• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

បទយកការណ៍ឯកទេស

ផ្លែគូលែននាំចេញ

រដូវប្រមូលផលគូលែនឆ្នាំ២០១៥ ខេត្តបាក់យ៉ាងនិងខេត្តហាយយឿងទទួលព័ត៌មានល្អជាបន្តបន្ទាប់ នៅពេលការបញ្ជូនផលិតផលផ្លែគូលែនជាច្រើនបានមានវត្តមាននៅទីផ្សារនៃបណ្តាប្រទេសក្នុងទ្វីបអឺរ៉ុប ទ្វីបអាមេរិក ទ្វីបអូសេអានី និងទ្វីបអាស៊ី។ ជាពិសេស ទីផ្សារពីរដ៏លំ​បាក​គឺ​ទី​ផ្សារប្រទេសអាមេរិក និងទីផ្សារប្រទេសអូស្ត្រាលី ផ្លែគូលែនវៀតណាមបានមាន“ទិដ្ឋការ”  បានបើកចំហរនូវក្តីសង្ឃឹម ដើម្បីលើកកម្ពស់តំលៃរបស់ផ្លែគូលែនវៀតណាម។ មានសភាពអ៊ូអរនារដូវប្រមូលផលគូលែននៅស្រុកលូកង៉ាន
នារាល់ពាក់កណ្តាលខែមិថុនា គ្រប់ផ្លូវចេញចូលនៅទីរួមស្រុកជូ (ស្រុកលូកង៉ាន ខេត្តបាក់យ៉ាង) ដូចជាគ្របដណ្តប់លើខ្លូននូវពណ៌ក្រហមឆ្អៅ។ បងប្អូនកសិករពីបណ្តាឃុំកឹមសើន ឃុំតឹនសើន ឃុំផុងវ៉ឹន ឃុំសាលី ឃុំហុងយ៉ាង... តាន់តាប់ដឹកធុងផ្ទុកផ្លែគូលែនដែលមានទំងន់រាប់រយគីឡូក្រាមដោយម៉ូតូមកដល់បណ្តាសា ខាប្រមូលទិញតាមដងផ្លូវជាតិលេខ ៣១។

តាមស្ថិតិរបស់គណៈកម្មាធិការប្រជាជនស្រុកលូកង៉ាន ខ្សែផ្លូវជាតិលេខ៣១ចាប់ពីចំណុចផ្លូវបែកជាបីគីមរហូតដល់មជ្ឈមណ្ឌលទីរួមស្រុកជូ មានប្រវែងប្រហែលជា ៥ គីឡូម៉ែត្រ ប៉ុន្តែមានសាខាចុះបញ្ជីប្រមូលទិញផ្លែគូលែនចំនួនប្រហែល ១០០០សាខា។ បងស្រីង្វៀនយ៉ាង ម្ចាស់សាខាមួយឲ្យដឹងថា៖  “ក្នុងប៉ុន្មានឆ្នាំកន្លងទៅ រដូវប្រមូលផលផ្លែគូលែនបានជាសន្ធឹក ប៉ុន្តែតម្លៃបានធ្លាក់ចុះយ៉ាងគំហុក។ រដូវប្រមូលផលគូលែនឆ្នាំនេះចម្លែកៗណាស់។ ប្រមូលផលជាសន្ធឹកផងហើយតំលៃលក់ផ្លែគូលែក៏ខ្ពស់ផង ដូច្នេះបងប្អូនកសិករនិងពាណិជ្ជករយើងខ្ញុំសុទ្ធតែសប្បាយខ្លាំងណាស់!”

