ដើម្បីសម្រេចគំនូរផ្តិតពីឈើឆ្លាក់មួយផ្ទាំង តាមវិចិត្រករ ត្រឹនង្វៀនដាន (Tran Nguyen Dan) ឲ្យដឹងថា៖ ដំ ណាក់កាលពិបាកបំផុតគឺការស្វែងរកគំនិតនិងប្រធានបទដែលធ្វើយ៉ាងណា ដើម្បីចំពោះប្រធានមួយអាចបង្កើតបន្ទះឈើឆ្លាក់មានភាពខុសគ្នាជាច្រើន។ គំនូរផ្តិតពីឈើឆ្លាក់របស់លោកដាន (Dan) មានពីរប្រធានបទស្នូលគឺទេសភាពនិងប្រជាជនធ្វើការងារ។
ទស្សនិកជនបានមើលឃើញក្នុងគំនូររបស់លោកនូវដោយសម្បូរបែបនិងមានអារម្មណ៍ថារាល់តួអង្គក៏ដូចជាផ្ទះ វាលស្រែ បឹងទន្លេ ទូកក្បួន ភ្នំ សុទ្ធតែរាំយ៉ាងស៊ីចង្វាក់គ្នា។ គយគន់គំនូររបស់វិចិត្រ ត្រឹនង្វៀនដាន យើងអាចយល់ថា លោកបានបង្ហាញយ៉ាងពេញលេញព្រលឹងជាតិតាំងពីប្រធានបទរហូតដល់ការកកើតជាផ្ទាំងគំនូរ។
មានជំនាញក្នុងមុខរបរនេះ នៅពេលដែលប្រទេសជាតិមានសង្គ្រាមនិងការលក់ដូរត្រូវបានកំរិតដោយរដ្ឋ ដូច្នេះវិចិត្រករ ត្រឹនង្វៀនដាននៅតែរក្សាទម្លាប់ឆ្លាក់ឈើ សូម្បីតែត្រូវតភ្ជាប់ឈើបញ្ចូលគ្នា ដើម្បីបង្កើតជាបន្ទះឈើធំមួយ ។ លោកប្រើកាំបិតឆ្លាក់មួយឈុតដែលមានផ្លែដូចអក្សរ V ហើយដៃមួយកាន់ដងកាំបិតនិង ដៃមួយដាក់លើផ្ទៃមុខឈើ ដើម្បីបង្កើតបណ្តាស្នាមឆ្លាក់ឲ្យបានច្បាស់លាល់់។ ទន្ទឹមនឹងរបៀបឆ្លាក់ឈើសំរាប់គំនូរប្រជាប្រិយ លោកក៏ប្រើបច្ចេកទេសឆ្លាក់យ៉ាងបត់បែន ដែលមានរចនាបថទំនើប ដើម្បីបង្កើតស្នាមឆ្លាក់ដ៏សម្បូរបែបនិងពោរពេញទៅដោយមនោសញ្ចេតនាលើឈើ។
 បណ្តាស្នាដៃត្រូវបានគូរយ៉ាងលំអិតមុនពេលឆ្លាក់លើឈើ  ដោយឧបករណ៍សាមញ្ញា វិចិត្រករ ត្រឹនង្វៀនដាន បានបង្កើតបណ្តាស្នាដៃពិសេស  ដំណាក់កាលប្រើធ្យូងក្រដាស ដើម្បីចម្លងគំនូរលើឈើ  ឆ្លាក់ឈើគឺដំណាក់កាលចំណាយពេលវេលានិងកម្លាំងជាច្រើនបំផុត  ស្នាដៃឆ្លាក់លើឈើបានសម្រេចនឹងលាបទឹកខ្មៅ មុនពេលផ្តិតលើក្រដាស  នៅពេលលាបទឹកខ្មៅលើបន្ទះឈើឆ្លាក់ត្រូវស្មើគ្នា ដើម្បីផ្តិតលើក្រដាសមិនរលុប  ក្នុងដំណើរការចម្លងលើក្រដាស វិចិត្រករត្រូវប្រើស្រកីននោងនិងត្រដុសលើក្រដាស ដើម្បីបណ្តាស្នាមស្មើគ្នា  ស្នាដៃមួយត្រូវបានសម្រេច  ក្នុងរយៈពេលជិត៥០ ឆ្នាំ ប្រកបមុខរបរផ្តិតគំនូរពីឈើឆ្លាក់ វិចិត្រករ ត្រឹនង្វៀនដាន ត្រូវបានស្គាល់ដូចជាអ្នកជំនាញក្នុងមជ្ឈដ្ឋានធ្វើគំនូរពីឈើឆ្លាក់ពីឈើវៀតណាម |
វិចិត្រករ ត្រឹនង្វៀនដាន បានបន្សល់ទុកចំណាប់អារម្មណ៍ជាច្រើនក្នុងដួងចិត្តអ្នកស្រឡាញ់វិចិត្រសិល្បៈ ពីព្រោះការឆ្លាក់ប្រកបដោយស្រស់ស្អាត សាមញ្ញនិងពោរពេញទៅដោយមនោសញ្ចេតនា។ បន្ទាប់ពីឆ្លាក់លើឈើវិចិត្រករ ត្រឹនង្វៀនដាន បានផ្តិតលើក្រដាសយ៉ោ ក្រដាសឌៀប ឬលើសូត្រ ក្រណាត់។ល។ ជាដើម។
