតណាម ជូននិស្សិតស្តាប់នាម៉ោងសម្រាក....។ រូបថត៖ ថាញហ្វ័រ ...និងណែនាំនិស្សិតរបៀបលេងពិណ។ រូបថត៖ ថាញហ្វ័រ |
បណ្ឌិត Obikane Yasuo ក៏ជាអ្នកស្មគ្រចិត្តឧត្តមម្នាក់។ លោកជាអ្នកជំនាញសម្បូរបទពិសោធន៍ខាងវិស័យបច្ចេកទេសអាកាសចរណ៍អវកាស ហើយលោកធ្លាប់ទៅបំពេញការងារអ្នកស្មគ្រចិត្ត នៅប្រទេសនានាលើពិភពលោក។ Obikane Yasuo ចរិតសាមញ្ញ ងាយរាប់អាន លោកជ្រើសក្រុងហ្វេធ្វើជាអាសយដ្ឋានទៅកាន់សម្រាប់អាណាត្តិការងារថ្មីរបស់ខ្លួន ជាមួយនឹងបំណងជាក់ស្តែង នោះគឺរួមកម្លាំងជួយវៀតណាមអភិវឌ្ឍន៍និងវិបុលភាពជាង។ ដោយហេតុនេះ លោកស្វាហាប់នាំយកចំណេះវិជ្ជារបស់ខ្លួន បង្រៀនដល់យុវវ័យ ដោយសង្ឃឹមថាថ្ងៃណាមួយមិនឆ្ងាយ ពួកគាត់អាចធ្វើម្ចាស់ខាងវិស័យបច្ចេកវិទ្យាលំដាប់ពិភពលោក នោះគឺផលិត UAV។ រស់នៅក្រុងហ្វេ Obikane Yasuo បានចែករំលែកពេញដោយចំណាប់អារម្មណ៍៖ “ភាសាវៀតណាមពិបាកណាស់ រីឯម្ហូបអាហារមុខណាក៏ឆ្ងាញ់ បំផុតគឺបន្លែមើម”។
អ្នកស្មគ្រចិត្ត Obikane Yasuo អ្នកជំនាញសម្បូរបទពិសោធន៍ខាងវិស័យបច្ចេកទេសមេកានិច និងអាកាសចរណ៍អវកាស កំពុងធ្វើការនៅសាលាឧត្តមសិក្សាឧស្សាហកម្មហ្វេ។ រូបថត៖ ថាញហ្វ័រ អ្នកស្មគ្រចិត្ត Obikane Yasuo ក្នុងម៉ោងបង្រៀនអំពីទ្រឹស្តីបច្ចេកទេសផលិត UAV នៅសាលាឧត្តមសិក្សាឧស្សាហកម្មហ្វេ។ រូបថត៖ ថាញហ្វ័រ អ្នកស្មគ្រចិត្ត Obikane Yasuo និងសិក្ខកាមនាសាលាឧត្តមសិក្សាឧស្សាហកម្មហ្វេ ក្នុងម៉ោងអនុវត្តផលិត UAV។ រូបថត៖ ថាញហ្វ័រ អ្នកស្មគ្រចិត្ត Obikane Yasuo ក្នុងម៉ោងបង្រៀនអំពីទ្រឹស្តីបច្ចេកទេសផលិត UAV នៅសាលាឧត្តមសិក្សាឧស្សាហកម្មហ្វេ។ រូបថត៖ ថាញហ្វ័រ |
បើប្រៀបនឹងអ្នករួមស្រុកទាំងបីនាក់ Ito Mai និយាយភាសាវៀតណាមពូកែជាង ម្លោះហើយងាយស្រួលជាងក្នុងការងារថៃទាំ និងបង្រៀនកុមារពិការអន់បញ្ញានៅមូលដ្ឋានសិក្សាអប់រំបញ្ចូលក្តីសុបិន្តរួមបៃតងដាណាំង។ ការងារទោះបីលំបាកបន្តិច ប៉ុន្តែ Ito Mai ស្លូតត្រង់ ទ្រាំលំបាក មិនត្អូញត្អែរ យ៉ាងនេះកុមារនរណាក៏ស្រឡាញ់អ្នកនាងដែរ។ ដោយសារទឹកចិត្តស្រឡាញ់របស់កុមារ បានផ្តល់កម្លាំងអារម្មណ៍ ដើម្បី Ito Mai អស់ពីចិត្តផ្សារភ្ជាប់នឹងការងារ ជាមួយក្រុងដាណាំង ជាទីកន្លែង ដែលអ្នកនាងដាក់អារម្មណ៍ស្រឡាញ់ ចាប់តាំងពីថ្ងៃដំបូងបោះជំហានឈានចូលមកដល់ទីនេះ៕
អ្នកស្មគ្រចិត្ត Ito Mai អ្នកមានបទពិសោធន៍ជិត២០ឆ្នាំ ខាងវិស័យថែទាំ ឧបត្ថម្ភ ជូនជនពិការរាងកាយនិងអន់បញ្ញា។ រូបថត៖ ថាញហ្វ័រ អ្នកស្មគ្រចិត្ត Ito Mai ណែនាំកុមាររបៀបធ្វើនំដំឡូងបារាំង។ រូបថត៖ ថាញហ្វ័រ អ្នកស្មគ្រចិត្ត Ito Mai ណែនាំកុមាររបៀបធ្វើប្រដាប់លេងដោយក្រដាសពណ៌។ រូបថត៖ ថាញហ្វ័រ |
កម្មវិធីបញ្ជូនអ្នកស្មគ្រចិត្តរបស់ JICA ចាប់ផ្តើមបានពង្រាយនៅវៀតណាម នៅឆ្នាំ១៩៩៥។ មកដល់សព្វថ្ងៃមានអ្នកស្មគ្រចិត្តជាង៦០០នាក់ បានបញ្ជូនមកធ្វើការនៅគ្រប់ខេត្តក្រុងទូទាំងប្រទេស។ សព្វថ្ងៃ មានអ្នកស្មគ្រចិត្តរបស់ JICA កំពុងពង្រាយសកម្មភាពលើគ្រប់វិស័យដូចជា៖ បង្រៀនភាសាជប៉ុន សុខាភិបាល កីឡា សិក្សាអប់រំ ទេសចរណ៍ សុខុមាលភាពសង្គម កសិរុក្ខជលផល ឧស្សាហកម្មរណប និងអភិវឌ្ឍន៍មូលដ្ឋានជាដើម។ល។ រួមចំណែកលើការអភិវឌ្ឍជីវភាពរស់នៅ មនុស្សនិងដំណោះស្រាយបញ្ហាសង្គមនៅវៀតណាម ទន្ទឹមនោះក៏ជាតម្រូវការពួនជ្រំទឹកចិត្តមិត្តភាព រវាងវៀតណាមនិងជ៉បុន។ |
អត្ថបទនិងរូបថត៖ ថាញហ្វ័រ