• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ពង្រឹងកិច្ចសហប្រតិបត្តិការសភាក្នុងការឆ្លើយតបទៅនឹងជំងឺរាតត្បាតកូវីដ ១៩

គណៈប្រតិភូ គណៈកម្មាធិការកិច្ចការបរទេសនៃរដ្ឋសភាវៀតណាម ដឹកនាំដោយ លោក Vu Hai Ha ប្រធានគណៈកម្មាធិការបានចូលរួមកិច្ចប្រជុំនេះ។

ប្រធានគណៈកម្មាធិការកិច្ចការបរទេសនៃរដ្ឋសភាវៀតណាម លោក Vu Hai Ha (កណ្ដាល) ជាមួយប្រតិភូដែលផ្សាយចេញពីទីក្រុងហាណូយ (ប្រភព៖ TTXVN)

នៅព្រឹកថ្ងៃទី ២៣ ខែកញ្ញា អង្គសន្និសីទលើកទី៨ នៃគណៈកម្មការកិច្ចការបរទេសនៃសភា កម្ពុជា-ឡាវ-វៀតណាម  (CLV) បានចាប់ផ្តើមបើកដំណើរការក្រោមការដឹកនាំរបស់រដ្ឋសភាកម្ពុជាដែលផ្សាយចេញពីវិមានរដ្ឋសភាកម្ពុជា តាមប្រព័ន្ធនិម្មិត។ គណៈប្រតិភូ គណៈកម្មាធិការកិច្ចការបរទេសនៃរដ្ឋសភាវៀតណាម ដឹកនាំដោយ លោក Vu Hai Ha ប្រធានគណៈកម្មាធិការ បានចូលរួមកិច្ចប្រជុំនេះ។

ក្រោមមូលបទស្តីពី “ការលើកកម្ពស់ភាពជាដៃគូសភាដើម្បីការអភិវឌ្ឍប្រកបដោយចីរភាពនិងការឆ្លើយតបទៅនឹងវិបត្តិកូវីដ - ១៩ នៅតំបន់ត្រីកោណអភិវឌ្ឍន៍កម្ពុជា-ឡាវ-វៀតណាម សន្និសីទនេះមានគោលបំណងចែករំលែកបទពិសោធន៍និងដោះស្រាយបញ្ហាប្រឈមនានា ក្នុងគោល បំណងលើកទឹកចិត្តនិងគាំទ្ររដ្ឋាភិបាលនៃប្រទេសទាំងបី បង្កើតតំបន់ត្រីកោណអភិវឌ្ឍន៍ដែលមានភាពរុងរឿង ជាពិសេសក្នុងការស្តារឡើងវិញនូវផលប៉ះពាល់ដែលបណ្តាលមកពីជំងឺរាតត្បាតលើសេដ្ឋកិច្ចនិងជីវភាពរស់នៅរបស់ប្រជាជនក្នុងតំបន់។

ថ្លែងមតិនៅសន្និសីទ ប្រធានគណៈកម្មាធិការកិច្ចការបរទេសនៃរដ្ឋសភាវៀតណាម លោក Vu Hai Ha បានអះអាងថា៖ “ក្នុងបរិបទដែលពិភពលោកនិងតំបន់នៅឆ្នាំ ២០២១ កំពុងរងផលប៉ះពាល់យ៉ាងធ្ងន់ធ្ងរពីជំងឺរាតត្បាតកូវីដ ១៩, គណៈប្រតិភូវៀតណាមបានឯកភាពជាមួយប្រធានបទនៃសន្និសីទនេះ។ ខ្លឹមសារនៃប្រធានបទគ្រាន់តែទាមទារឱ្យមានការខិតខំប្រឹងប្រែងរបស់យើង ក្នុងការអនុវត្តការ ប្តេជ្ញាចិត្តសំដៅអភិវឌ្ឍន៍សេដ្ឋកិច្ចនិងសង្គមឱ្យបានទូលំទូលាយ ក្នុងតំបន់ត្រីកោណអភិវឌ្ឍន៍ប្រកបដោយនិរន្តរភាព។ ទន្ទឹមនឹងនេះ ដាក់ចេញដំណោះស្រាយប្រកបដោយប្រសិទ្ធ ភាព ដើម្បីទប់ទល់នឹងស្ថានភាពជំងឺរាតត្បាតស្មុគស្មាញនាពេលបច្ចុប្បន្ន”។

 

គណៈប្រតិភូគណៈកម្មាធិការកិច្ចការបរទេសនៃរដ្ឋសភាវៀតណាមដឹកនាំដោយលោក Vu Hai Ha ប្រធានគណៈកម្មាធិការបានចូលរួមនៅសាលប្រជុំផ្សាយចេញពីទីក្រុងហាណូយ (ប្រភព៖ TTXVN)


គណៈប្រតិភូរដ្ឋសភាវៀតណាមបានអំពាវនាវឱ្យមានសាមគ្គីភាពនិងការទទួលខុសត្រូវរួមនៃតំបន់ត្រីកោណអភិវឌ្ឍន៍ក្នុងកិច្ចសហប្រតិបត្តិការនិងការចែករំលែកបទពិសោធន៍ ជាពិសេសការប្រើប្រាស់វិទ្យាសាស្ត្រនិងបច្ចេកវិទ្យាដើម្បីគ្រប់គ្រងជំងឺរាតត្បាតកូវីដ -១៩ ប្រកបដោយប្រសិទ្ធភាព។ គណៈប្រតិភូវៀតណាមក៏បានស្នើពង្រឹងកិច្ចសហប្រតិបត្តិការរវាងប្រទេសទាំងបីនិងដៃគូក្នុងការស្រាវជ្រាវ អភិវឌ្ឍន៍ និងការចែករំលែកដោយយុត្តិធម៍ នូវវ៉ាក់សាំង ថ្នាំនិងឧបករណ៍បង្ការប្រយុទ្ធប្រឆាំងជំងឺកូវីដ ១៩៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top