ដំណាំពូជគូលែនមានគុណភាពខ្ពស់ទទួលស្តង់ដា Global Gap របស់ស្រុកលូកង៉ាន ខេត្តបាក់យ៉ាង។
រូបថត៖ ទ្រីញបូ


គ្រួសារបងស្រីផាមធីង៉ា (ភូមិកែប ១ ឃុំហុងយ៉ាង) ប្រមូលផលផ្លែគូលែនមានទំហំដីដាំ ១.៧ ហិចតា ផលិតតាមបទដ្ឋាន Global GAP បំរើការនាំចេញចូលទីផ្សារប្រទេសអាមេរិកនិងប្រទេសអូស្ត្រាលី។ រូបថត៖ ទ្រីញបូ

គណៈកម្មាធិការប្រជាជនខេត្តបាក់យ៉ាងបានរៀបចំទំហំដី ១០០ ហិចតានិងផ្តល់ឲ្យគ្រួសារចំនួន ១០៩ អនុវត្តតំបន់ដាំដំណាំគូលែនតាមស្តង់ដា Global GAP នៅឃុំហុងយ៉ាង ដើម្បីបំរើការនាំចេញ។ រូបថត៖ថុងធៀន

តំណាងស្ថាប័នធ្វើតេស្តរកមេរោគ (ក្រសួងកសិកម្មអាមេរិក) ដល់តំបន់ដាំដំណាំគូលែន Global GAP ផលិតតាមបទដ្ឋាន នៅឃុំហុងយ៉ាង។ រូបថត៖ ម៉ាញមិញ

ទិដ្ឋភាពរួមនៃទំហំដីដាំដំណាំគូលែននាំចេញតាមស្តង់ដា Global GAP នៅភូមិហុងយ៉ាង។ រូបថត៖ ទ្រីញបូ

លោកត្រឹនក្វាងតឹន ប្រធានគណៈកម្មាធិការប្រជាជនស្រុកលូកង៉ាន
គ្រោងរដូវប្រមូលផលផ្លែគូ​លែ​ន​ឆ្នាំ ២០១៥ ស្រុកលូក​ង៉ាន​​ផលិតបានពី ១០០ – ១៣០​ តោន។ ផ្លែគូលែន​លូក​​ង៉ាន​ចូលកាន់តែជ្រៅក្នុង​ទីផ្សារ​អាមេរិកនិងអូស្ត្រាលីប្រកបដោយជោគជ័យ​ ដែលនឹង​ជួយកសិករ​ដាំដំណាំគូ​លែន​​មានលក្ខណៈ​ផលិតឡើង​​វិញ បង្កើ​នគុណភាពដំ​ណាំ​និងអនុវត្តន៍បច្ចេកវិទ្យារក្សា​ទុក ក្រោយពេលប្រមូល​ផល​ដើម្បី​លើកកម្ពស់តំលៃផលិត​ផល។
ភាពប្លែកនៃរដូវប្រមូលផលផ្លែគូលែនលូកង៉ានឆ្នាំនេះ ត្រូវបងង្វៀនវ៉ាន់ម៉ាញ ប្រធានការិយាល័យនៃគណៈកម្មាធិការប្រជាជនស្រុកពន្យល់ថា ៖“ផ្លែគូលែន​លូក​ង៉ានបានមានឳកាសចូលកាន់តែជ្រៅទីផ្សារបរទេសដូចជា៖ ប្រទេសអាមេរិក​ ប្រទេសអូស្ត្រាលី ប្រទេសកូរ៉េខាងត្បូង ប្រទេសជប៉ុន ប្រទេស​បារាំង​...​ដូច្នេះបរិមាណក្រុមហ៊ុន អជីវកម្មចុះបញ្ជើប្រមូលទិញផ្លែគូលែនជាមួយគណៈ​កម្មាធិការ​ប្រជាជនស្រុកកើនឡើងគួរឲ្យកត់សំគាល់បើប្រៀបនឹងឆ្នាំមុន។ មាន​ទី​ផ្សារ អ្នកទិញជាច្រើន ដូច្នេះតំលែផ្លែគូលែនក៏កើនឡើងគឺជាប្រការងាយយល់ដែរ។”