នាពេលថ្មីៗនេះ គំនូរពីឈើឆ្លាក់របស់វិចិត្រករ ត្រឹនង្វៀនដាន ចំនួន ១០០ ផ្ទាំងបានផ្តិតក្នុងដំណាក់កាលពីឆ្នាំ១៩៦៧ ដល់ ឆ្នាំ២០១៥ត្រូវបានលោកស្រីង្វៀនធិធូហ័រ (Nguyen Thi Thu Hoa) ប្រមូលនិងដាក់តាំងពិព័រណ៍នៅ “ស្នាមឆ្លាក់ពីសម័យប្រពៃណីទៅដល់សម័យទំនើប”។
វាយតំលៃចំពោះបណ្តាគំនូរផ្តិតពីឈើឆ្លាក់របស់វិចិត្រករ ត្រឹនង្វៀនដាន អ្នកស្រាវជ្រាវ ង្វៀនឌឹកហ័រ (Nguyen Duc Hoa) បានសន្និដ្ឋានថា៖ “គំនូររបស់វិចិត្រករ ត្រឹនង្វៀនដានតែងតែបង្ហាញស្មារតីជនជាតិវៀតណាម តាំងពីគំនូសផ្នែកដិតស្រាលនិងដិតច្បាស់ រហូតដល់ស្នាម ពណ៌ សូម្បីតែភាពស្រស់ស្អាតក៏បង្ហាញប្រលឹងរបស់ជាតិផងដែរ”។
រហូតដល់នាសព្វថ្ងៃនេះ លោកបានចូលនិវត្តន៍ហើយ ប៉ុន្តែលោកនៅតែទុកពេលវេលានិងប្រាជ្ញា ដើម្បីបង្កើតបណ្តាគំនូរផ្តិតពីឈើឆ្លាក់ ដែលមានតំលៃ។ វិចិត្រករ ត្រឹនង្វៀនដាន បានចែករំលែកថា៖ លោកគូរជាច្រើន ប៉ុន្តែលោកគ្មានគំនិតទុកគំនូរទាំងនោះជាទ្រព្យសម្បត្តិដោយឡែកទេ ដើម្បីរៀបចំសារមន្ទីររបស់ខ្លូននៅពេលក្រោយ លោកចង់ផ្ញើបណ្តាគំនូរនេះទៅដល់អ្នកប្រមូលនិងបណ្តាសារមន្ទីរវិចិត្រសិល្បៈក្នុងនិងក្រៅប្រទេស ដើម្បីបន្តរក្សានិងពង្រឹងតំលៃសិល្បរបស់គំនូរផ្តិតពីឈើឆ្លាក់វៀតណាម./.
 ស្នាដៃ"រដ្ឋធានីហាណូយក្នុងកែវភ្នែកខ្ញុំ"  ស្នាដៃ "ទីក្រុងរបស់ផ្កាក្ងោកពណ៌ក្រហម"  ស្នាដៃ "ខ្ញុំស្រឡាញ់រដ្ឋធានីហាណូយ"  ស្នាដៃ "នារីជនជាតិយ៉ាវដរ (Dao Do)"  ស្នាដៃ "ថ្ងៃនិទាយរដូវរបស់ច្រៀងប្រជាប្រិយ"  ស្នាដៃ "ហុយអាន (Hoi An)ក្នុងកែវភ្នែកខ្ញុំ"  ស្នាដៃ "ទីក្រុងនៅក្បែរទន្លេ"  ស្នាដៃ "គ្វឹកទឹយ៉ាម (Quoc Tu Giam)នៅរដូវស្លឹកឈើជ្រុះ"  ស្នាដៃ "វត្តកូវហុយអាន (Cau Hoi An) " |
|
ស្នាដៃរបស់វិចិត្រករ ត្រឹនង្វៀនដាន បានប្រគល់ពានរង្វាន់លេខមួយនៅការតាំងពិព័រណ៍ក្នុងរយៈពេល ១០ ឆ្នាំនៃសិល្បៈគូរទូទាំងប្រទេសនាឆ្នាំ១៩៨៥ ពានរង្វាន់លេខ ៣ ក្នុងសមាគមន៍វិចិត្រសិល្បវៀតណាមឆ្នាំ១៩៩៤ ពានរង្វាន់ B ក្នុងការតាំងពិព័រណ៍វិចិត្រសិល្បតំបន់ ១ (រដ្ឋធានីហាណូយ) នាឆ្នាំ២០០០។ ជាពិសេស នាឆ្នាំ២០០៧ វិចិត្រករ ត្រឹនង្វៀនដាន ត្រូវបានប្រគល់ពានរង្វាន់រដ្ឋអំពីវប្បធម៌សិល្បៈលើកទី ២ សំរាប់គំនូរឆ្លាក់ចំនួន ៥ ផ្ទាំង “សិល្បហាងត្រុង (Hang Trong)” “ឧស្សាហ៍រៀនសូត្រនិងធ្វើការងារ” “ត្រឡប់ទៅតាមបាក (Tam Bac) វិញ” “ពិធិបុណ្យអារាមស្តេចហ៊ុង ( Vua Hung) ” និង“ថាំងឡុង -ដុងដូ - ហាណូយ (Thang Long –Dong Do- Ha Noi)។” |
