នាព្រឹកថ្ងៃទី ១៤ ខែកុម្ភៈ ឆ្នាំ២០១៩ នៅទីក្រុងហូជីមិញ សមាគមធុរជនទំនិញវៀតណាមគុណភាពខ្ពស់បានរៀបចំសន្និសីទសារព័ត៌មានអំពីពីធីប្រកាសកិត្តនាមទំនិញវៀតណាមគុណភាពខ្ពស់ឆ្នាំ២០១៩ ដែលនឹងប្រព្រឹត្តិទៅនាថ្ងៃទី ២០ ខែកុម្ភៈខាងមុខ។ តាមនោះ មានសហគ្រាសចំនួន ៥៤២ អង្គភាពនឹងត្រូវបានប្រគល់កិត្តិនាមនេះ។
ជារៀងរាល់ឆ្នាំ សមាគមធុរជនទំនិញវៀតណាមគុណភាពខ្ពស់បានធ្វើការស្ទង់មតិ ដើម្បីប្រគល់កិត្តិនាម"ទំនិញវៀតណាមគុណភាពខ្ពស់" ជូនសហគ្រាស។ ចំណុចគួរឱ្យកត់សម្គាល់បំផុតក្នុងការស្ទង់មតិនេះចំពោះសហគ្រាសគឺ៖ កត្តា "ព័ត៌មានទំនិញច្បាស់លាស់" ដែលត្រូវបានអតិថិជនយកចិត្តទុកដាក់បំផុតនៅពេលទិញទំនិញ។ លោក Pham Minh Sang នាយក Maketing នៃក្រុមហ៊ុនភាគហ៊ុន Anova Feed ជាមួយផលិតផលចំណីសត្វដែលត្រូវបានបោះឆ្នោតជ្រើសតាំងជាទំនិញវៀតណាមគុណភាពខ្ពស់ឆ្នាំ២០១៩ បានឲ្យដឹងថា៖
“នាពេលកន្លងទៅ Anova Feed បានអនុវត្តន៍ សកម្មភាពឌីជីថលមួយចំនួនដូច ជាការអនុវត្តន៍ការតាមដានប្រភពដើម តាមរយៈ លេខកូដផលិតផល។ ហើយតាមនោះជួយឲ្យអតិថិជនអាចពិនិត្យព័ត៌មាននិងប្រភពរបស់ផលិតផលយ៉ាងច្បាស់លាស់នៅពេលប្រើប្រាស់ផងដែរ”៕
តាម VOV5 - វិទ្យុសម្លេងវៀតណាម