តាមសេចក្តីឧទ្ទេសនាមរបស់គណៈកម្មាធិការប្រជាជនស្រុកលូកង៉ាន យើងខ្ញុំ​មក​​ដល់ឃុំហុងយ៉ាង ទីកន្លែងដែលបណ្តាស្ថាប័នសមត្ថកិច្ចរៀបចំគឺជាតំបន់ដាំដំណាំគូលែនដ៍សំខាន់ ដើម្បីបំរើការនាំចេញទៅដល់ទីផ្សារនៃប្រទេសអាមេរិកនិងប្រទេសអូស្ត្រាលី។ បណ្តាថ្ងៃនេះ តំបន់ដាំដំណាំគូលែនបំរើការនាំចេញនៅឃុំហុងយ៉ាងតែងតែស្ថិតក្រោមការគ្រប់គ្រងយ៉ាងតឹងរឹង ២៤ម៉ោង/៧ថ្ងៃ និងកំពុងតែក្តៅគគុកពីមួយថ្ងៃទៅមួយថ្ងៃ។

ទំហំដី ៦០ ហិចតាដាំដំណាំគូលែនត្រូវបានរៀបចំផលិតផ្លែគូលែនតាមស្តង់ដា GlobalGAP ស្ថិតក្នុង ៣ ភូមិ ភូមិកែប ១ ង៉ត និងភឿងសើន នៅស្រុកហុងយ៉ាង ដែលកំពុងឈានចូលក្នុងរដូវប្រមូលផល ដូច្នេះដើមគូលែនណាក៏មានផ្លែជាច្រើន​ដែលមានពណ៌ក្រហមទុំ។


ក្នុងចម្ការមានទំហំ ១៧ ហិចតា គ្រួសារបងង្វៀនវ៉ាន់លឺវនៅភូមិកែប ១ កំ​ពុង​ជួល​កសិករចំនួន ២០ នាក់ ដែលរវល់ប្រមូលផល ដើម្បីផ្តល់ឲ្យទាន់ពេលវេលាការបញ្ជូនផ្លែគូលែនលើកទី ២ នាំចេញទៅដល់ប្រទេសអូស្ត្រាលី។ បងលឺវខ្លូនចេញញើសសស្រាក់និយាយថា៖ “ផ្លែគូលែនរបស់គ្រួសារខ្ញុំ​ បេះសម្រេចគឺឡើងយន្តហោះទៅដល់ប្រទេសអូស្ត្រាលី!”


លោកយ៉ាបវ៉ាន់ឡុង ប្រធានភូមិកែប ១ សប្បាយនិយាយថា ៖ “មើលទូរទស្សន៍ ឃើញផ្លែគូលែនរបស់យើងបាន​មានវត្តមាននៅផ្សារទំនើបនៅប្រទេសបារាំង និងប្រទេសម៉ាឡេស៊ី អ្នកណាក៏សប្បាយមិនអាចពិពណ៌នា​​បានទេ !”

រដូវប្រមូលផ្លែគូលែនឆ្នាំនេះ ដើម្បីជួយកសិករដាំដំណាំគូលែនអាចផ្សព្វផ្សាពផលិតផលរបស់ខ្លូន ជារៀងរាល់​សប្តាហ៍ គណៈកម្មាធិការប្រជាជនស្រុកលូកង៉ាន បានផ្ញើផ្លែគូលែន មានទំងន់ ២ តោនឥតគិតថ្លៃ តាមបណ្តាជើងហោះហើរពាណិជ្ជកម្មក្នុងប្រទេសនិងអន្តរជាតិ ដើម្បីបំរើភ្ញៀវធ្វើដំណើរតាមយន្តហោះ។ គិតដល់បច្ចុប្បន្ននេះ ស្រុកលូកង៉ានបានផ្ញើផ្លែគូលែន ចំនួន ១៤ តោនលើបណ្តាជើងហោះហើររបស់ក្រុមហ៊ុន Vietnam Airlines ។  ការធ្វើការងារបន្តិចបន្តូចបែបនេះអាចទទួលបានប្រសិទ្ធិភាព ពីព្រោះអាស្រ័យនេះផ្លែគូលែនបានបណ្តាប្រទេសផ្សេងៗស្គាល់យ៉ាងឆាប់រហ័ស។

