ក្នុងរយៈពេលប៉ុន្មានថ្ងៃថ្មីៗនេះ ព័ត៌មាន រូបថត និងអត្ថបទសរសេរសន្ធឹកសន្ធាប់បានចុះផ្សាយជាច្រើននៅលើប្រព័ន្ធផ្សព្វផ្សាយផ្លូវការរបស់គុយបាក្នុងឱកាសនៃដំណើរទស្សនកិច្ចថ្នាក់រដ្ឋរបស់ប្រធានរដ្ឋវៀតណាម លោក Nguyen Xuan Phuc នៅគុយបាចាប់ពីថ្ងៃទី ១៨ ដល់ថ្ងៃទី ២០ ខែកញ្ញា។
 

ថ្នាក់ដឹកនាំវៀតណាម និងគុយបា (រូបថត៖ TTXVN)

នៅនាទីពិសេសលើគេហទំព័រអេឡិចត្រូនិកនោះ ទីភ្នាក់ងារសារព័ត៌មានរដ្ឋគុយបា (ACN) បានចុះផ្សាយអត្ថបទសរសេរក្រោមចំណងជើងថា “ វៀតណាម - គុយបា ចំណងមិត្តភាព ៦ ទសវត្សរ៍” ដោយបានរំលឹកអំពីព្រឹត្តិការណ៍ប្រវត្តិសាស្ត្រក្នុងទំនាក់ទំនងរវាងប្រទេសទាំងពីរក៏ដូចជាស្ងើចសរសើរចំណងសាមគ្គីភាពរវាងប្រទេសទាំងពីរនៅប៉ូលទាំងពីរ។ អត្ថបទសរសេរនេះបានសង្កត់ធ្ងន់ថា ចាប់តាំងពីពេលដែល ប្រទេសទាំងពីរបានបង្កើតទំនាក់ទំនងការទូតកាលពីថ្ងៃទី ២ ខែធ្នូឆ្នាំ ១៩៦០ មក គុយបានិងវៀតណាមបានចាប់ផ្តើមទំនាក់ទំនងទ្វេភាគីពិសេស ដោយមានការគាំទ្រដោយគ្មានលក្ខខ័ណ្ឌនិងការជឿទុកចិត្តយ៉ាងជ្រាលជ្រៅចំពោះគ្នាទៅវិញទៅមក។
ក្នុងរយៈពេលជាង ៦ ទសវត្សរ៍កន្លងទៅ ទំនាក់ទំនងវៀតណាម-គុយបាកាន់តែមានភាពជិតស្និទ្ធ និងរឹងមាំជាង តាមរយៈថ្នាក់ដឹកនាំគ្រប់ជំនាន់។
 

ការសែត Granma ស្ថាប័នបញ្ចេញមតិផ្លូវការរបស់បក្សកុម្មុយនិស្តគុយបាបានដកស្រង់អត្ថបទសរសេរក្រោមចំណងជើងថា“ គុយបានិងវៀតណាម៖ ទំនាក់ទំនងមិត្តភាពអមតៈនៅគ្រប់កាលៈទេសៈណា” ដើម្បីពិពណ៌នាអំពីជំនួបរវាងប្រធានរដ្ឋវៀតណាម លោក Nguyen Xuan Phuc ជាមួយនាយករដ្ឋមន្ត្រីគុយបា លោក Manuel Marrero ក្នុងនោះ លោកនាយករដ្ឋមន្រ្តីគុយបាបានសង្កត់ធ្ងន់ថា ដំណើរទស្សកិច្ចរបស់ ប្រធានរដ្ឋ លោក Nguyen Xuan Phuc និងគណៈប្រតិភូជាន់ខ្ពស់វៀតណាមនៅគុយបាក្នុងគ្រានេះ បានអះអាងសារជាថ្មីនូវទំនាក់ទំនងមិត្តភាពយ៉ាងជ្រាលជ្រៅរវាងបណ្ដាប្រជាជាតិវៀតណាមជាមួយគុយបា។

ប៉ុស្តិ៍ទូរទស្សន៍ Canal Caribe របស់គុយបាក៏បានចាក់បញ្ជាំងកម្មវិធីពិសេសនាថ្ងៃទី ១៩ ខែកញ្ញា ដោយបានផ្សាយព័ត៌មានផ្ទាល់អំពីបណ្ដាសកម្មភាពសំខាន់ៗរបស់ ប្រធានរដ្ឋវៀតណាម លោក Nguyen Xuan Phuc ផងដែរ ៕

តាម VOV5 - វិទ្យុសម្លេងវៀតណាម