កុលាលភាជន៍ជូដូវ (Chu Dau) ជាប្រភេទកុលាលភាជន៍បុរាណមួយរបស់វៀតណាម ដែលមានអាយុកាលនៅសតវត្សរ៍ទី១២ អភិវឌ្ឍន៍រុងរឿងនៅសតវត្សរ៍ទី១៤និងទី១៥ សាបរលាបនៅសតវត្សរ៍ទី១៧ ជាមួយនឹងប្រវត្តិជិត៦០០ឆ្នាំ ប្រភេទកុលាលភាជន៍នេះ បានរកឃើញនៅឆ្នាំ៨០នៃសតវត្សរ៍ទី២០ ពីថូផ្កាតាំងនៅសារមន្ទីរ Topaki Saray, Istanbul ទួគី ជាទីកន្លែងដែលមានកំណត់ត្រានៃលោកស្រីជាគ្រូដើមនៃមុខរបរកុលាលភាជន៍ជូដូវ (Chu Dau) ប៊ូយ ធីហ៊ី (Bui Thi Hy)។
យល់ឃើញអត្ថន័យនិងតម្លៃ នៃកុលាលភាជន៍ជូដូវ (Chu Dau) នៅឆ្នាំ២០០១ អគ្គក្រុមហ៊ុនពាណិជ្ជកម្មហាណូយ - ក្រុមហ៊ុនភាគហ៊ុន Hapro (សមាជិកសម្ពន្ធក្រុមហ៊ុន BRG ) បានបង្កើតក្រុមហ៊ុនកុលាលភាជន៍ជូដូវ (Chu Dau) ជាមួយនឹងបេសកកម្មស្តារឡើងវិញនូវប្រភេទកុលាលភាជន៍បុរណ ដែលបានបាត់បង់ទៅ កសាងជូដូវ (Chu Dau) ក្លាយជាពាណិជ្ជសញ្ញាកុលាលភាជន៍ប្រើប្រាស់លំដាប់ខ្ពស់ នៅទីផ្សារក្នុងស្រុកនិងនាំចេញ ទន្ទឹមនោះអភិវឌ្ឍន៍តំបន់ភូមិរបរជនបទជូដូវ (Chu Dau) ឃុំថៃតឹន (Thai Tan) ក្លាយជាទីកន្លែងទេសចរណ៍កុលាលភាជន៍។
 រោងចក្រផលិតកុលាលភាជន៍ ក្រុមហ៊ុនភាគហ៊ុនកុលាលភាជន៍ជូដូវ (Chu Dau) បានស្តារឡើងវិញនិងអភិវឌ្ឍន៍ប្រភេទកុលាលភាជន៍ជូដូវ (Chu Dau) ដែលមានប្រវត្តិជាង៦០០ឆ្នាំ។ រូបថត៖ ទ្រិញប៊ូ  សិប្បករកុលាលភាជន៍ជូដូវ (Chu Dau) ឃ្មាតខ្មីគូរក្បាច់រចនាលើថូផ្កាកុលាលភាជន៍ថ្មី។ រូបថត៖ ទ្រិញប៊ូ  តុបតែងវិចិត្រសិល្បៈសម្រាប់កុលាលភាជន៍ដោយវិធីគូរជាគំរូ។ រូបថត៖ ទ្រិញប៊ូ  តាក់តែងដោយបច្ចេកទេស នៅលើផលិតផលចានកុលាលភាជន៍ជូដូវ (Chu Dau)។ រូបថត៖ ទ្រិញប៊ូ  ផលិតផល ពីង ថូផ្កាកុលាលភាជន៍ កំពុងបានកម្មករលាយពណ៌កាចា។ រូបថត៖ ទ្រិញប៊ូ  ក្រុមហ៊ុនភាគហ៊ុនកុលាលភាជន៍ជូដូវ (Chu Dau) បានទាក់ទាញពលករនៃភូមិរបរកុលាលភាជន៍ជាង៥០០នាក់ ចូលរួមធ្វើការ។ រូបថត៖ ទ្រិញប៊ូ  នៅលើថូកុលាលភាជន៍ គឺជាក្បាច់រចនា ពាំនាំលក្ខណៈវប្បធម៌ប្រពៃណី។ រូបថត៖ ទ្រិញប៊ូ  រូបភាពត្រីឆ្ពិនមាស បានគូរនៅលើថូកុលាលភាជន៍ ជាប្រធានបទវប្បធម៌ប្រជាប្រិយមួយ ដែលធ្លាប់ស្គាល់នៅលើកុលាលភាជន៍ជូដូវ (Chu Dau)។ រូបថត៖ ទ្រិញប៊ូ  ជ្រុងមួយនៃផលិតផលកុលាលភាជន៍ថ្មី ត្រៀមយកទៅដុត។ រូបថត៖ ទ្រិញប៊ូ |
ក្រុមហ៊ុនកុលាលភាជន៍ជូដូវ (Chu Dau) ស្តារឡើងវិញនូវកុលាលភាជន៍បុរាណគំរូរាប់ពាន់គ្រឿង ជាមួយនឹងរូបសណ្ឋាន ខ្នាត ផ្សេងៗ។ ប្រភេទកុលាលភាជន៍ជូដូវ (Chu Dau) រួមមាន៖ កុលាលភាជន៍ចេតនាភាព ថូផ្កា កុលាលភាជន៍តុបតែង កុលាលភាជន៍ហុងស៊ុយ កុលាលភាជន៍ប្រើប្រាស់ វត្ថុអំណោយ ប៉ានតែជាដើម។ល។ បានមានវត្តមាននៅពិធីបុណ្យ ផ្សារណាត់ តាំងពិព័រណ៍ក្នុងស្រុកនិងបរទេស។
|
ក្រុមហ៊ុនភាគហ៊ុនកុលាលភាជន៍ជូដូវ (Chu Dau)៖ |
នាខែឧសភា ឆ្នាំ២០០៣ សហគ្រាសកុលាលភាជន៍ជូដូវ (Chu Dau) បាននាំចេញឈុតទំនិញដំបូងទៅកាន់ទីផ្សារអេស្ប៉ាញ មកដល់សព្វថ្ងៃក្រុមហ៊ុនបានអភិវឌ្ឍន៍ទីផ្សារនាំចេញ ទៅកាន់ប្រទេសចំនួន៣០ នៅលើពិភពលោកដូចជា៖ ប្រទេសជប៉ុន អាល្លឺម៉ង់ អេស្ប៉ាញ សហរដ្ឋអាមេរិក រុស្ស៊ី និងចិនជាដើម។ល។ ផលិតកម្មកំណើនជាមធ្យម១២៥%ក្នុងមួយឆ្នាំ ទាក់ទាញពលករនៃភូមិរបរជូដូវ (Chu Dau) ជាង៥០០នាក់ ដោយមានប្រាក់ចំណូលមធ្យម៨,៥លានដុងក្នុងមួយខែ ប្រាក់ចំណូលប្រហែល៤០០ពាន់លានដុងក្នុងមួយឆ្នាំ។
ក្រុមហ៊ុនកុលាលភាជន៍ជូដូវ (Chu Dau) បច្ចុប្បន្នដូចជាប្រជុំភូមិរបរទេសចរណ៍មួយ ជាមួយនឹងអគារតាំងពិព័រណ៍និងឧទ្ទេសនាមផលិតផលកុលាលភាជន៍ទូលាយ១០០០ម៉ែត្រការេ បរិវេណទេសចរណ៍ពិសោធន៍ផ្សងព្រេង ស្វែងយល់អំពីរោងចក្រភូមិកុលាលភាជន៍ ទូលាយជាង៣៣.២៥០ម៉ែត្រការេ ដែលនរណាក៏ឃើញនូវលក្ខណៈសម្រស់ នៃភូមិស្រុកប្រពៃណីវៀតណាម។ រៀងរាល់ឆ្នាំ ជូដូវ (Chu Dau) ទទួលភ្ញៀវទេសចរណ៍ក្នុងស្រុកនិងបរទេសរាប់ពាន់នាក់ ធ្វើដំណើរអញ្ជើញមកទស្សនានិងទិញដូរ។