 មនុស្សតាន់តាប់នារដូវប្រមូលផលផ្លែគូលែនលូកង៉ាន។ រូបថត៖ ទ្រីញបូ

ក្នុងតំណាត់ផ្លូវប្រវែង ៥ គីឡូម៉ែត្រ ចាប់ពីមជ្ឈមណ្ឌលទីរួមស្រុកជូលើផ្លូវជាតិ ៣១ តែងតែមានមនុស្សតាន់តាប់កសិករដឹកផ្លែគូលែនមកដល់បណ្តាសាខាលក់។ រូបថត៖ ថុងធៀន

ក្នុងបណ្តាថ្ងៃនៅក្នុងរដូវប្រមូលផលផ្លែគូលែន តាមស្ថិតិរបស់គណៈកម្មាធិការប្រជាជនស្រុកលូកង៉ានមានពាណិជ្ជករជនជាតិចិនចំនួន ៥០០ នាក់ចុះបញ្ជីធ្វើជាសាខាទិញផ្លែគូលែន។ រូបថត៖ ទ្រីញបូ

កសិករស្រុកលូកង៉ានជ្រើសរើសនិងបែងចែកបណ្តាផ្លែគូលែនធំ ទុំជោរនិងមិនបែកសំបក ដើម្បីបំរើការនាំចេញ។ រូបថត៖ ថុងធៀន

ផ្លែគូលែនប្រមូលទិញត្រូវបានពាណិជ្ជករបែងចែក ដើម្បីបំរើការនាំចេញ។ រូបថត៖ ថុងធៀន

ផ្លែគូលែនត្រូវពាណិជ្ជករបែងចែក កាត់ទង ហើយផ្ទុកក្នុងធុងរក្សាទុកដើម្បីនាំចេញ។ រូបថត៖ ទ្រីញបូ

ប្រជាជនស្រុកលូកង៉ានអនុវត្តរបៀបរក្សាទុកដោយទឹកកក ដើម្បីផ្លែគូលែនស្រស់ក្នុងខណៈពេល ៤ ដល់ ៦ សប្តាហ៍តាមបច្ចេកវិទ្យា  Israel។ រូបថត៖ ថុងធៀន

បណ្តាប័ណ្ណទិដ្ឋការនាំចេញរបស់ផ្លែគូលែនវៀតណាម
ដើម្បីមានព័ត៌មានល្អជាបន្តបន្ទាប់ពីបណ្តាការបញ្ជូនផ្លែគូលែននាំចេញទៅដល់បណ្តាទីផ្សារធំៗ និងលំបាក វៀតណាមបានមានបណ្តាជំហានរៀបចំយ៉ាងហ្មត់ចត់ពីបណ្តាឆ្នាំមុន។

ឧទាហរណ៍ដូចជាពីថ្ងៃទី ១២ ខែកញ្ញា ឆ្នាំ២០១៣ វៀតណាមបានស្នើជាផ្លូវការប្រទេសអូស្រ្តាលីអនុញ្ញាត្តិឲ្យការនាំចេញផ្លែគូលែនស្រស់ចូលក្នុងទីផ្សារប្រទេសនេះ។ ប៉ុន្តែប្រទេសអូស្រ្តាលីគឺជាទីផ្សារដែលទាមទារស្តង់​​ដាខ្ពស់អំពីសុវត្ថិភាពអាហារក៏ដូចជាការត្រួតពិនិត្យរុក្ខជាតិដោយតឹងរឹងបំផុតលើពិភពលោក ដូច្នេះផ្លែគូលែនវៀតណាមមិនទាន់មានលក្ខណៈចូលកាន់តែជ្រៅក្នុងទីផ្សារនេះទេ។

