• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រធានរដ្ឋសភា លោក Vuong Dinh Hue បានទទួលជួបឯកអគ្គរដ្ឋទូតកូរ៉េខាងត្បូងនិងឯកអគ្គរដ្ឋទូតឥណ្ឌា

នារសៀលថ្ងៃទី២៩ ខែវិច្ឆិកា នៅវិមានរដ្ឋសភា ប្រធានរដ្ឋសភា លោក Vuong Dinh Hue បានអញ្ជើញទទួលជួបឯកអគ្គរដ្ឋទូតកូរ៉េខាងត្បូងនិងឯកអគ្គរដ្ឋទូតឥណ្ឌាប្រចាំនៅវៀតណាម។

ប្រធានរដ្ឋសភាវៀតណាម លោក Vuong Dinh Hue ទទួលជួបឯកអគ្គរដ្ឋទូតកូរ៉េខាងត្បូងប្រចាំនៅវៀតណាម Park Noh-Wan (រូបថត៖TTXVN)

នៅក្នុងជំនួបនេះ ឯកអគ្គរដ្ឋទូតកូរ៉េខាងត្បូងប្រចាំនៅវៀតណាម លោកស្រី Park Noh-Wan បានឲ្យដឹងថា អាជីវកម្មកូរ៉េខាងត្បូងមានបំណងចង់ឲ្យមានលក្ខខណ្ឌអំណោយផលបន្ថែមទៀតក្នុងការធ្វើដំណើរដើម្បីអាចវិនិយោគនិងធ្វើអាជីវកម្មនៅវៀតណាម។ ឯកអគ្គរដ្ឋទូតកូរ៉េខាងត្បូងក៏បានស្នើឲ្យប្រធានរដ្ឋសភាវៀតណាមលោក Vuong Dinh Hue គាំទ្ររដ្ឋាភិបាលទាំងពីរក្នុងការខិតខំនាំទំហំពាណិជ្ជកម្មទ្វេភាគីឡើងដល់ ១៥០ ពាន់លានដុល្លារនៅឆ្នាំ ២០៣០។ ប្រធានរដ្ឋសភា លោក Vuong Dinh Hue បានសង្កត់ធ្ងន់ថា ឆ្នាំ ២០២២ ប្រទេសទាំងពីររំលឹកខួបលើកទី ៣០ នៃការបង្កើតទំនាក់ទំនងការទូត (១៩៩២-២០២២) ហើយទំនាក់ទំនងភាពជាដៃគូយុទ្ធសាស្ត្រវៀតណាម - កូរ៉េខាងត្បូងនៅតែមានឱកាសជាច្រើនសម្រាប់លើកឡើងកម្ពស់ថ្មី។  លោកប្រធានរដ្ឋសភាបានមានប្រសាសន៍ថា វៀតណាមនឹងបើកជើង ហោះហើរអន្តរជាតិឡើងវិញក្នុងពេលឆាប់ៗនេះ ដោយភ្ជាប់ជាមួយនឹងលក្ខខណ្ឌលើលិខិតឆ្លង ដែនសុខភាព។

ប្រធានរដ្ឋសភាវៀតណាម លោក Vuong Dinh Hue ទទួលជួបឯកអគ្គរដ្ឋទូតឥណ្ឌាប្រចាំនៅវៀតណាម Pranay Verma (រូបថត៖TTXVN)


នារសៀលថ្ងៃដដែល អញ្ជើញទទួលជួបឯកអគ្គរដ្ឋទូតឥណ្ឌា Pranay Verma ប្រធានរដ្ឋសភា វៀតណាម លោក Vuong Dinh Hue បានសម្តែងនូវជំនឿថា ជាមួយនឹងបទពិសោធន៍ដ៏សម្បូរបែបរបស់ខ្លួន ឯកអគ្គរដ្ឋទូត Pranay Verma នឹងរួមចំណែកជាវិជ្ជមានក្នុងការពង្រឹងទំនាក់ទំនងមិត្តភាពរវាងប្រទេសទាំងពីរ សហប្រតិបត្តិការនិងអភិវឌ្ឍន៍ទំនាក់ទំនងរវាងប្រទេសទាំងពីរ ក៏ដូចជារវាងស្ថាប័ននីតិប្បញ្ញត្តិនៃប្រទេសទាំងពីរ។ ប្រធានរដ្ឋសភាលោក Vuong Dinh Hue បានមានប្រសាសន៍ថា ក្នុងរយៈពេលកន្លងមក ទំនាក់ទំនងសេដ្ឋកិច្ចនិងពាណិជ្ជកម្មរវាងប្រទេសទាំងពីរនៅតែសម្រេចបានលទ្ធផលគួរឲ្យកត់សម្គាល់ ហើយថ្នាក់ដឹកនាំនៃប្រទេសទាំងពីរ បានដាក់ចេញគោលដៅនាំទំហំពាណិជ្ជកម្មទ្វេភាគីសម្រេចបាន ១៥ពាន់ លានដុល្លា ក្នុងពេលឆាប់តាមដែលអាចធ្វើទៅបាន៕

តាម VOV5 - វិទ្យុសម្លេងវៀតណាម

តាម VOV5 - វិទ្យុសម្លេងវៀតណាម

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

ប្រធានរដ្ឋសភា លោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand

នាព្រឹកថ្ងៃទី២៧ ខែមីនា ឆ្នាំ២០២៤ នៅឯវិមានរដ្ឋសភា (ហាណូយ) ប្រធានរដ្ឋសភាវៀតណាមលោក Vuong Dinh Hue បានទទួលជួបព្រឹទ្ធសមាជិកអាមេរិក លោកស្រី Kirsten Gillibrand ប្រធានអនុគណៈកម្មការទទួលបន្ទុកការគំរាមកំហែងដែលកំពុងកើតមាន គណៈកម្មការកិច្ចការយោធានៃព្រឹទ្ធសភាអាមេរិក ជាមួយគណៈប្រតិភូសមាជិកសភា តំណាងគណៈបក្សនយោបាយនិងបណ្តារដ្ឋនៅអាមេរិក ដែលកំពុងបំពេញទស្សនកិច្ចការងារនៅវៀតណាម។

Top