ព័ត៌មាន
ប្រធានគណៈកម្មាធិការឃោសនាអប់រំមជ្ឈឹមវៀតណាមទៅសាកសួរសុខទុក្ខ សិល្បៈករជើងចាស់ក្នុងទិវាល្ខោនវៀតណាម
លោក Vo Van Thuong សំណេះសំណាលជាមួយ សិល្បៈករប្រជាជន Tran Bang
នារសៀលថ្ងៃទី១៧ ខែកញ្ញា ឆ្នាំ២០១៨ ក្នុងឱកាសរំលឹកខួបទិវាល្ខោនវៀតណាម (ថ្ងៃទី១២ ខែ៨ តាមច័ន្ទគតិ) លោក Vo Van Thuong ប្រធានគណៈកម្មាធិការ ឃោសនាអប់រំមជ្ឈឹមដឹកនាំក្រុមការងារ បានទៅសាកសួរសុខទុក្ខនិងជូន អំណោយចំពោះសិល្បៈករប្រជាជន Tran Tien និងសាស្ត្រាចារ្យ សិល្បៈករ ប្រជាជន Tran Bang។
លោក Vo Van Thuong បានជូនពរសិល្បៈករទាំងពីររូប ឲ្យជួបតែសេចក្ដីសុខ ហើយបន្តលើកទឹកចិត្តកូនចៅឲ្យចូលរួមយ៉ាងសកម្មក្នុងការ អភិវឌ្ឍបុព្វហេតុល្ខោនក៏ដូចជាអក្សរសាស្ត្រសិល្បៈរបស់ប្រទេសជាតិផងដែរ។ លោក Vo Van Thuong ក៏បានផ្ញើរការសាកសួរសុខទុក្ខនិងពាក្យជូនពរទៅកាន់ សិល្បៈករសិល្បៈការិនីទាំងអស់ក្នុងឱកាសទិវាល្ខោនវៀតណាមផងដែរ។
សិល្បៈករប្រជាជន Tran Tien និងសិល្បៈករប្រជាជន Tran Bang សុទ្ធតែ ជាសិល្បៈករឆ្នើមៗនិងមានស្នាដៃជាច្រើនក្នុងវិស័យល្ខោននៅប្រទេសវៀតណាម។ សិល្បៈករប្រជាជន Tran Tien ត្រូវបានប្រគល់ជូនគ្រឿងឥស្សរិយសពល កម្មថ្នាក់ទី១នាឆ្នាំ១៩៩១។ ចំណែកឯសិល្បៈករប្រជាជន Tran Bang ទទួលបាន ពានរង្វាន់រដ្ឋនាឆ្នាំ២០០១និងពានរង្វាន់ហូជីមិញអំពីអក្សរសាស្ត្រសិល្បៈនា ឆ្នាំ២០១៧ ផងដែរ៕
តាម VOV5 - វិទ្យុសំឡេងវៀតណាម