ប៉ុន្តែដល់ថ្ងៃ១៧ ខែមេសា ឆ្នាំ២០១៥ ក្រសួងកសិកម្មអូស្ត្រាលីបានមានលិខិតជាផ្លូវការផ្ញើនាយកដ្ឋានការពាររុក្ខាជាតិវៀតណាមជូនដំណឹងអំពីអាជីវកម្មអាចសុំផ្តល់លិខិតអនុញ្ញត្តិនាំចូលគូលែនចូលក្នុងទីផ្សារអូស្ត្រា​លី​។​ ហើយក្នុងរយៈពេលពីរខែក្រោយ ផ្លែគូលែនស្រស់ទំងន់ ១៧ តោនបាននាំចេញទៅដល់ប្រទេសអូស្ត្រាលីដោយក្រុមហ៊ុនទទួលខុសត្រូវមានកំរិតពាណិជ្ជកម្មសេវាកម្មនាគក្រហម (Rồng Đỏ) បានប្រមូលទិញ ប្រកប​ដោយ​ជោគជ័យ។

និយាយអំពីព្រឹត្តិការណ៍នេះ លោកឯកអគ្គរដ្ឋទូតអូស្ត្រាលីប្រចាំនៅប្រទេសវៀតណាម Hugh Borrowman បាន​ថ្លែងថា៖ “អស្ចារ្យណាស់នៅពេលប្រជាជនអូស្ត្រាលីមានឳកាសភ្លក់ផ្លែឆ្ងាញ់នេះនៅរដូវប្រមូលផលផ្លែគូលែនឆ្នាំ២០១៥។ ខ្ញុំប្រាកដថា ប្រជាជនអូល្ត្រាលីនឹងទទួលផលិតផលគុណភាពខ្ពស់និងពោរពេញរសជាតិនេះដូចជាប្រជាជនវៀតណាមដែលកំពុងភ្លក់បណ្តាប្រភេទផ្លែឈើស្រស់របស់អូស្ត្រាលីដូចជាទំពាំងបាយជូរ ក្រូច​ពោធិសាត់ និង ​ផ្លែ cherry។”

ក្រសួងឧស្សាហកម្ម - ពាណិជ្ជកម្ម ក្រសួងកសិកម្មនិងអភិវឌ្ឍន៍ជនបទសហការជាមួយគណៈកម្មាធិការប្រជាជនទីក្រុងហូជីមិញ គណៈកម្មាធិការប្រជាជនខេត្តបាក់យ៉ាង និងគណៈកម្មាធិការប្រជាជនខេត្ត​ហាយ​យឿង​ រៀបចំសន្និសីទជំរុញការលក់ផ្លែគូលែនឆ្នាំ២០១៥។ រូបថត៖ ថាញ់វូ

គណៈកម្មាធិការប្រជាជនខេត្តលូកង៉ានចុះហត្ថលេខាលើកិច្ចសន្យាចងចាំជាមួយក្រុមហ៊ុនភាគហ៊ុនអំពីការផ្គត់ផ្គង់ផ្លែគូលែនបំរើការនាំចេញ។ រូបថត៖ឯកសារ

បញ្ជូនផ្លែគូលែនចូលក្នុងប្រព័ន្ធឆ្លុះកាំរស្មីកំចាត់វីរុស។ រូបថត៖ ឡេក្វឹន

បុគ្គលិកត្រួតពិនិត្យគុណភាពនឹងបិទតែមទទួលស្គាល់និងពិនិត្យបណ្តាធុងផ្ទុកផ្លែគូលែនក្រោយពេលឆ្លុះកាំរស្មី។ រូបថត៖ ថុងហាយ

លោក Robert Guillermo អ្នកធ្វើតេស្តរកមេរោគចំណុះក្រសួងកសិកម្មអាមេរិក ចូលរួមផ្ទាល់ក្នុងការវេចខ្ចប់បណ្តាធុងផ្ទុកផ្លែគូលែនក្រោយពេលឆ្លុះកាំរស្មី។ រូបថត៖ឡេក្វឹន

