នៅខាងក្រៅសម័យបើកកិច្ចប្រជុំលើកទី៥ រដ្ឋសភានីតិកាលទី១៤ សមាជិកសភាជាច្រើននាក់បានសម្ដែងក្ដីសង្ឃឹមថា ដោយស្មារតីផ្លាស់ប្ដូរថ្មីក្នុងសកម្មភាព រដ្ឋសភាបន្តដាក់ចេញដំណោះស្រាយជាក់ស្ដែងជាច្រើន ចំពោះបញ្ហានានាដែលអ្នកបោះឆ្នោតយកចិត្តទុកដាក់។ ពិសេសគឺចំពោះសកម្មភាពសួរដេញដោលនិងឆ្លើយការសួរដេញដោល។
លោក Nguyen Ba Son សមាជិកសភាមណ្ឌលដាណាំង បានឲ្យដឹងថា៖ “ប្រជាជនមានគោលបំណងថា ក្នុងសម័យប្រជុំលើកនេះ រដ្ឋាភិបាលនិងក្រសួង ស្ថាប័នពាក់ព័ន្ធនានា នឹងបង្កលក្ខណៈងាយស្រួល ជួយឧបត្ថម្ភដល់ទីក្រុងដាណាំងដើម្បីជំនះពុះពារលើការជំពាក់ជំពិន បង្កភាពងាយស្រួលសំរាប់ប្រជាជននិងសហគ្រាសក្នុងការវិនិយោគនិងធ្វើផលិតកម្ម”។
ចំណែកឯលោក Ha Sy Dong សមាជិកសភាមណ្ឌល Quang Tri ចាត់ទុកថា រដ្ឋមន្រ្តីនានានឹងឆ្លើយការសួរដេញដោលចំពោះបញ្ហាគន្លឹះ ដែលអ្នកបោះឆ្នោតយកចិត្តទុកដាក់៖
“ក្នុងសម័យប្រជុំលើកនេះ ខ្ញុំវាយតំលៃខ្ពស់ការកែសម្រួលរបស់គណៈកម្មាធិការអចិន្ត្រៃរដ្ឋសភា ចំពោះសកម្មភាពឆ្លើយការសួរដេញដោល។ តាមនោះ អ្នកឆ្លើយការសួរដេញដោលនឹងឆ្លើយដោយផ្ទាល់ ចំពោះសំណួរនីមួយៗរបស់សមាជិកសភាម្នាក់ៗ មិនត្រូវប្រមូលផ្ដុំសំណួរតាមក្រុមដូចលើកមុនៗឡើយ។ ប្រការនេះនឹងនាំមកនូវគុណភាពនិងប្រសិទ្ធភាពខ្ពស់ ព្រោះថាមានការជជែកវែកញែកដោយផ្ទាល់ រវាងសមាជិកសភានិងអ្នកឆ្លើយការសួរដេញដោល”៕
តាម VOV5 - វិទ្យុសំឡេងវៀតណាម