ប្រធានរដ្ឋសភាវៀតណាមលោកស្រី Nguyen Thi Kim Ngan (រូបថត៖ TTXVN)
សម័យប្រជុំលើកទី៥ រដ្ឋសភាវៀតណាមនីតិកាលទី១៤ បានបើកជាផ្លូវការនាព្រឹកថ្ងៃទី២១ ខែឧសភា ឆ្នាំ២០១៨ នៅរដ្ឋធានីហាណូយ។
សម័យប្រជុំលើកនេះប្រព្រឹត្តទៅក្នុងរយៈពេល២០ថ្ងៃ។ ក្នុងនោះ រដ្ឋសភានឹងចំណាយពេលវេលា១២ ថ្ងៃដើម្បីអនុម័តលើគម្រោងច្បាប់ចំនួន៨ ពង្រាងសេចក្ដីសម្រេចចិត្តចំនួន១ និងផ្ដល់មតិដល់គម្រោងច្បាប់ចំនួន៨ទៀត។ រដ្ឋសភាក៏ចំណាយពេលវេលាជាច្រើន ចំពោះសកម្មភាពឃ្លាំមើល ពិចារណានិងសម្រេចលើបញ្ហាសំខាន់ៗ។ ជាពិសេស រដ្ឋសភានិងលៃទុកពេលវេលា៣ថ្ងៃ ដើម្បីសួរដេញដោលនិងឆ្លើយការសួរដេញដោល។ អញ្ជើញថ្លែងមតិបើកសម័យប្រជុំ ប្រធានរដ្ឋសភាលោកស្រី Nguyen Thi Kim Ngan មានប្រសាសន៍ថា៖
“ឆ្នាំ២០១៨ ជាឆ្នាំទី៣ក្នុងអាណត្តិរដ្ឋសភានីតិកាលទី១៤។ មានភារកិច្ចសំខាន់ជាច្រើនបានដាក់ចេញចំពោះរដ្ឋសភា ដែលទាមទារឲ្យររដ្ឋសភាត្រូវផ្លាស់ប្ដូរថ្មី ច្នៃប្រឌិតនិងធ្វើសកម្មភាពដើម្បីផលប្រយោជន៍របស់ប្រជាជន ប្រជាជាតិ សំដៅសម្រេចភារកិច្ចទាំងអស់។ ការងារតាក់តែងច្បាប់ជាខ្លឹមសារគន្លឹះក្នុងសម័យប្រជុំលើកនេះ។ នេះជាគម្រោងច្បាប់ដែលមានអត្ថន័យដ៏សែនសំខាន់ ហើយត្រូវបានអ្នកបោះឆ្នោតយកចិត្តទុកដាក់ពិសេស សំដៅការពារសិទ្ធិមនុស្ស សិទ្ធិពលរដ្ឋ កសាងនិងសុក្រិតរបៀបរបបសេដ្ឋកិច្ចទីផ្សារតាមទិសសង្គមនិយម បង្កើនកម្លាំងសន្តិសុខការពារជាតិ កែទម្រង់ក្បាលម៉ាស៊ីនរដ្ឋ ជំរុញការបង្ការប្រឆាំងអំពើពុករលួយ”៕
តាម VOV5 - វិទ្យុសំឡេងវៀតណាម