លោក  Alex Aexopoulos តំណាងអ្នកនាំចូលផ្លែគូលែន (ក្រុមហ៊ុន Panasia Fresh -ប្រទេសអូស្ត្រាលី)ពេញចិត្តអំពីបទដ្ឋានគ្រប់គ្រងគុណភាពរបស់ប្រទេសវៀតណាម។ រូបថត៖ ឡេក្វឹន
 

លោក  Hugh Borrowman ឯកអគ្គរដ្ឋទូតប្រទេស​អូស្ត្រាលី​ប្រចាំនៅប្រទេសវៀតណាម
អស្ចារ្យណាស់នៅពេលប្រជាជនអូស្ត្រាលីក៏ដូចជាខ្ញុំមានឳកាសភ្លក់ផ្លែគូលែនឆ្ងាញ់នេះក្នុងរដូវប្រមូល​ផល​គូលែនឆ្នាំ២០១៥។ ខ្ញុំ ពិត​ជឿជាក់ថាប្រជាជន​អូស្ត្រាលី​នឹងបន្តទទួលផលិតផល ដែលមានគុណភាពខ្ពស់និងពោរពេញទៅដោយ​រសជាតិនេះ ដូចជាប្រជាជន​វៀតណាមកំពុងភ្លក់​បណ្តាប្រភេទផ្លែស្រស់របស់​អូស្ត្រាសីដូចជា៖ ផ្លែទំពាំងបាយជូរ ផ្លែក្រូច​ពោធីសាត់​ និង ផ្លែcherry។
រីឯចំពោះទីផ្សារអាមេរិក ចាប់ពីខែតុលាឆ្នាំ២០១៤ ក្រសួងកសិកម្មអាមេរិកបានសម្រេច​ចិត្តអនុញ្ញត្តិការនាំចូលផ្លែគូលែនិងផ្លែមៀនពីវៀតណាម។ ដើម្បីនាំចូលក្នុង​ទីផ្សារអាមេរិក ផ្លែគូលែនត្រូវឆ្លើយតបបណ្តាស្តង់ដាអនាម័យសុវត្ថិភាពអាហារយ៉ាងតឹងរឹងដូចជា៖ ត្រូវដាំនៅតំបន់ដែលចុះបញ្ជីនិងបាននាយកដ្ឋានការ​ពារ​រុក្ខាជាតិ (ចំណុះក្រសួងកសិកម្មនិងអភិវឌ្ឍន៍ជនបទ) តាមដ្ឋាន ដើម្បីធានាគ្មាន​ប្រភពជំងឺ មិនផ្ទុកបណ្តាប្រភេទថ្នាំរក្សារុក្ខាជាតិហាមប្រើប្រាស់ មុនការនាំចេញ​ត្រូវបានឆ្លុះកាំរស្មីប្រឆាំងវីរុស ការបញ្ជូនទំនិញនិមួយៗ ត្រូវមានប័ណ្ណអំពីសុវត្ថិភាពអាហារ​របស់ស្ថាប័នវៀតណាមនិងប័ណ្ណអំពីប្រភពផលិត...

ដោយស្តង់ដាតឹងរឹងរបស់ទីផ្សារអាមេរិក បណ្តាស្ថាប័នមានសមត្ថភាពវៀត​ណាម​មានពេលវេលាជិត ១ ឆ្នាំ ដើម្បីរៀបចំឲ្យផ្លែគូលែនឡើងយន្តហោះទៅកន្លះ​ផែនដី។ នាខែមិនា ឆ្នាំ២០១៥ តំណាងស្ថាប័នធ្វើតេស្តរកមេរោគ (ក្រសួងកសិកម្មអាមេរិក) បានអញ្ជើញមកទស្សនាតំបន់ដាំដំណាំគូលែនផលិតតាមបទដ្ឋាន Global GAP នៅឃុំហុងយ៉ាង។