ក្នុងឆ្នាំ២០២០ ក្រុមហ៊ុនភាគហ៊ុនកុលាលភាជន៍ នឹងធ្វើសម្រេចតំបន់ផលិតប្រមូលផ្តុំភូមិរបរ ជាមួយនឹងផ្ទៃដីប្រហែល១០ហិកតា។ នេះជាអាយដ្ឋានអញ្ជើញមកសម្រាប់ទេសចរណ៍ស្វែងយល់អំពី វប្បធម៌ពិសេស នៃតំបន់វាលទំនាបទន្លេក្រហម។ ជូដូវ (Chu Dau) បានអគ្គនាយកដ្ឋានទេសចរណ៍វៀតណាម ជ្រើសរើស ជាអាសយដ្ឋានសម្រាប់រំលឹកអនុស្សាវរីយ៍ ទិវាទេសចរណ៍ពិភពលោក ទន្ទឹមនោះបើកជើងដំណើរទេសចរណ៍ថ្មីដ៏ទាក់ទាញ នៅភូមិកុលាលភាជន៍ជូដូវ (Chu Dau)។
 កុលាលភាជន៍គំរូជូដូវ (Chu Dau) មួយចំនួន ដែលបានធ្វើសម្រេច។ រូបថត៖ ទ្រិញប៊ូ  បរិយាកាសតាំងពិព័រណ៍កុលាលភាជន៍ជូដូវ (Chu Dau) ដូចជាសារមន្ទីរផលិតផលកុលាលភាជន៍ជូដូវ (Chu Dau) មួយ ដែលមានបែបសណ្ឋាន ប្រធានបទយ៉ាងច្រើន។ រូបថត៖ ទ្រិញប៊ូ  ប៉ានតែកុលាលភាជន៍ជូដូវ (Chu Dau) គំរូ មិនត្រឹមតែស្អាតដោយការបង្កើតរាង នៅទាំងមានរាងនិងពណ៌កាចាស្អាតផងដែរ។ រូបថត៖ ទ្រិញប៊ូ  ថូផ្កាកុលាលភាជន៍ជូដូវ (Chu Dau) ដែលបានធ្វើសម្រេច។ រូបថត៖ ទ្រិញប៊ូ  ថូផ្កាកុលាលភាជន៍ជូដូវ (Chu Dau) មានក្បាច់រចនាប្រណីត។ រូបថត៖ ទ្រិញប៊ូ |
សព្វថ្ងៃ សារមន្ទីរចំនួន៤៦នៅលើពិភពលោក កំពុងតាំងពិព័រណ៍វត្ថុកុលាលភាជន៍ជូដូវ (Chu Dau)។ ក្នុងកម្មវិធីដេញថ្លៃ ថូផ្កាកុលាលភាជន៍កម្ពស់៥៤សង់ទីម៉ែត្រ នៅសារមន្ទីរ Topakisaray តថ្លៃបានដល់១លានដូល្លាអាមេរិក។ ថ្ងៃទី៩ ខែកញ្ញា ឆ្នាំ២០១៩ កុលាលភាជន៍ជូដូវ (Chu Dau) បានរៀបចំឯតទគ្គកម្មពិភពលោក ទទួលស្គាល់ចានទៀបអក្សរក្បាច់ថាំងឡុង (Thang Long) ១០០០អក្សរ ដែលបានសរសេរបែបអក្សរក្បាច់ សម្រេចជាឯតទគ្គកម្មពិភពលោក។ ចានទៀបមិនត្រឹមតែលើកស្ទួយថ្វីដៃ នៃសិប្បករជូដូវ (Chu Dau) នៅទាំងផ្សាយកិត្យានុភាពមុខរបរកុលាលភាជន៍វៀតណាម សក្តិសមនឹងអក្សរមាសទាំង១០ របស់លោកនាយករដ្ឋមន្រ្តី ង្វៀន ស្វឹនភុក (Nguyen Xuan Phuc) ប្រគល់ជូន៖ កុលាលភាជន៍ជូដូវ (Chu Dau) លក្ខណៈអត្ថសញ្ញាណវៀតណាម ផ្សាយរស្មីគ្រប់ទ្វីបទាំង៥៕
អត្ថបទ៖ ប៊ិចវឹន រូបថត៖ ទ្រិញ វ៉ាន់ប៊ូ និងឯកសារ