ក្រោយពេលត្រួត​ពិនិត្យ ស្ថាប័នធ្វើតេស្តរកមេរោគលើសត្វនិងរុក្ខាជាតិអាមេរិក បាន​​ពេញចិត្តនិងផ្តល់លេខ code ឲ្យតំបន់ដាំដំណាំគូលែនដែលមានគ្រប់លក្ខណៈ​នាំចេញទៅដល់ទីផ្សារអាមេរិករួមមាន ៣ ភូមិ៖ ភូមិកែប ១ ភូមិង៉ត និងភូមិ​ភឿងសើន។ នាចុងខែឧសភាកន្លងទៅ ក្រុមហ៊ុនទទួលខុសត្រូវមានកំរិត​អាញ់​យឿងសោ បានប្រមូលទិញផ្លែគូលែនទំងន់ពីរតោនដំបូងនៅស្រុក​លូក​ង៉ាន​ បន្ទាប់ពីដឹកមកទីក្រុងហូជីមិញ អនុវត្តន៍ការឆ្លុះកាំរស្មីនៅរោងចក្រឆ្លុះកាំរស្មី​សើនលើន (ខណ្ឌប៊ិញតឹន) ដើម្បីនាំចូលទីផ្សារអាមេរិក។

នៅរោងចក្រឆ្លុះកាំរស្មីសើនសើន បណ្តាធុងជ័យផ្ទុកផ្លែគូលែនត្រូវបញ្ជូនចូលក្នុងម៉ាស៊ីន scan ដោយកាំរស្មី X-ray មានបរិមាណឆ្លុះពី ៤០០ ដល់ ១០០០ Gy។ ដំណាក់កាលនេះមានផលប្រយោជន៍កំចាត់មេរោគលើផ្លែគូលែន ជាពិសេសគឺជាពងដង្កូវ និងទប់កូនញាស់មិនបង្កើត មិនជះឥទ្ធពលដល់ផ្លែគូលែន ធានាសុវត្ថិភាពសុខភាពសំរាប់អ្នកទិញ។

បើសិនជាការបញ្ជូនមុខទំនិញនាំចេញទៅដល់ទីផ្សារអាមេរិក បន្ទាប់ពីឆ្លុះកាំរស្មីនឹងមានបគ្គលិកជនជាតិអាមេរិកធ្វើតេស្តធុងផ្ទុកគូលែនមួយចំនួន​ឡើងវិញដោយចៃដន្យម្តងទៀត នៅពេលនាំចេញ ចំពោះការបញ្ជូនផ្លែគូលែននាំចូលក្នុងប្រទេសអូស្ត្រាលីនឹងបានអ្នកជំនាញរបស់ដៃគូត្រួតពិនិត្យផលិតផល មុនពេលមានវត្តមាន​នៅប្រទេសមិត្ត។

បច្ចុប្បន្ននេះ រួមជាមួយផ្លែគូលែន បណ្តាមុខទំនិញផ្លែឈើវៀតណាមបានមានវត្តមាននៅ ១០០ ប្រទេសនិងតំបន់ ក្នុងនោះសហភាពអឺរ៉ុបមាន ២៨ ប្រទេស។  នេះកឺជាការខិតខំប្រឹងប្រែងធំរបស់វៀតណាមក្នុងការឆ្ពោះទៅដល់ទីផ្សារនាំចេញបណ្តាមុខកសិផល អាចមានប្រៀបខ្លាំងទៅដល់ទីផ្សារទៅដល់ទីផ្សារនៃបណ្តាប្រទេស​​​​និ​​​​​ងតំបន់មានសក្តានុពល។

ក្នុងយុទ្ធសាស្ត្រនេះ គោលការណ៍របស់វៀតណាមនឹងជំរុញខ្លាំងបណ្តាមុខទំនិញផ្លែឈើចម្បង មានគុណភាពប្រកួតប្រជែងខ្ពស់ ឬមានភាពខុសគ្នា ដែលបណ្តាទីផ្សារ យើងឆ្ពោះទៅដល់ គេគ្មានទេ។ ជាពិសេស បញ្ហា​​នេះនឹងផ្តល់ប្រសិទ្ធិភាពដ៏ធំធេងសំរាប់ផ្នែកកសិកម្មវៀតណាម នៅពេលយើងសម្រេចការចរចាបណ្តាកិច្ច​ព្រមព្រៀងពាណិជ្ជកម្មសេរី (FTA) ទ្វេភាគីនិងពហុភាគីជាមួយបណ្តាដៃគូ។ ហើយរឿងរ៉ាវអតីតកាលអំពីផ្លែ​គូលែនគឺជាឧទាហរណ៍គំរូមួយ៕

ក្រុមរថយន្តដឹកផ្លែគូលែនធ្វើបែបបទឆ្លងព្រំដែននៅច្រកទ្វារឡាវកាយ ដើម្បីនាំចេញទៅដល់ប្រទេសចិន។ រូបថត៖ ថុងជី

ផ្លែគូលែនលូកង៉ាន (ខេត្តបាក់យ៉ាង) ដែលនាំចេញទៅដល់ប្រទេសបារាំងមានទំងន់ជិត ១,២តោន ត្រូវលក់ដាច់នៅផ្សារទំនើបចំនួន ៤ នៅរដ្ឋធានី  Paris និងផ្សារទំនើបមួយនៅទីក្រុង Toulouse (ភាគខាងត្បូងនៃប្រទេស​បារាំង)។ រូបថត៖ប៊ិចហា

ផ្លែគូលែនត្រូវដាក់តាំងលក់នៅទីផ្សារទំនើបធំនៅទីក្រុង Melbourne (ប្រទេសអូស្ត្រាលី)។
រូបថត៖ ង្វៀនហ្វាងធុយ


ផ្លែគូលែនលូកង៉ានមានសំបកក្រហមស្រស់ ផ្លែតូច សាច់ក្រាស់ គ្រាប់តូចមានរសជាតិឆ្ងាញ់ពិសេស។
រូបថត៖ទ្រីញបូ


Karolin (អង្គុយនៅកណ្តាល) និងមិត្តភក្តិជនជាតិអាល្លឺម៉ង់ចូលចិត្តរសជាតិផ្លែគូលែនវៀតណាម។
រូបថត៖ ថុងហាយ


លោកឯកអគ្គរដ្ឋទូតអូស្ត្រាលី Hugh Borrowman (អង្គុយនៅកណ្តាល) ជាមួយបុគ្គលិកធ្វើការនៅស្ថានទូតអូស្ត្រាសីប្រចាំនៅវៀតណាម ភ្លក់រសជាតិផ្លែគូលែននៅដើមរដូវប្រមូលផល ឆ្នាំ២០១៥។
រូបថត៖ ស្ថានទូតអូស្ត្រាសីប្រចាំនៅវៀតណាម

អត្ថបទ៖ ថុងធៀន សើនងៀ
រូបថត៖ ទ្រីញបូ ថុងធៀន ថុងហាយ ថុងជី ឡេក្វឹន
ប៊ិចហា ម៉ាញមិញ ង្វៀនហ្វាងធុយ និងឯកសាររបស់ស្ថានទូតអូស្ត្រាលីប្រចាំនៅវៀតណាម

nguyenhuonggiang

រតនសម្បត្តិ នៅជួរភ្នំថ្មកំបោរ បាក់សើន (Bac Son)

"រតនសម្បត្តិ" នៅជួរភ្នំថ្មកំបោរ បាក់សើន (Bac Son)

តម្លៃពិសេសនៃបុរាណវិទ្យា ប្រវត្តិសាស្ត្រ វប្បធម៌ ភូមិសាស្ត្រ - ភូគព្ភសាស្ត្រ នៅ​ជួរ​ភ្នំថ្ម​កំបោរ បាក់​សើន (Bac Son) មិនត្រឹមតែបានអ្នកវិទ្យាសាស្ត្រចាត់ទុកជា “រតនសម្បត្តិ” ប៉ុណ្ណោះទេ 

Top